INJIILKA SIDA MARKOS U QORAY

Cutubka 1

Yooxanaa Baabtiisaha iyo farriintii uu waday (Mt 3:1-12; Lk. 3:1-17)

¹Bilowgii injiilkii Ciise Masiix. oo ah Wiilka Ilaah. ²Sidii Nebi Isayos u qoray, Eeg, waxaan hortaada soo dirayaa wargeeyahayga, Kan jidkaaga diyaarga1 ayn doona; ³Waa codka kan cidlada kaga qaylinaya, Jidka Rabbiga hagaajiya, Waddooyinkiisa toosiya. ⁴Waxaa yimid Yooxanaa kan cidlada dadka ku baabtiisayay oo ku wacdiyeyey baabtiiskii toobadda dembidhaafka aawadiis ⁵Markaasaa waxaa u soo baxay dadkii Yahuudiya oo dhan iyo kuwii Yeruusaalem oo dhan. oo kulligoodna Webi Urdun ayuu ku baabtiisay. iyagoo dembiyadooda qiranaya. ⁶Yooxanaa wuxuu guntanaa dharkiisii dhogorta geel ahaa, oo suun meged ahna dhexduu ku xidhnaa. oo wuxuu cunay ayax iyo malab dibadeed. ⁷Oo wax buu wacdiyey oo yidhi, Waxaa iga daba imanaya ku iga itaal weyn, kan aanan istaahilin inaan foororsado oo aan yeelmihii kabihiisa furo. ⁸Anigu waxaan idinku baabtisay biyo, isaguse wuxuu idinku baabtiisi doonaa Ruuxa Qoduuska ah.

Ciise waa la baabtiisay (Mt. 3:13-17; Lk. 3:21-22)

⁹Wakhtigaas waxay noqotay in Ciise ka yimid Naasaret tii Galili, oo Yooxanaa baa Webi Urdun ku baabtiisay isagii. ¹⁰Markiiba intuu biyihii ka soo baxay wuxuu arkay samooyinkii oo kala dillaacay iyo Ruuxii oo sidii qoolley oo kale dushiisa ugu soo degaya. ¹¹Waxaa samooyinka ka yimid cod leh7 Adigu waxaad tahay Wiilkayga aan jeclahay oo aan ku faraxsanahay.

Shaydaan baa isku deyay inuu Ciise duufsado (Mt 4:1-11; Lk. 4:1-13)

¹²Oo markiiba Ruuxii baa xaggii cidlada u eryay. ¹³Afartan maalmood buu cidlada joogay, Shaydaan baana jirrabay oo wuxuu la jiray dugaagga, malaa'igahuna waa u adeegeen.

Bilowgii wacdiga Ciise (Mt. 4:17; Lk. 4:14-15)

¹⁴Kolkii Yooxanaa la qabtay dabadeed, Ciise wuxuu yimid Galili, oo wuxuu dadka ku wacdiyey injiilka Ilaah, ¹⁵wuxuuna yidhi, Wakhtigii waa buuxsamay, oo boqortooyadii Ilaah waa soo dhowaatay; toobad keena oo injiilka rumaysta.

Ciise wuxuu u yeedhay xertiisii u horraysay (Mt. 4:18-22; Lk. 5:1-11)

¹⁶Markuu badda Galili ag marayay, wuxuu arkay Simoon iyo walaalkiis Andaros, iyagoo shabag badda ku tuuraya, waayo, waxay ahaayeen kuwa kalluun jillaabta. ¹⁷Ciise wuxuu ku yidhi, I soo raaca. Waxaan idinka dhigayaa kuwa dadka jillaabta. ¹⁸Markiiba shabagyadoodii way ka tageen, wayna raaceen. ¹⁹Markuu cabbaar socday, wuxuu arkay Yacquub ina Sebedi iyo walaalkiis Yooxanaa, iyagoo doonnida dhexdeeda shabagyadoodii ku hagaajinaya. ²⁰Markiiba wuu u yeedhay. Kolkaasay aabbahood Sebedi iyo shaqaalayaasha kaga soo tageen doonnida, oo isagay raaceen.

Ciise wuxuu Kafarna'um ku bogsiiyey jinnooleh (Lk. 4:31-37)

²¹Markaasay Kafarna'um galeen, oo markiiba Sabtida wuxuu galay ^[1]sunagogga oo dadka wax baray. ²²Waxayna la yaabeen wax bariddiisa, waayo, wuxuu wax u barayay sida mid amar leh, oo uma uu baraynin sida culimada. ²³Markaasaa waxaa sunagoggoodii ku jiray nin jinni wasakh leh qaba, wuuna qayliyey, oo wuxuu yidhi, ²⁴Maxaa inoo dhexaya, Ciise reer Naasaretow? Ma waxaad u timid inaad na baabi'iso? Anigu waa ku garanayaa kii aad tahay Kan Qoduuska ah ee Ilaah. ²⁵Ciise baa canaantay oo ku yidhi, Aamus oo ka soo bax. ²⁶Goortii jinnigii wasakhda lahaa gilgilay oo cod weyn ku qayliyey, ayuu ka soo baxay. ²⁷Kulligoodba ayay la wada yaabeen, sidaa aawadeed iyaga dhexdooda way isweydiiyeen oo yidhaahdeen, Waa maxay waxani? Ma wax barid cusub baa? Xataa jinniyadii wasakhda lahayd amar buu ku amraa, wayna yeelaan. ²⁸Markiiba warkiisii waa gaadhay dhulkii Galili ku wareegsanaa oo dhan.

Ciise wuxuu bogsiiyey Butros soddohdiis iyo dad kale oo badan

Ciise wuxuu bogsiiyey Butros soddohdiis iyo dad kale oo badan

(Mt. 8:14-17; Lk. 4:38-41)

²⁹Oo markiiba kolkay sunagoggii ka soo baxeen, waxay galeen guriga Simoon iyo Andaros, iyaga iyo Yacquub iyo Yooxanaaba. ³⁰Simoon soddohdiis baa qandho la jiiftay, oo kolkiiba waxay isaga u sheegeen wax iyada ku saabsan. ³¹Markaasuu u soo dhowaaday oo gacanteeda qabtay oo uu kiciyey. Kolkiiba qandhadii waa ka baxday oo ay u adeegtay iyaga. ³²Makhribkii goortay qorraxdii dhacday, waxay u keeneen kuwa buka oo dhan iyo kuwa jinniyo qaba. ³³Markaasaa dadkii magaalada oo dhan albaabka ku soo ururay. ³⁴Oo wuxuu bogsiiyey dad badan oo cudurro kala cayncayn ah qabay, dadkana jinniyo badan buu ka saaray, oo uma oggolaanin jinniyadu inay hadlaan, waayo, isagay garanayeen.

Ciise gooni ahaan buu u tukaday (Lk. 4:42-44)

³⁵Aroortii hore intaan weli waagii beryin ayuu kacay oo wuxuu tegey meel cidla ah, halkaasuuna ku soo tukanayay. ³⁶Markaasaa Simoon iyo kuwii la jiray ka daba tageen. ³⁷Goortay heleen waxay ku yidhaahdeen, Dadka oo dhan baa ku doondoonaya. ³⁸Wuxuu ku yidhi, Aan tagno magaalooyinka inoo dhow, inaan halkaasna wax ku wacdiyo; waayo, taas aawadeed ayaan u imid. ³⁹Wuxuu galay sunagogyadoodii Galili ku yiil oo dhan; dadkana ayuu ka wacdiyey, jinniyadiina ayuu dadka ka saaray.

Baraslihii la bogsiiyey (Mt. 8:1-4; Lk. S: 12-16)

⁴⁰Markaasaa waxaa u yimid nin baras leh, wuuna jilba joogsaday oo baryay, oo ku yidhi, Haddaad doonaysid waad i daahirin kartaa. ⁴¹Kolkaasaa Ciise u naxariistay, oo intuu gacantiisa soo taagay, ayuu taabtay oo ku yidhi, Waa doonayaa ee daahirsanow. ⁴²Kolkiiba baraskii waa ka baxay, oo wuu daahirsanaaday. ⁴³Ciisena aad buu u xukumay, oo markiiba ayuu iska diray, ⁴⁴Oo ku yidhi, Ninna waxba ha kala hadlin, laakiin tag oo wadaadka istus. Waxaad daahirsanaantaada u bixisaa wixii uu Muuse amray, marag iyaga ha u ahaatee. ⁴⁵Laakiin wuu baxay oo bilaabay inuu aad u naadiyo oo warka faafiyo, taas aawadeed kol dambe Ciise magaaladuu bayaan u geli kari waayay, laakiin wuxuu joogay dibadda ee meelo cidla ah, meel kastana waa looga yimid.

Cutubka 2

Curyaankii la bogsiiyey (Mt. 9:1-8; Lk. 5- 17-26)

¹Dhawr maalmood dabadeed goortuu haddana Kafarna'um galay, waxaa la maqlay inuu guriga joogo. ²Markaasaa waxaa is-urursaday dad badan, sidaa daraaddeed meel ay joogsadaan ayay ka waayeen xataa albaabka hortiisii, oo iyaga ayuu hadalkii kula hadlay. ³Kolkaasay u yimaadeen oo nin curyaan ah u keeneen, waxaana siday afar qof. ⁴Goortay u soo dhowaan kari w aayeen dadkii badnaa daraaddiis ayay saqafka dusha ka fureen meeshuu joogay. Goortii ay jebsheen. waxay ka soo dejiyeen sariirtii ninkii curyaanka ahaa ku jiifay. ⁵Ciise kolkuu rumaysadkoodii arkay ayuu ninkii curyaanka ahaa ku yidhi. Wiilkow. dembiyadaadu waa cafiyan yihiin. ⁶Laakiin halkaa waxaa joogay qaar culimada ah oo iska fadhiyey oo qalbiyadooda ka fikirayay, oo waxay isku yidhaahdeen, ⁷Ninkanu muxuu sidan ugu hadlayaa? Wuu caytamayaa. Ayaa dembiyo cafiyi kara Ilaah keliya maahee? ⁸Kolkiiba Ciise ruuxiisuu ka ogaaday inay sidaas qalbiyadooda ka fikirayaan, oo wuxuu ku yidhi, Maxaad waxan qalbiyadiinna ugaga fikiraysaan? ⁹Iyamaa hawl yar. in curyaanka lagu yidhaahdo, Dembiyadaadu waa cafiyan yihiin, ama in lagu yidhaahdo, Kac oo sariirtaada qaado oo soco? ¹⁰Laakiin si aad ku garataan in Wiilka Aadanahu dhulka ku leeyahay amar uu dembiyada ku cafiyo (ayuu ninkii curyaanka ahaa ku yidhi), ¹¹Waxaan ku leeyahay, Kac oo sariirtaada qaado oo gurigaaga tag. ¹²Kolkiiba wuu kacay oo sariirtiisii qaatay; wuuna baxay dadkii oo dhan hortooda, sidaa darteed ayay la wada yaabeen. wayna ammaaneen Ilaah. oo waxay yidhaahdeen. Weligayo sidan oo kale ma aannu arag.

U-yeedhidda Laawi (Mt. 9:9-13; Lk. S: 27-32)

¹³Haddana wuu u baxay badda xeebteeda, oo dadkii oo dhan baa u yimid, wuuna wax baray. ¹⁴Goortuu ag marayay. wuxuu arkay Laawi ina Alfayos, isagoo fadhiya meesha cashuurta lagu qaado, oo uu ku yidhi isaga, I soo raac. Wuuna kacay oo raacay. ¹⁵Waxaa dhacay markii Ciise gurigiisa cunto u fadhiistay in kuwa badan oo cashuurqaadayaal iyo dembiilayaal ah Ciise iyo xertiisii la fadhiistay; waayo, way badnaayeen, wayna raaceen. ¹⁶Culimadii iyo Farrisiintii markay arkeen isagoo dembiilayaal iyo cashuurqaadayaal wax la cunaya, waxay xertiisii ku yidhaahdeen. Waa sidee? Wuxuu wax la cunaa oo la cabbaa cashuurqaadayaal iyo dembiilayaal. ¹⁷Ciise goortuu maqlay ayuu ku yidhi, Kuwa ladan dhakhtar uma baahna, laakiin kuwa buka ayaa u baahan. Uma aan imanin inaan kuwa xaqa ah u yeedho, laakiin inaan dembiilayaasha u yeedho ayaan u imid.

Wax soonka ku saabsan (Mt. 9:14-17; Lk. 5:33-39)

¹⁸Xertii Yooxanaa iyo Farrisiintii ayaa soomi jiray. lsagay u yimaadeen oo waxay hu yidhaahdeen, Xertii Yooxanaa iyo xertii Farrisiintu mahay u soomaan oo ay xertaadu u soomi weydaa? ¹⁹Markaasaa Ciise ku yidhi. Dadka aroosku miyay soomi karaan intuu aroosku la joogo? In alla intii aroosku la joogo ma ay soomi karaan. ²⁰Laakiin waxaa iman doona maalmaha arooska laga qaadi doono, markaasay soomi doonaan maalintaas. ²¹Ninna karriin cusub kuma tolo dhar duug ah. haddii kale tan cusub ee lagu buuxin lahaa ayaa ka goda kan duug ah. oo jeexdintu waa ka sii xumaataa. ²²Khamri cusubna qarbeddo duug ah laguma shubo, haddii kale khamrigii cusbaa ayaa qarbeddada kala dildillaacinaya, khamriguna waa daadanayaa. qarbeddaduna waa hallaabayaan. Laakiin khamriga cusubse waxaa lagu shubaa qarbeddo cuscusub.

Wax Sabti dhawridda ku saabsan (Mt. 12:1-8; Lk. 6:1-5)

²³Waxaa dhacay inuu Sabtidii beeraha dhex marayay, oo xertiisii intay soconayeen ayay bilaabeen inay sabuullada jartaan. ²⁴Markaasaa Farrisiintii waxay isaga ku yidhaahdeen. Bal eeg, maxay Sabtida u samaynayaan wixii aan xalaal ahayn? ²⁵Wuxuu ku yidhi, Miyaydnaan weligiin akhriyin wixii Daa'uud sameeyey markuu wax u baahnaa oo uu gaajaysnaa, isaga iyo kuwii la jiray? ²⁶Siduu guriga Ilaah u galay waagii wadaadkii sare ee Aabyaataar. oo uu u cunay ^[2]kibistii tusniinta oo aan xalaal uu ahayn dad kale wadaaddada maahee, oo uu siiyey kuwii la jirayna. ²⁷Markaasaa wuxuu ku yidhi iyaga, Sabtida waxaa loo sameeyey dadka aawadiis ee dadka looma samayn Sabtida aawadeed. ²⁸Sidaa darteed Wiilka Aadanahu waa sayidka Sabtida.

Cutubka 3

Ninkii gacanta engegnaa waa la bogsiiyey (Mt. 12:9-14; Lk. 6:6-11)

¹Kol dambe wuxuu galay sunagogga; halkaasna waxaa joogay nin gacan engegan. ²Markaasay fiirinayeen inuu Sabtida bogsiinayo iyo in kale, si ay u ashtakeeyaan. ³Kolkaasuu ninkii gacanta engegnaa ku yidhi. Dhexda isa soo taag. ⁴Oo wuxuu iyaga ku yidhi, Sabtida ma xalaal baa in wanaag la falo ama shar; in naf la badbaadiyo ama la dilo? Laakiin way iska aamuseen. ⁵Goortuu iyaga isha mariyey isagoo cadhaysan oo qalbigiisii ka tiiraanyooday qalbi engegnaantooda aawadeed, wuxuu ninkii ku yidhi, Gacanta soo taag. Kolkaasuu soo taagay. oo gacantiisu way bogsatay. ⁶Markaasaa Farrisiintu baxeen. oo markiiba waxay kala tashadeen Herodosiintii si ay u dilaan isaga.

Dad kaloo la bogsiiyey

⁷Laakiin Ciise xertiisii ayuu badda kula noqday; waxaana raacay dad badan oo ka yimid Galili, iyo Yahuudiya, ⁸iyo Yeruusaalem, iyo Idumiya, iyo Webi Urdun shishadiisa, iyo kuwa ag joogay Turos iyo Siidoon; dad tiro badan goortii ay maqleen waxa weyn ee u samaynayay ayay u yimaadeen. ⁹Xertiisii wuu la hadlay oo wuxuu ku yidhi, Doonni yar ha i sugto dadkii badnaa aawadiis si ayan ii cidhiidhiyin. ¹⁰Waayo, dad badan ayuu bogsiiyey, sidaa daraaddeed ayay waxay ugu kufeen si ay kuwii cudur qabay oo dhan u taabtaan isaga. ¹¹Oo jinniyada wasakhda lehna goortay arkeen, hortiisii ayay isku tuureen oo qayliyeen, oo waxay yidhaahdeen, Adigu waxaad tahay Wiilka Ilaah. ¹²Aad buu u amray inaanay dadka ogeysiinin isaga.

Ciise laba iyo tobankiisii rasuul (Mt. 10:1-4; Lk. 6:12-16)

¹³Goortaasuu buurta fuulay; wuu u yeedhayna kuwii uu doonayay; wayna u yimaadeen. ¹⁴Laba iyo toban ayuu soo saaray inay isaga la joogaan, iyo inuu u diro inay wax wacdiyaan, ¹⁵iyo inay u leeyihiin amar ay cudurro ku bogsiiyaan oo ay jinniyo ku saaraan. ¹⁶Waxay ahaayeen Simoon, kan uu Butros u bixiyey, ¹⁷iyo Yacquub ina Sebedi, iyo Yooxanaa, Yacquub walaalkiis, iyaga wuxuu u bixiyey Bo'anerges, waxaa weeye wiilashii onkodka, ¹⁸iyo Andaros, iyo Filibos, iyo Bartolomayos, iyo Matayos, iyo Toomas, iyo Yacquub ina Alfayos, iyo Tadayos, iyo ^[3]Simoon reer Kaana, ¹⁹iyo Yuudas Iskariyot, kii gacan geliyey.

Ciise iyo Be'elsebul (Mt. 12:22-37; Lk. 11:14-23; 12:10)

²⁰Kolkaasuu guri galay; oo dad badan ayaa haddana ku soo ururay si aanay karin inay kibis cunaan. ²¹Xigtadiisii goortay maqleen, ayay u soo baxeen inay qabtaan, waayo, waxay yidhaahdeen, Isagu waa waalan yahay. ²²Culimadii Yeruusaalem ka soo degeenna waxay yidhaahdeen, Wuxuu qabaa Be'elsebul, oo madaxda jinniyada ayuu jinniyada ku saaraa. ²³Kolkaasuu iyagii u yeedhay oo masaallo kugu yidhi, Sidee baa Shaydaan Shaydaan u saari karaa? ²⁴Haddii boqortooyo kala qaybsanto, boqortooyadaasu ma taagnaan karto. ²⁵Haddii gurina kala qaybsamo, gurigaasu ma taagnaan kari doono. ²⁶Haddii Shaydaanna isku kaco oo qaybsamo, ma taagnaan karo. Laakiin wuxuu leeyahay dhammaansho. ²⁷Ninna nin xoog leh gurigiisa ma geli karo inuu alaabtiisa dhaco hadduusan kolkii hore ninka xoogga leh xidhin, goortaasuu gurigiisa dhici doonaa. ²⁸Runtii waxaan idinku leeyahay, Bini aadmiga waa loo cafiyi doonaa dembiyadii oo dhan iyo caydii ay ku caytamaan; ²⁹laakiin ku alla kii caaya Ruuxa Qoduuska ah, weligiis cafiga heli maayo, laakiin wuxuu eed u leeyahay dembi weligiis ah; ³⁰waayo, waxay yidhaahdeen, Jinni wasakh leh ayuu qabaa.

Walaalnimada runta ah (Mt. 12:46-50;Lk. 8:19-21)

³¹Markaasaa waxaa yimid walaalihiis iyo hooyadiis, oo dibadday istaageen, waxayna u direen cid ugu yeedha. ³²Dad badan baa agtiisa fadhiyey oo waxay ku yidhaahdeen, Bal eeg, hooyadaa iyo walaalahaa dibadday joogaan oo waa ku doonayaan. ³³Markaasuu u jawaabay oo ku yidhi, Yaa ah hooyaday iyo walaalahay? ³⁴Kolkaasuu isha mariyey kuwii agtiisa fadhiyey oo ku yidhi, Waa kuwan hooyaday iyo walaalahay! ³⁵Ku alla kii yeela doonistii Ilaah kaasaa walaalkay iyo walaashay iyo hooyaday.

Cutubka 4

Masaalka ku saabsan beerrayga (Mt. 13:1-9; Lk. 8:4-8)

¹Haddana wuxuu bilaabay inuu badda agteeda wax ku baro, oo waxaa u soo ururay dad badan, sidaa darteed doonni ayuu fuulay, wuxuuna fadhiistay badda, dadkii badnaana waxay joogeen badda xeebteeda. ²Markaasuu wax badan masaallo ku baray, oo intuu wax barayay ayuu iyaga ku yidhi, ³Dhegaysta, waxaa baxay beerray inuu wax beero. ⁴Intuu beerayay qaar baa jidka geestiisa ku dhacay, kolkaasaa shimbiro yimaadeen oo cuneen. ⁵Qaar kalena waxay ku dhaceen dhul dhagax ah oo an carro badan lahayn; kolkiiba way soo baxeen, waayo, carradu hoos uma dheerayn, ⁶laakiin qorraxdu goortay soo baxday way gubteen, waana engegeen, waayo, xidid ma lahayn. ⁷Qaar kalena waxay ku dhex dhaceen qodxan, qodxantiina waa soo baxday oo ceejisay, oo midho ma ay dhalin. ⁸Qaar kalena dhul wanaagsan bay ku dhaceen, oo intay baxeen ayay koreen oo midho dhaleen. Mid wuxuu dhalay soddon, midna lixdan, midna boqol. ⁹Oo wuxuu ku yidhi. Kan dhego wax lagu maqlo lahu ha maqlo.

Sida loo isticmaalo masaallada (Mt. 13:10-17; Lk. 8:9-10)

¹⁰Goortuu keligiis ahaa kuwii la joogay iyo laba-iyotobankii wax bay masaalladii ka weydiiyeen. ¹¹Kolkaasuu ku yidhi, Idinka waa laydin siiyaa inaad waxa qarsoon ee boqortooyada Ilaah garataan, laakiin kuwa dibadda jooga wax walba waxaa loogu sheegaa masaallo, ¹²si ay goortay arkayaan ayan u arkin, oo si ay goortay maqlayaan ayan u garan, si ayan u soo noqon oo aan loo cafiyin.

Micnaynta masaalka beerrayga (Mt. 13:18-23; Lk. 8:11-15)

¹³Wuxuuna iyaga ku yidhi, Miyaydnaan masaalkan garanaynin? Sidee baad masaalladii oo dhan u garan doontaan? ¹⁴Beerraygu wuxuu beeraa hadalka. ¹⁵Waa kuwan kuwii jidka yiil meeshii hadalka lagu beeray, oo goortay maqlaan, Shaydaan baa kolkiiba yirnaada oo ka qaada hadalkii lagu beeray iyaga. ¹⁶Si la mid ahna kuwan waa kuwii dhul dhagax ah lagu beeray, kuwii goortay hadalkii maqlaanba kolkiiba farxad bay ku qaataan; ¹⁷xididse isagu ma leh, laakiin wakhti yar bay sii jiraan, markii dambe goortii dhib ama silec u dhoco hadalka aawadii-,, markiiba way ka xumaadaan. ¹⁸Kuwanna waa kuwii qodxanta lagu dhex beeray, kuwa hadalka maqla, ¹⁹laakiin kawelwelidda dunidan. iyo sasabidda maalka, iyo damacyada wax kale ayaa gala oo hadalkii ceejiya, oo wuxuu noqdaa midho la aan. ²⁰Kuwanna waa kuwii dhulka wanaagsan lagu beeray, kuwa hadalka maqla, oo aqbala, oo midho soo dhala. mid soddon, midna lixdan, midna boqol.

Waxa laga barto laambadda iyo abuurka (Mt. 13:31-35; Lk. 8:16-18:13: 18-19)

²¹Wuxuuna iyaga ku yidhi. Ilays ma waxaa loo keenaa in la hoos geliyo weel ama sariir? Sow lama saaro meeshii ilayska? ²²Wax qarsoon ma jiro oo aan soo muuqan doonin, oo wax daboolanna ma jiro oo aan bannaan soo bixi doonin. ²³Haddii nin leeyahay dhego uu wax ku maqlo ha maqlo. ²⁴Kolkaasuu ku yidhi, U fiirsada waxaad maqlaysaan; qiyaastii aad ku qiyaastaan ayaa laydinku qiyaasi doonaa oo ayaa laydiin kordhin doonaa. ²⁵Kii wax haysta waa la siin doonaa. Kii aan waxba haysanse waa laga qaadi doonaa wuxuu haysto. ²⁶Wuxuuna yidhi, Sidaa weeye boqortooyadii Ilaah, sida nin abuur dhulka ku daadsha. ²⁷Isagu waa hurdaa, waana kacaa maalin iyo habeenba, oo abuurku waa baxaa oo weynaadaa, laakiin si ay tahay isagu garan maayo. ²⁸Dhulka keligiis ayaa midhaha bixiya, horta jirridda. dabadeed sabuulka, dabadeedna sabuulka midho ka buuxsama. ²⁹Laakiin goortii midhuhu soo bislaadaan, kolkiiba ayuu mindi la galaa. waayo, wakhtigii beergooyska ayaa yimid. ³⁰Wuxuuna yidhi. Maxaynu boqortooyadii Ilaah la masaysiinnaa, oo masaalkee baynu u ekaysiinnaa? ³¹Wuxuu yahay sida iniin khardal oo kale; tan goortii dhulka lagu beero waa ka wada yar tahay iniinaha dhulka ku jira oo dhan. ³²Laakiin goortii la beero way baxdaa oo ka weynaataa dhalatada oo dhan. oo ay laamo waaweyn bixisaa si ay shimbiraha cirku hooskeeda ugu degaan. ³³Masaallo badan oo tan oo kale ah ayuu hadalka kula hadlay intii ay maqli karayeen. ³⁴Laakiin masaalla'aan kulama uu hadlin, oo markay keligood ahaayeen ayuu wax walba xertiisii u fasiray.

Ciisa duufaankii dejiyey (Mt. 8:23-27; Lk. 8:22-25)

³⁵Maalintii qudheedii, goortii makhribkii la gaadhay, wuxuu iyaga ku yidhi, Dhanka kale aan u gudubnee. ³⁶Goortay dadkii badnaa direen. isagay wadeen intuu doonnidii ku jiray, oo doonniyo yaryar oo kalena way la jireen. ³⁷Waxaa kacay duufaan weyn oo dabayl ah, hirarkiina doonniday ku dhaceen ilaa ay doonnidii buuxsamaysay. ³⁸Isaguna wuxuu joogay xaggii dambe ee doonnida isagoo barkin ku hurda. Markaasay toosiyeen oo ku yidhaahdeen, Macallimow, miyaanay waxba kula ahayn inaynu lunno? ³⁹Kolkaasuu kacay oo dabayshii canaantay, oo badduu ku yidhi, Aamus oo xasil. Markaasaa dabayshii degtay oo xawaal weyn baa dhacday. ⁴⁰Goortaa suu wuxuu iyaga ku yidhi, Maxaad sidaa ugu baqaysaan? Sidee baydnaan weli rumaysad u lahayn? ⁴¹Aad bay u baqeen, oo waxay isku yidhaahdeen, Haddaba yuu yahay kan xataa dabaysha iyo badduba yeelaan?

Cutubka 5

Jinnoolihii reer Gadareni oo la bogsiiyey (Mt 8:28-34; Lk. 8:26-39)

¹Waxay yimaadeen dhanka kale oo badda ilaa dalkii Gadareni. ²Goortuu doonnidii ka degay, kolkiiba waxaa la kulmay nin xabaalaha ka so baxay oo jinni wasakh leh qaba. ³Isagu xabaalaha ayuu dhex fadhiyi jiray, oo ninna xataa silsilad kuma xidhi kari jirin. ⁴Maxaa yeelay, marar badan bir cagaha iyo silsilado waa lagu xidhi jiray, silsiladihiina ayuu iska gooyn jiray, bir cagahana wuu kala jejebin jiray. Ninna ka adkaan kari waayay. ⁵Weligiiba, habeen iyo maalin, ayuu buuraha iyo xabaalaha joogi jiray isagoo qaylinaya oo dhagaxyona isku jarjaraya. ⁶Laakiin goortuu Ciise meel fog ka arkay, ayuu ku soo orday oo u sujuuday. ⁷Markaasuu cod weyn ku qayliyey oo ku yidhi, Maxaa inoo dhexeeya, Ciisow adigoo ah Wiilka llaaha sarow? Ilaah baan kugu dhaarinayaa, Ha i silcin. ⁸Waayo, wuxuu ku yidhi, Ka soo bax ninka, jinni wasakh lahow. ⁹Markaasuu weydiiyey, Magacaa? Wuxuu ugu jawaabay, Waxaa lay yidhaahdaa, Liijon, waayo, annagu waa badan nahay. ¹⁰Aad buuna uga baryay inaanu dalka ka eryin. ¹¹Buurta sin teedana waxaa joogay daaqsin weyn oo doofaarro ah oo daaqaysa. ¹²Jinniyadii oo dhan baa baryeen, oo waxay ku yidhaahdeen, Noo dir doofaarrada inaannu galno. ¹³Kolkiiba Ciise baa u fasaxay. Markaasaa jinniyadii wasakhda lahayd baxeen. oo waxay galeen doofaarrada, daaqsintiina jarka hoos bay uga yacday ilaa badda, baddayna ku bakhtiyeen, waxayna ahaayeen abbaaraha laba kun. ¹⁴Markaasaa kuwii daajin jiray carareen, oo dadkii magaalada iyo beerahaba ayay u warrameen. Kolkaasaa dadkii u soo baxay inay arkaan wixii dhacay. ¹⁵Markaasay u yimaadeen Ciise, oo waxay arkeen jinnoolihii isagoo fadhiya oo dhar sita oo miyir qaba, wayna baqeen. ¹⁶Kolkaasaa kuwii arkay waxay u sheegeen sidii ay u dhacday jinnoolihii iyo warkii doofaarrada. ¹⁷Markaasay bilaabeen inay baryaan inuu soohdintooda ka noqdo. ¹⁸Intuu doonnida fuulayay, kii jinniyada qabi jiray ayaa baryay inuu raaco. ¹⁹Ciisese uma fasaxin, laakiin wuxuu ku yidhi, Gurigaaga iyo dadkaaga u tag oo u sheeg waxa weyn oo Rabbigu kuu sameeyey iyo siduu kuugu naxariistay. ²⁰Kolkaasuu tegey oo bilaabay inuu Dekabolis ku naadiyo waxa weyn oo Ciise u sameeyey, oo dhammaan bay la wada yaabeen.

Yayros gabadhiisii; iyo naagtii dhiigbixidda qabtay (Mt. 9:18-26; Lk. 8:40-56)

²¹Markii Ciise haddana dhanka kale doonnida ugu gudbay ayaa dad faro badan u soo ururay, isaguna badda agteeda ayuu joogay. ²²Waxaa u yimid taliyayaasha sunagogga midkood ee Yayros la odhan jiray, oo markuu arkay, cagihiisa ayuu isku riday, ²³Oo aad buu u baryay oo ku yidhi, Gabadhaydii yarayd waa sakaraad. Waan ku baryayaa, kaalay oo gacmahaaga saar inay bogsato oo noolaato. ²⁴Markaasaa Ciise raacay, dad faro badanna waa la socday, wayna cidhiidhyeen. ²⁵Waxaa jirtay naag laba iyo toban sannadood dhiigbixid qabtay. ²⁶Silec badanna ayay dhakhtarro badan ka heshay, oo wixii ay lahayd oo dhanna ayay ku bixisay, mana roonaanin laakiinse way ka sii dartay. ²⁷Markay Ciise warkiisa maqashay ayay dadkii soo dhex martay oo dhabarkiisa timid, markaasay maradiisa taabatay. ²⁸Waayo, waxay tidhi, Haddaan dharkiisa iska taabto uun, waan bogsanayaa. ²⁹Kolkiiba bixiddii dhiiggeeda ayaa joogsatay oo waxay jidhkeedii ka garatay inay cudurkii ka bogsatay. ³⁰Ciise kolkiiba wuxuu iska gartay in xoog ka baxay isagii, oo intuu cidhiidhiga ku soo jeestay ayuu yidhi, Yaa dharkayga taabtay? ³¹Xertiisii ayaa ku tidhi, Adigu waad aragtaa dadka badan oo ku cidhiidhinaya. Ma waxaad na leedahay, Yaa i taabtay? ³²Kolkaasuu hareerihiisii ka fiirfiiriyey inuu arko tan waxan samaysay. ³³Naagtiise waa baqday oo gariirtay iyadoo garanaysa wixii loogu sameeyey. Markaasay timid oo hortiisa ku dhacday oo runtii oo dhan u sheegtay. ³⁴Kolkaasuu wuxuu iyada ku yidhi, Gabadhay, rumaysadkaaga ayaa ku bogsiiyey. Nabad ku tag, cudurkaagiina ka bogso. ³⁵Goortuu weli hadlayay waxaa gurigii taliyaha sunagogga ka yimid kuwii yidhi, Gabadhaadii waa dhimatay. Maxaad Macallinka u sii dhibaysaa? ³⁶Mar alla markuu Ciise maqlay hadalka lagu hadlay, wuxuu taliyaha sunagogga ku yidhi, Ha baqin ee iska rumayso. ³⁷Ninnana uma oggolaanin inuu raaco, Butros, iyo Yacquub, iyo Yooxanaa oo ahaa Yacquub walaalkiis, maahee. ³⁸Kolkaasuu yimid gurigii taliyaha sunagogga, oo wuxuu arkay buuqa iyo kuwa ooyaya oo aad u barooranaya. ³⁹Goortuu galay wuxuu ku yidhi, Maxaad sidaas ugu buuqaysaan oo u ooyaysaan? Gabadhu ma dhiman, waase huruddaa. ⁴⁰Iyaguse aad bay ugu qosleen, laakiin goortuu kulligood dibadda u saaray, wuxuu waday gabadhii aabbeheed iyo hooyadeed iyo kuwii isaga la jiray, wuxuuna galay meeshii gabadhu jiiftay. ⁴¹Kolkaasuu gabadhii gacanteeda qabtay oo ku yidhi, Talita qumi, taasoo micneheedu yahay, Gabadhay, waxaan ku leeyahay, Kac. ⁴²Kolkiiba gabadhii waa kacday oo socotay; waxay jirtay laba iyo toban sannadood. Dadkuna aad bay ula wada yaabeen. ⁴³Aad buu ugu adkeeyey inaan ninna ogaan, wuxuuna u sheegay in cunto la siiyo iyada.

Cutubka 6

Ciise waa laga celiyey Naasaret (Mt. 13:53-58; Lk. 4:16-30)

¹Meeshaas ayuu ka tegey oo waddankiisii yimid, xertiisiina way soo raaceen. ²Goortii Sabtida la gaadhay ayuu bilaabay inuu sunagogga wax ku baro; dad badan oo maqlayaana way la yaabeen, oo waxay yidhaahdeen, Ninkanu xaggee buu waxyaalahan ka helay? Oo xigmaddan la siiyeyna maxay tahay in xataa shuqulladan oo xoogga leh gacmihiisu sameeyaan? ³Kanu miyaanu ahayn nijaarkii, ina Maryan, kii walaal u yahay Yacquub, iyo Yoosee, iyo Yuudas, iyo Simoon; gabdhihii walaali hiis ahaana miyaanay inala wada joogin? Wayna ka xumaadeen. ⁴Laakiin Ciise wuxuu ku yidhi, Nebi murwad la' ma jiro, waddankiisa, iyo dadkiisa, iyo gurigiisa dhexdooda maahee. ⁵Meeshaas shuqul xoog leh kuma samayn karin inuu dhawr buka gacmihiisii saaro oo bogsiiyo mooyaane. ⁶Wuuna ka yaabay rumaysad la'aantooda aawadeed. Kolkaasuu tuulooyinka ku wareegay isagoo wax baraya.

Rasuulladii shuqulkoodii (Mt. 10:5-15; Lk. 9:1-6)

⁷Kolkaasuu laba-iyo-tobankii u yeedhay, wuxuuna bilaabay inuu laba laba u diro. Wuuna siiyey amar ay jinniyo wasakh leh ku saaraan. ⁸Wuxuuna ku amray, Waxba safarka ha u qaada nina ul maahee. Kibis iyo qandi iyo lacag kiishad ku jirta ha qaadanina. ⁹Kabo gashada, laakiin laba khamiis ha gashanina. ¹⁰Wuxuuna ku yidhi, Meel walba oo aad guri ka gashaan, halkaas jooga ilaa aad ka tegaysaan. ¹¹Meel alla meeshaan idin soo dhowayn oo aan idin maqlin, goortaad halkaas ka tegaysaan, siigada cagihiinna ka dhabaandhaba inay marag ka gees ah ku ahaato. ¹²Markaasay baxeen oo waxay wacdiyeen dadkii ha toobad keeneen e. ¹³Jinniyo badan ayay saareen, dad badan oo bukayna saliid bay mariyeen. wayna bogsiiyeen.

Dhimashadii Yooxanaa Baabtiisaha (Mt. 14:1-12; Lk. 9:7-9)

¹⁴Boqor Herodos ayaa warkii Ciise maqlay, waayo, magi ciisa ayaa meel walba laga wada ogaaday. Kolkaasuu yidhi, Yooxanaa Baabtiisaha ayaa kuwii dhintay ka soo sara kacay, sidaa daneeda shuqulladan xoogga leh waa ku dhex jiraan oo shaqaynayaan. ¹⁵Laakiin qaar kale waxay yidhaahdeen, Waa Eliyaas; qaar kalena waxay yidhaahdeen, Waa nebi, nebiyada kale la mid ah. ¹⁶Laakiin Herodos goortuu maqlay wuxuu yidhi, Kanu waa Yooxanaa, kii aan madaxa ka gooyay. Kuwii dhintay ayuu ka soo sara kacay. ¹⁷Waayo, Herodos qudhiisa ayaa cid diray oo Yooxanaa qabtay oo u xabbisay walaalkiis Filibos naagtiisii Herodiya aawadeed, waayo, wuu guursaday, ¹⁸Oo Yooxanaa wuxuu Herodos ku yidhi, Xalaal kuu ma aha inaad naagtii walaalkaa haysatid. ¹⁹Sidaa darteed ayaa Herodiya ka dhiriftay oo doonaysay inay disho, mase karin, ²⁰waayo, Herodos baa Yooxanaa ka baqay. Wuxuu ogaa inuu yahay nin qumman oo qoduus ah, wuuna ilaaliyey. Oo goortuu maqlay waa wareeray, tarxadna wuu ku maqlay. ²¹Goortii maalin wanaagsan timid. markii la xusuustay dhalashadii Herodos, ayuu diyaafad ugu yeedhay raggiisii waaweynaa iyo saraakiishiisii iyo cuqaashii Galili. ²²Kolkaasaa gabadhii Herodiya qudheedu soo gashay oo cayaartay, oo waxay ka farxisay Herodos iyo kuwii la fadhiyey, kolkaasaa boqorkii baa wuxuu gabadhii ku yidhi, Wax alla wixii aad doonaysidba i weydiiso, waanan ku siinayaa. ²³Kolkaasuu wuxuu ugu dhaartay, Wax alla wixii aad i weydiisatidba, waan ku siinayaa ilaa boqortooyadayda badhkeed. ²⁴Markaasay baxday oo hooyadeed ku tidhi, Maxaan weydiistaa? Oo waxay tidhi, Madaxa Yooxanaa Baabtiisaha. ²⁵Kolkiiba boqorkii ayay dhaqso ugu timid oo weydiisatay iyadoo leh, Waxaan doonayaa haddaba madaxii Yooxanaa Baabtiisaha inaad xeedho igu siiso. ²⁶Markaasaa boqorkii aad u calool xumaaday, laakiin dhaarihiisii iyo kuwii la fadhiyey aawadood ayuusan doonaynin inuu diido. ²⁷Kolkiiba boqorkii wuxuu diray askari oo ku amray inuu madaxiisa soo qaado. Markaasuu tegay oo xabsiga madaxa kaga gooyay. ²⁸Madaxiisiina ayuu xeedho ku soo qaaday oo gabadhii siiyey, gabadhiina waxay siisay hooyadeed. ²⁹Tan goortii xertiisii maqashay, ayay yimaadeen oo meydkiisii qaadeen oo aaseen.

Soo noqodkii rasuullada (Mt 14:13-14; Lk. 9:10)

³⁰Rasuulladii ayaa Ciise u soo ururay. oo waxay u sheegeen wixii ay sameeyeen oo dhan iyo wixii ay bareenba. ³¹Mar kaasuu iyaga ku yidhi, Keligiin kaalaya cidlada, wuxoogaana ku nasta. Waayo, kuwii imanayay iyo kuwii tegayay way bad naayeen, nefis ay wax ku cunaanna ma lahayn. ³²Kolkaasay keli ahaantooda doonni raaceen oo meel cidla ah tageen. ³³Dadkii baase arkay iyagoo tegaya, qaar badanna way garteen. oo magaalooyinka oo dhan ayay ka so ordeen, wayna ka dheereeyeen. ³⁴Ciise goortuu soo degay ayuu dad badan arkay wuuna u naxariistay. maxaa yeelay. waxay ahaayeen sidii ido aan adhijir lahayn w uxuuna bilaahay inuu wax badan haro.

Waxaa cunto la siiyey shan kun oo nin (Mt. 14:15-21; Lk. 9:11-17; Yoox. 6:1-13)

³⁵Goortii maalintii hore u badatay ayaa xertiisii u timid oo ku tidhi, Meeshu waa cidlo. haddana maalintii horay u badatay. ³⁶Dadka dir, si ay u tagaan beeraha iyo tuulooyinka ku wareegsan, oo ay wax la cuno u soo iibsadaan. ³⁷Kolkaasuu u jawaabay oo ku yidhi, Idinku siiya waxay cunaan. Waxay ku yidhaahdeen, Miyaannu tagnaa inaannu soo iibinno laba boqol oo dinaar oo kibis ah oo aannu siinno inay cunaan? ³⁸Markaasuu ku yidhi, Immisa kibsood baad haysaan? Soo eega. Oo markay ogaadeen, waxay ku yidhaahdeen, Shan kibsood iyo laba kalluun. ³⁹Kolkaasuu ku amray inay cawska kooxkoox ugu fa dhiisiiyaan. ⁴⁰Waxay u fadhiisteen safaf boqol boqol iyo konton konton ah. ⁴¹Isaguna wuxuu qaaday shantii kibsood iyo labadii kalluun, oo intuu cirka eegay ayuu barakadeeyey kibistiina ayuu kala jejebiyey oo xertiisii siiyey inay hortooda dhigaan, labadii kalluunna wuu u qaybiyey gidiyood ⁴²Dhammaantood way wada cuneen, oo ka dhergeen. ⁴³Oo waxay soo gureen laba iyo toban dembiilood oo ka buuxa jajabkii iyo kalluunka. ⁴⁴Kuwii kibistii cunayna waxay ahaayeen shan kun oo nin.

Ciise baa badda ku dul socday (Mt. 14:22-27; Yoox. 6:16-21)

⁴⁵Kolkiiba wuxuu xertiisii ku amray inay doonnida fuulaan oo ay hortiis tagaan dhanka kale oo Beytsayda intuu dadkii badnaa dirayo. ⁴⁶Goortuu kala diray, ayuu buurta tegey inuu ku tukado. ⁴⁷Goortii makhribkii la gaadhay. doonnidii waxay joog tay badda dhexdeeda, isaguna keligiis ayuu dhulka joogay. ⁴⁸wuxuu arkay iyagoo wadidda ku dhibtoonaya. waayo dabaysha ayaa ka gees ahayd. Wakhtigii gaadhka afraad oo habeenka ayuu u yimid isagoo badda ku dul socda, wuuna iska dhaafi lahaa. ⁴⁹Laakiin goortay arkeen isagoo badda ku dul socda. waxay moodeen inuu muuqasho yahay, markaasay qayliyeen. ⁵⁰Waayo, way wada arkeen, wayna nexeen. Markiiba wuu la hadlay oo ku yidhi, Kalsoonaada, waa aniga ee ha baqina. ⁵¹Markaasuu doonnidii iyaga ugu tegey, dabayshuna waa joogsatay. Aad iyo aad bay u nexeen oo ula yaabeen. ⁵²Waayo, iyaga kibistii waxba kama ay garanin, maxaa yeelay, qalbigoodu waa engegnaa.

Bogsiintii dadka Gennesaret joogay (Mt. 14:34-36)

⁵³Oo markay gudbeen waxay yimaadeen dalka Gennesaret, oo doonnidiina xeebtay ku xidheen. ⁵⁴Goortay doonnida ka soo degeen, kolkiiba dadku way garteen isaga. ⁵⁵Oo waxay orod ku wareegeen dalka u dhow oo dhan oo bilaabeen inay kuwa buka sariiro ugu soo qaadaan meeshii ay ku maqleen inuu joogo. ⁵⁶Meel alla meeshuu galayba, tuulooyinka ama magaalooyinka ama beeraha, waxay suuqyada dhigeen kuwa buka, oo ay ka baryeen inay faraqa maradiisa oo keliya taabtaan, oo kuwii taabtay oo dhammuna way bogsadeen.

Cutubka 7

Ciisaa ka jawaabay eedayntii ku saabsanayd xeerka (Mt. 15:1-20)

¹Kolkaasaa waxaa u soo urureen Farrisiintii iyo qaar culimo ah oo Yeruusaalem ka yimid. ²Goortaasay arkeen xertiisii qaarkooda oo kibis ku cunaya gacmo nijaasaysan, waxa weeye gacmo aan dhaqnayn. ³Waayo, Farrisiinta iyo Yuhuudda oo dhammu waxba ma cunaan haddayan gacmahooda aad u dhaqin, si ay u xajiyaan xeerkii waayeellada. ⁴Oo goortay suuqa ka yimaadaan waxba ma cunaan, inay maydhaan maahee. Waxyaalo badan oo kale ayaa jira oo ay heleen inay xajiyaan sida dhaqidda koobab, iyo dheriyo, iyo weelal naxaas ah, iyo miisas. ⁵Markaasaa Farrisiintii iyo culimadii weydiiyeen oo waxay ku yidhaahdeen, Xertaadii maxay ugu socon waayeen xeerkii waayeellada, waxayse wax ku cunaan gacmo nijaasaysan? ⁶Markaasuu wuxuu ku yidhi, Isayos aad buu wax idiinka sii sheegay, labawejilayaalow, siday u qoran tahay, Dadkanu bushimahooda ayay igu maamuusaan, Laakiin qalbigoodu waa iga fog yahay. ⁷Si aan micne lahayn ayay ii caabudaan, Iyagoo dadka wax ku baraya amarrada dadka. ⁸Idinku qaynuunkii Ilaah waad ka tagtaan, oo waxaad xajisaan xeerka dadka, sida dhaqidda dheriyada iyo koobabka, oo wax kale oo badan oo kuwaas la mid ah ayaad samaysaan. ⁹Markaasuu ku yidhi, Qaynuunkii Ilaah aad baad u diiddaan inaad xeerkiinna xajisaan. ¹⁰Waayo, Muuse wuxuu yidhi, Aabbahaa iyo hooyadaa maamuus; oo kan aabbihii iyo hooyadii caayaa. dhimasho ha ku dhammaado. ¹¹Laakiin waxaad leedihiin, Haddii nin aabbihii iyo hooyadii ku yidhaahdo, Wixii aan idiin tari lahaa oo dhan waa Qurbaan. waxa weeye, Waa sadaqad aan Ilaah siiyey; ¹²idinku uma daysaan mar dambe inuu aabbihii iyo hooyadii wax u sameeyo. ¹³Hadalkii Ilaah ayaad ku buriseen xeerkiinna aad bixiseen. oo wax badan oo kuwan oo kale ah ayaad samaysaan. ¹⁴Markaasuu dadkii badnaa haddana u yeedhay oo ku yidhi, I maqla kulligiin oo garta. ¹⁵Ma jiraan wax dibadda jooga oo intay ninka galaan nijaasayn karaa, laakiin waxa isaga ka soo baxa kuwaasaa waxa ninka nijaaseeya. ¹⁶Haddii nin dhego wax lagu maqlo leeyahay ha maqlo. ¹⁷Markuu dadka ka tegey oo guri galay ayaa xertiisii masaal ladii wax ka weydiisay. ¹⁸wuxuu iyaga ku yidhi, Idinkuna ma sidaasaad garasho la'aan u tihiin? Miyaydnaan garanaynin in waxa dibadda joogaa oo dadka galaa ayan nijaasayn karin? ¹⁹Waayo. qalbigiisa ma galaan. Laakiin calooshiisay galaan. oo waxay ku dhacaan meesha lagu xaaro. Sidaasuu cuntada oo dhan ku nadiifiyey. ²⁰Wuxuuna ku yidhi. Waxa ninka ka soo baxa. kuwaas weeye waxa ninka nijaaseeyaa. ²¹Waayo, waxan weeye waxa qalbiga dadka gudihiisa ka soo baxa fikirrada shar leh, iyo wasmada xaaraanta ah, iyo tuuganimada. iyo dilidda, ²²iyo damacnimada, iyo sharka, iyo khiyaanada, iyo camal xumaanta. iyo il xun, iyo cayda, iyo kibirka, iyo nacasnimada. ²³Wax yaalahan shar leh oo dhammu gudahay ka soo baxaan oo ninka nijaaseeyaan.

Bogsiintii gabadha aan Yuhuudda ahayn (Mt. 15:21-28)

²⁴Meeshaas ayuu ka kacay oo wuxuu tegey soohdimaha Turos iyo Siidoon. Markaasuu guri galay. Ma uu doonaynin in la ogaado. Laakiin wuu qarsoomi kari waayay. ²⁵Kolkaasaa naag gaba dheedu jinni wasakh leh qabtay ayaa warkiisa maqashay. oo intay timid ayay lugihiisa isku tuurtay. ²⁶Naagtii waxay ahayd Gariig, qolo ahaanna Surofoynike. Oo waxay ka bariday inuu jinniga gabadheeda ka saaro. ²⁷Kolkaasuu ku yidhi, Kolkii hore carruurtu ha dheergaan, waayo ma wanaagsana in carruurta kibis tooda la qaado oo eeyaha loo tuuro. ²⁸Laakiin way u jawaabtay oo ku tidhi, Waa run, Sayidow, laakiin weliba eeyaha miiska hoostiisa ku jiraa waxay cunaan jajabka carruurta ka dhaca. ²⁹Kolkaasuu iyada ku yidhi. Hadalkaas aawadiis tag: jinnigii ayaa gabadhaada ka baxay. ³⁰Goortay gurigeeda timid waxay aragtay gabadhii oo sariirta jiifta oo jinnigii ka baxay.

Nin dhego iyo carrab la' oo la bogsiiyey (Mt. 15:29-31)

³¹Mar kale ayuu soohdimaha Turos ka soo tegey oo Siidoon maray oo badda Galili yimid soohdimaha Dekabolisna ayuu soo dhex maray. ³²Markaasay waxay u keeneen mid dhego iyo carrab la. waxayna ka baryeen inuu gacantiisa saaro. ³³Kolkaasuu dadkii badnaa dhinaca uga bixiyey, oo farihiisa ayuu dhegihiisa ka geliyey, wuuna tutay oo carrabkiisa taabtay. ³⁴Markaasuu cirka kor u eegay, wuuna taahay oo ku yidhi, Efata, waxa weeye. Furan. ³⁵Markiiba dhegihiisa waa furmeen oo carrabkiisii xidhnaa waa debcay, oo si bayaan ah ayuu u hadlay. ³⁶Wuuna ku amray inaanay ninna u sheegin; laakiin in alla intuu amray, ayay in ka badan sii naadiyeen. ³⁷Aad iyo aad bay ula yaabsanaayeen, oo waxay yidhaahdeen, Wax walba si wanaagsan ayuu u sameeyey. Kuwa dhegaha la' wax buu maqashiiyaa, kuwa carrabka la na wax buu ka hadliyaa.

Cutubka 8

Waxaa cunto la siiyey afar kun oo nin (Mt 15:32-39)

¹Maalmahaas dadkii aad buu u badnaa oo waxay cunaanna ma haysan, markaasaa Ciise xertiisii u yeedhay oo ku yidhi. ²Dadka badan ayaan u naxariisanayaa. waayo, durba saddex maalmood ayay ila joogeen. oo waxay cunaanna ma haystaan. ³Haddii aan guryahooda u diro, iyagoo sooman, jidkay ku itaalbeeli doonaan, waayo qaarkood waxay ka yimaadeen meel fog. ⁴Kolkaasaa xertiisii u jawaabtay. oo waxay ku yidhaah deen, Meeshan cidlada ah xaggee looga heli karaa kibis dadkanu ka dhergaan? ⁵Goortaasuu weydiiyey, Immisa kibsood baad haysaan? Waxay ku yidhaahdeen, Toddoba. ⁶Kolkaasuu dadkii badnaa ku amray inay dhulka ladhiistaan. Markaasuu toddobadii kibsood soo qaaday, oo goortuu ku mahad naqay ayuu kala jejebi yey oo xcrtiisii siiyey inay hortooda dhigaan. Markaasay dadkii badnaa hor dhigeen. ⁷Waxay haysteen in yar oo kalluun yaryar ah. Oo intuu barakadeeyey. wuxuu ku amray inay kuwaasna hor tooda dhigaan. ⁸Markaasay cuneen oo dhergeen: kolkaasay soo ururiyeen toddoba dembiilood oo ka buuxa jajabkii hadhay. ⁹Kuwii cunayna waxay ku dhowaayeen afar kun, markaasuu diray. ¹⁰Kolkiiba xertiisii ayuu doonni la fuulay, oo wuxuu yimid dhinacyada Dalmanuuta.

Ciise baa diiday markii calaamo la weydiistay (Mt. 16:1-4; Lk. 12:54-56)

¹¹Markaasaa Farrisiintu u soo baxday, oo waxay bilaabeen inay wax weydiiyaan, oo waxay ka doonayeen inuu calaamo cirka ka tuso, si ay u jirrabaan. ¹²Intuu ruuxiisa ka taahay ayuu yidhi, Qarnigan muxuu calaamo u doondoonayaa? Runtii waxaan idinku leeyahay. Qarnigan calaamo lama siin doono. ¹³Markaasuu ka tegey oo haddana doonniduu fuulay oo dhanka kale u kacay.

Ciise baa xertii ku canaantal indho la'aantoodii (Mt. 16:5-12)

¹⁴Xertii waxay illoobeen inay kibis soo (laataan, oo doonnida kibis kuma ay haysan mid keliya maahaane. ¹⁵Markaasuu wuxuu ku amray. oo ku yidhi, Iska cega oo iska jira khamiirka Farrisiinta iyo khamiirka Herodos. ¹⁶Markaasay isla wada hadleen. oo isku yidhaahdeen, Sababtaasu waa kibistii annaan haysan aawadeed. ¹⁷Ciise oo gartay ayaa ku yidhi, Maxaad isu la hadlaysaan? Ma kibistii aydnaan haysan aawadeed ba'? Miyaydnaan weli arkin oo aydnaan garanaynin? Qalbigiinnu weli ma engegan yahay? ¹⁸Indho baad leedihiin. miyaydnaan waxba arkaynin? Dhegona baad leedihiin, miyaydnaan waxba maqlaynin oo aydnaan xusuusnayn? ¹⁹Goortii aan shantii kibsood shantii kun u kala jejebiyey. immisa dembiilood oo jajab ka buuxa ayaad soo ururiseen? Waxay ku yidhaahdeen. Laba iyo toban. ²⁰Oo goortii aan toddobadii kibsood afartii kun u kala jejebiyey. immisa dembiilood oo jajab ka buuxa ayaad soo ururiseen? Waxay ku yidhaahdeen, Toddoba. ²¹Wuxuuna ku yidhi, Miyaydnaan weli garanaynin?

Ciise wuxuu bogsiiyey nin indha la o Beytsayda joogay

²²Markaasay yimaadeen Beytsayda. Oo waxay u keeneen nin indhala' oo ay ka baryeen inuu taabto. ²³Markaasuu ninkii indhahala'aa gacanta qabtay. oo tuulada dibadda uga saaray. oo goortuu indhaha kaga tufay oo gacmihiisii saaray, wuxuu weydiiyey, Wax ma arkaysaa'? ²⁴Kor buu u eegay oo yidhi, Waxaan arkayaa niman. oo waxay ii le eg yihiin sida geedo socda. ²⁵Kolkaasuu mar kale gacmihiisii indhaha ka saaray. Markaasuu aad iyo aad wax u eegay wuuna bogsaday. oo wax walba bayaan buu u arkay. ²⁶Kolkaasuu gurigiisii u diray, oo wuxuu ku yidhi, Tuulada ha galin.

Butros wuxuu qiray inuu Ciise yahay Masiixa (Mt 16:13-20; Lk. 19-21)

²⁷Markaasaa Ciise iyo xertiisii waxay tageen oo galeen tuulooyinka Kaysariya Filibos. Xertiisii ayuu jidka ku weydiiyey, oo wuxuu ku yidhi. Dadku yay igu sheegaan? ²⁸Waxay yidhaahdeen, Yooxanaa Baabtiisaha. qaarna. Eliyaas, qaar kalena. Nebiyada midkood. ²⁹Markaasuu weydiiyey. oo wuxuu ku yidhi, Idinkuse yaad igu sheegtaan? Butros ayaa u jawaabay oo wuxuu ku yidhi, Waxaad tahay Masiixa. ³⁰Markaasuu ku amray inayan ninna isaga u sheegin.

Ciise wuxuu sii sheegay dhimashadiisa iyo sara kiciddiisa (Mt. 16:21-23; Lk. 9:22- 27)

³¹Kolkaasuu bilaabay inuu baro inay waajib ugu tahay Wiilka Aadanahu inuu wax badan ku xanuunsado, oo ay waayeellada iyo wadaaddada sare iyo culimadu diidaan, oo la dilo, oo saddex maalmood dabadeed uu soo sara kaco. ³²Hadalkaas bayaan buu ugu hadlay. Markaasaa Butros gees u waday oo bilaabay inuu canaanto. ³³Laakiin Ciise markuu soo jeestay oo xertiisii eegay, ayuu Butros canaantay, oo wuxuu ku yidhi, Gadaal iga mar, Shayddaan yahow, waayo, waxyaalaha Ilaah kama fikirtid, waxaadse ka fikirtaa waxyaalaha dadka.

Waa in nafta la diido (Mt. 16:24-28; Lk. 9:23-27)

³⁴Goortaasuu dadkii badnaa u yeedhay iyo xertiisiiba oo wuxuu ku yidhi, Mid uun hadduu doonayo inuu iga daba yimaado, ha is-inkiro, iskutallaabtiisana ha soo qaato oo ha i soo raaco. ³⁵Kan doonaya inuu naftiisa badbaadiyo, waa lumin doonaa, laakiin kan naftiisa u lumiya aawaday iyo injiilka aawadii, kaasaa badbaadin doona. ³⁶Waayo, nin maxay u taraysaa hadduu dunida oo dhan helo oo uu naftiisa lumiyo? ³⁷Nin muxuu u bixiyaa naftiisa beddelkeeda? ³⁸Haddaba ku alla kii qarnigan dembiga iyo sinada leh kaga xishooda aniga iyo hadalkaygaba, Wiilka Aadanaha ayaa ka xishoon doona isaga markuu ammaantii Aabbihiis kula yimaado malaa'igaha qoduuska ah.

Cutubka 9

¹Wuxuu iyaga ku yidhi, Runtii waxaan idinku leeyahay, Kuwa halkan taagan qaarkood sinaba dhimasho uma dhadhamin doonaan ilaa ay arkaan boqortooyada Ilaah oo xoog ku imanaysa.

Ciise muuqiisu waa isbeddelay (Mt. 17:1-13; Lk. 9:28-36)

²Lix maalmood dabadeed Ciise wuxuu waday Butros iyo Yacquub iyo Yooxanaa; oo wuxuu keligood geeyey buur dheer, hortoodana ayuu ku beddelmay. ³Dharkiisu aad buu caddaan ula dhalaalay sidii midka dhulka wax ku caddeeya aanu u caddayn karin. ⁴Markaasaa waxaa iyaga u muuqday Eliyaas iyo Muuseba, waxayna la hadlayeen Ciise. ⁵Markaasaa Butros la hadlay oo Ciise ku yidhi, Macallimow, waxaa inoo wanaagsan inaynu halkan joogno. Saddex waab aannu ka dhisno, mid adaan kuu dhisaynaa, midna Muuse, midna Eliyaas. ⁶Waayo, ma uu garanaynin wuxuu ku jawaabo, maxaa yeelay, aad bay u baqeen. ⁷Kolkaasaa waxaa timid daruur oo iyaga hadhaynaysa, daruurtiina waxaa ka yimid cod leh, Kanu waa Wiilkayga aan jeclahay ee maqla isaga. ⁸Dhaqsiba goortii ay hareerahooda fiiriyeen, mar dambe ma ay arkin cid kale oo iyaga la joogta Ciise keliya maahee. ⁹Markay buurta ka soo degayeen, wuxuu ku amray inaanay ninna u sheegin waxay arkeen intaanu Wiilkii Aadanahu kuwii dhintay ka soo sara kicin. ¹⁰Dhexdoodii ayay hadalkii haysteen oo iska weydiinayeen, Waa maxay ka soo sara kiciddii kuwii dhintay? ¹¹Markaasay waxay weydiiyeen oo ku yidhaahdeen, Culimadu maxay u yidhaahdaan, Eliyaas waa inuu horta yimaado? ¹²Markaasuu u jawaabay oo ku yidhi, Waa run in Eliyaas horta imanayo oo wax walba soo celinayo. Oo sidee uga qoran tahay xagga Wiilka Aadanaha inuu wax badan ku xanuunsan doono oo la nici doono? ¹³Laakiin waxaan idinku leeyahay, Eliyaas waa yimid, oo wax kasta oo ay doonayeen ayay ku sameeyeen siday uga qoran tahay.

Wiilkii jinnigii qabay waa la bogsiiyey (Mt. 17:14-21; Lk. 9:37-43)

¹⁴Markay xertii u yimaadeen, waxay arkeen dad faro badan oo la jooga. Culimaduna wax bay weydiinayeen. ¹⁵Kolkiiba dadkii badnaa markay isaga arkeen aad bay u yaabeen oo ku soo ordeen oo nabdaadiyeen. ¹⁶Kolkaasuu weydiiyey, Maxaad isweydiinaysaan? ¹⁷Markaasaa dadkii badnaa midkood wuxuu ugu jawaabay, Macallimow, waxaan kuu keenay wiilkayga jinni carrab la' qaba. ¹⁸Meel alla meeshuu ku qabtoba, wuu ridaa; markaasuu afka ka xumbeeyaa, wuuna ilka jirriqsadaa oo qallalaa. Waxaan xertaada ka baryay inay ka saaraan, wayna kari waayeen. ¹⁹Markaasuu u jawaabay oo ku yidhi, Qarni yahow rumaysadka daranu! Ilaa goormaan idinla jiri doonaa? Ilaa goormaan idiin dulqaadan doonaa? Ii keena isaga. ²⁰Markaasay u keeneen. Goortuu arkay, kolkiiba jinnigii waa gilgilay; dhulkuuna ku dhacay oo labalegdeeyey isagoo afka ka xumbaynaya. ²¹Markaasuu aabbihiis weydiiyey, Intee buu waxan qabay? Kolkaasuu yidhi, Tan iyo yaraantiisii. ²²Marar badan wuxuu ku tuuray dab iyo biyo inuu dumiyo, laakiin haddaad wax samayn kartid, noo naxariiso oo na caawi. ²³Ciise wuxuu ku yidhi, Haddaad rumaysan karaysid, wax waluba waa u suurtoobaan ka rumaysan. ²⁴Kolkiiba wiilka aabbihiis ayaa qayliyey oo oohin ku yidhi, Sayidow, waan rumaysanahay, iga caawi rumaysad darridayda. ²⁵Ciise goortuu arkay dadkii oo u soo ordaya, ayuu jinnigii wasakhda lahaa canaantay oo ku yidhi, Jinni yahow carrabka iyo dhegaha la'u, waxaan kugu amrayaa, Ka soo bax oo kol dambena ha ku noqon. ²⁶Jinnigii intuu qayliyey, aad buu u gilgilay, kolkaasuu ka soo baxay. Markaasuu wiilku noqday sidii mid dhintay oo kale, sidaa darteeda dad badan baa yidhi, Waa dhintay. ²⁷Laakiin Ciise ayaa gacanta qabtay oo kiciyey; markaasuu kacay. ²⁸Ciise goortuu guriga galay, xertiisii waxay gooni ahaan u weydiiyeen, Annagu maxaannu u saari kari waynay? ²⁹wuxuu ku yidhi, Caynkanu wax kale kuma soo bixi karo tukasho iyo soon maahee.

Ciise baa mar labaad dhimashadiisa sii sheegay (Mt. 17:22-23; Lk. 9:43-45)

³⁰Markaasay halkaas ka tageen oo Galili dhex mareen, mana uu doonaynin in la ogaado. ³¹Waayo, xertiisii ayuu wax barayay. oo wuxuu ku yidhi, Wiilka Aadanaha ayaa dadka loo gacan gelinayaa. wayna dili doonaan oo markii la dilo, saddex maalmood dahadeed, ayuu sara kici doonaa. ³²Laakiin hadalkaas ayay garan waayeen, wayna ka cabsadeen inay weydiiyaan.

Is-hoosaysiinta (Mt. 18:1-5; Lk. 9:46-48)

³³Markaasuu yimid Kafarna'um, oo intuu gurigii joogay ayuu weydiiyey, Maxaad ka wada hadlayseen intaad jidka ku soo socoteen? ³⁴Laakiin way aammuseen, waayo, intay jidka ku socdeen waxay ka wada hadlayeen kan ugu weyn. ³⁵Intuu fadhiistay laba iyo-tobankii ayuu u yeedhay oo ku yidhi Haddii qof doonayo inuu dadka u horreeyo, isagaa ugu wada dambayn doona, midiidin buuna u wada noqon doonaa. ³⁶Ilmo yar ayuu qaaday oo dhexdooda joojiyey, oo goortuu gacmihiisii ku soo qaaday ayuu iyaga ku yidhi, ³⁷Ku alla kii carruurta kan la mid ah midkood magacayga ku aqbalaa, wuu i aqbalaa, oo ku alla kii i aqbalaa. ima aqbalo, wuxuuse aqbalaa kan i soo diray.

Midba midka kale ha u dulqaato (Lk. 9:49-S0)

³⁸Yooxanaa baa u jawaabay oo ku yidhi, Macallimow, waxaannu aragnay qof magacaaga jinniyo ku saaraya. Nama uu soo raaco. Waannu u diidnay, waayo, isagu nama uu soo raaco. ³⁹Laakiin Ciise baa yidhi. Ha u diidina, waayo, ninna ma jiro oo yaab xoog leh magacayga ku sameeyaa oo dhaqso hadal xun iga odhan karaa. ⁴⁰Waayo kan aan inaga gees ahayn waa inala gees. ⁴¹Ku alla kii koob biyah magacayga idinku siiyaa, maxaa yeelay waxaad tihiin kuwa Masiix, runtii waxaan idinku leeyahay, Abaalkiisuu ka lumi maayoba.

Ciise wuxuu ka digay inaan dadka kale la xumayn (Mt. 18:6-9; Lk. 17:1-2)

⁴²Ku alla kii xumeeya yaryarkan i rumaystay midkood, waxaa u roon in dhagaxshiid luqunta looga lalmiyo oo badda lagu tuuro. ⁴³Haddii gacantaadu ku xumayso, iska jar; waxaa kuu wanaagsan inaad gacanla'aan nolosha ku gashid intii aad adigoo laba gacmood leh ula tegi lahayd jahannamada ee ah dabkii aan la demin karayn ⁴⁴Oo ah meeshii dixirigoodu uusan dhimanayn, dabkuna uusan ka demayn. ⁴⁵Cagtaaduna hadday ku xumayso, iska jar. Waxaa kuu wanaagsan inaad lugla'aan nolosha ku gashid intii adigoo laba cagood leh lagugu tuuri lahaa jahannamada ⁴⁶oo ah meeshii dixirigoodu uusan dhimanayn, dabkuna uusan ka demayn. ⁴⁷Haddii ishaadu ku xumayso, iska bixi. Waxaa kuu wanaagsan inaad boqortooyada Ilaah gashid adigoo il keliya leh intii adigoo laba indhood leh lagugu tuuri lahaa jahannamada ⁴⁸oo ah meeshii dixirigoodu uusan dhima nayn, dabkuna uusan ka demayll.

Wax ku saabsan cusbada (Mt. 5:13; Lk. 14:34-35)

⁴⁹Waayo, mid walba dab baa lagu cusbayn doonaa. ⁵⁰Cusbadu waa wanaagsan tahay, laakiin cusbadu hadday dhadhan beesho, maxaad wax ku cusbaynaysaan? Cusbo isku lahaada, nabadna isu ahaada.

Cutubka 10

Wax ku saabsan naagfuridda (Mt. 19:1-12; Lk. 16:18)

¹Meeshaasuu ka soo kacay oo wuxuu galay soohdimaha Yahuudiya oo Webi Urdun ka shisheeya. Mar kale dadkii badnaa baa u soo ururay, oo sida caadadiisu ahaan jirtay, ayuu haddana wax baray. ²Markaasaa Farrisiintu u timid oo weydiisay, Ma xalaal baa in nin naagtiisa furo? Wayna jirrabayeen. ³Kolkaasuu u jawaabay oo ku yidhi, Muuse muxuu idinku amray? ⁴Waxay yidhaahdeen, Muuse waa fasaxay in warqaddii furniinta la dhigo oo la furo. ⁵Ciisena wuxuu u jawaabay oo ku yidhi, Qalbi engegnaantiinna aawadeed ayuu amarkaas idiinku dhigay. ⁶Laakiin tan iyo bilowgii abuurniinta, Ilaah wuxuu sameeyey lab iyo dhaddig. ⁷Sababtaas aawadeed nin wuxuu ka tegayaa aabbihiis iyo hooyadiis, wuxuuna la joogayaa naagtiisa. ⁸Labaduba waxay noqonayaan isku jidh. Sidaa darteed haatan iyagu laba ma aha, laakiin waa isku jidh. ⁹Haddaba wixii Ilaah isku xidhay ninna yaanu kala furin. ¹⁰Goortay guriga ku jireen, xertiisii ayaa haddana waxaas wax ka weydiiyeen. ¹¹Markaasuu wuxuu ku yidhi, Ku alla kii naagtiisa furaa oo mid kale guursadaa ayaa ka sinaysta. ¹²Naagna haddii ay ninkeeda furto oo mid kale guursato ayay sinaysataa.

Ciise wuxuu u duceeyey carruuryaryar (Mt. 19:13-15; Lk. 18:15-17)

¹³Ilmo yaryar ayay u keeneen inuu taabto, xertuna way canaanatay. ¹⁴Laakiin Ciise goortuu arkay, wuu cadhooday, oo wuxuu ku yidhi, Ilmaha yaryar daaya, ha ii yimaadeen e, hana diidina, waayo, kuwan oo kale ayaa ka mid ah boqortooyada Ilaah. ¹⁵Runtii waxaan idinku leeyahay. Ku alla kii aan boqortooyada Ilaah u aqbalin sida ilmo yar oo kale. meeshaas ma uu geli doono. ¹⁶Gacmihiisuu ku qaaday oo intuu calaacalihiisa saaray, ayuu barakadeeyey.

Nin dhallinyar oo hodan ah baa doonayay nolosha weligeed ah (Mt. 19:16-22; Lk. 18:18-23)

¹⁷Goortuu jidka u soo baxay, mid baa ku soo orday oo intuu u jilba joogsaday ayuu weydiiyey oo ku yidhi, Macallin wanaag sanow, maxaan sameeyaa inaan nolosha weligeed ah dhaxlo? ¹⁸Ciise wuxuu ku yidhi, Maxaad iigu yeedhaysaa, Wanaagsanow? Mid wanaagsan ma jiro mid maahee, kaasuna waa Ilaah. ¹⁹Qaynuunnada waad taqaan. Waa inaanad sinaysan, Waa inaanad qudh gooyn, Waa inaanad waxba xadin, Waa inaanad marag been ah furin, Waa inaanad waxba dulmin, Aabbahaa iyo hooyadaana maamuus. ²⁰Wuxuu u jawaabay oo ku yidhi, Macallimow, kuwaas oo dhan tan iyo yaraantaydii ayaan dhawrayay. ²¹Markaasaa Ciise intuu eegay jeclaaday oo ku yidhi, Wax keliya ayaa kuu dhiman. Tag oo iibi waxaad haysatid oo dhan, oo masaakiintana sii, oo waxaad jannada ku lahaan doontaa maal; ee kaalay oo i soo raac. ²²Hadalkaas ayuu ka qulbay, wuuna baxay isagoo calool xun, waayo, wuxuu ahaa mid waxyaalo badan leh.

Hodanka faa'iido la'aantiisa (Mt. 19:23-30; Lk. 18:24-30)

²³Ciise ishuu wada mariyey oo xertiisuu ku yidhi, Kuwa hodanka ah waa ku adag tahay inay boqortooyada Ilaah galaan! ²⁴Xertiisii hadalladiisii bay ka yaabeen. Laakiin Ciise mar kaluu u jawaabay oo ku yidhi, Ilma yahow, siday ugu adag tahay kuwa maalka isku halleeya inay boqortooyada Ilaah galaan! ²⁵Nin hodan ah inuu boqortooyada Ilaah galo waxaa ka hawl yar in awr irbad daloolkeed ka duso. ²⁶Aad bay u yaabeen, waxayna isku lahaayeen, Haddaba yaa badbaadi kara? ²⁷Markaasaa Ciise eegay oo ku yidhi, Waxanu uma suurtoobaan dadka, waxbase uma aha Ilaah, waayo, wax waluba waa u suurtoobaan Ilaah. ²⁸Kolkaasaa Butros bilaabay inuu ku yidhaahdo, Annagu wax walba waannu ka wada tagnay, waana ku raacnay. ²⁹Ciise wuxuu ku yidhi, Runtii waxaan idinku leeyahay, Ma jiro nin aawaday iyo injiilka aawadiis uga tegey guri, ama walaalo, ama hooyo, ama aabbe, ama carruur, ama beero, ³⁰oo aan haatan oo la joogo helayn boqol laab guryo ah, iyo walaalo, iyo hooyooyin, iyo carruur, iyo beero, wuxuuna la heli doonaa silec, wakhtiga imanayana nolosha weligeed ah. ³¹Laakiin kuwa badan oo hore waa dambayn doonaan, kuwa dambena waa horrayn doonaan.

Mar saddexaad ayaa Ciise sii sheegay dhimashadiisa (Mt. 20:17-19; Lk. 18:31-34)

³²Waxay ku socdeen jidka xaggii Yeruusaalem, Ciisena waa hor marayay. Wayna yaabeen oo intay daba socdeen way baqeen. Kolkaasuu laba-iyo-tobankii haddana waday oo bilaabay inuu u sheego waxa isaga ku dhici doona, ³³oo wuxuu ku yidhi, Waxaynu ku soconnaa Yeruusaalem. Wiilka Aadanaha waxaa loo dhiibi doonaa wadaaddada sare iyo culimada; oo waxay ku xukumi doonaan dhimasho. Waxayna u dhiibi doonaan dadka aan Yuhuudda ahayn. ³⁴Wayna ku kajami doonaan, oo ku tufi doonaan, oo karbaashi doonaan, wayna dili doonaan, saddex maalmood dabadeedna wuu soo sara kici doonaa.

Waxaa la weydiistay derejada dunida (Mt. 20:20-23)

³⁵Waxaa u yimid Yooxanaa iyo Yacquub oo ahaa wiilashii Sebedi, oo waxay ku yidhaahdeen, Macallimow, waxaannu doonaynaa inaad noo yeeshid wixii aannu weydiisanno. ³⁶Wuxuu ku yidhi, Maxaad doonaysaan inaan idiin sameeyo? ³⁷Waxay ku yidhaahdeen, Na sii inaannu fadhiisanno mid midigtaada, kii kalena bidixdaada xaggii ammaantaada. ³⁸Laakiin Ciise wuxuu ku yidhi, Garan maysaan waxaad weydiisanaysaan. Ma karaysaan inaad ka cabtaan koobka aan ku dhow ahay inaan ka cabbo, iyo in laydinku baabtiiso baabtiiska laygu baabtiisay? ³⁹Waxay ku yidhaahdeen, Waannu karaynaa. Markaasaa Ciise ku yidhi, Koobka aan ka cabbayo waad ka cabbi doontaan, oo baabtiiska laygu baabtiisay waa laydinku baabtiisi doonaa, ⁴⁰laakiin inaad midigtayda iyo bidixdayda fadhiisataan anigu ma lihi inaan idin siiyo, laakiin waxaa la siin doonaa kuwa loo diyaargareeyey.

Weynaanta runta ah (Mt. 20:24-28; Lk. 22:24-27)

⁴¹Tobankii goortay taas maqleen waxay bilaabeen inay Yacquub iyo Yooxanaa u cadhoodaan. ⁴²Laakiin Ciise baa u yeedhay oo ku yidhi, Idinku waad garanaysaan in kuwa loo malaynayo inay quruumaha madaxdooda yihiin ay u taliyaan, oo kuwooda u waaweynna ay xukun ku leeyihiin. ⁴³Laakiin sidaasu dhexdiinna ma aha, laakiin ku alla kii doonaya inuu dhexdiinna u weynaado, midiidinkiinna waa inuu ahaado, ⁴⁴Oo ku alla kii doonaya inuu idiin horreeyo, kulli waa inuu addoon u ahaado. ⁴⁵Waayo, Wiilka Aadanahu uma iman in loo adeego laakiin inuu adeego iyo inuu naftiisa dad badan furashadooda u bixiyo.

Ciise wuxuu bogsiiyey nin indha la' oo Bartimayos la odhan jiray (Mt. 20:29-34; Lk. 18:35-43)

⁴⁶Kolkaasay yimaadeen Yerixoo, oo goortuu Yerixoo ka soo baxayay, isaga iyo xertiisii iyo dad faro badanba, nin indha la' oo Bartimayos la odhan jiray, oo ina Timayos ahaa, ayaa jidka ag fadhiyey oo dawarsanayay. ⁴⁷Goortuu maqlay inuu yahay Ciisihii reer Naasaret, wuxuu bilaabay inuu aad u qayliyo oo yidhaahdo, Ciise, ina Daa'uudow ii naxariiso. ⁴⁸Qaar badan baa canaantay si uu u aamuso, laakiin si ka badan ayuu ugu qayliyey, Ina Daa'uudow. ii naxariiso. ⁴⁹Kolkaasaa Ciise joogsaday oo yidhi, U yeedha. Markaasay ninkii indhaha la'aa u yeedheen oo ku yidhaahdeen, Kalsoonow, kac, waa kuu yeedhayaaye. ⁵⁰Intuu maradiisa iska tuuray ayuu booday oo Ciise u yimid. ⁵¹Ciise ayaa u jawaabay oo ku yidhi, Maxaad doonaysaa inaan kuu sameeyo? Indhoolihii baa ku yidhi, Sayi dow, inaan wax arko. ⁵²Markaasaa Ciise ku yidhi, Soco. Rumaysadkaaga ayaa ku bogsiiyey. Kolkiiba ayuu wax arkay, oo jidka buu la qaaday isaga.

Cutubka 11

Ciise guul buu ku galay Yeruusaalem (Mt. 21:1-11 Lk. 19:28-40; Yoox. 12:12-19)

¹Goortay Yeruusaalem ku soo dhowaadeen, halka Beytfaage iyo Beytaniya, xaggii Buur Saytuun, xertiisii ayuu laba ka diray. ²Wuxuuna ku yidhi, Tuulada idinka soo hor jeedda taga, oo kolkiiba markaad gashaan waxaad ka helaysaan qayl xidhan oo aan ninna weligii fuulin. Soo fura oo keena. ³Haddii nin idinku yidhaahdo, Maxaad waxan u samaynaysaan, waxaad ku tidhaahdaan, Sayidkaa u baahan, oo kolkiiba wuu u soo diri doonaa halkan. ⁴Markaasay tageen oo heleen qayl ku xidhan irid agteed meel dibadda ah oo jidka dhexdiisaa, wayna soo fureen. ⁵Kuwa halkaa taagnaa qaarkood waxay ku yidhaahdeen, Maxaad samaynaysaan oo u furaysaan qaylka? ⁶Kol kaasay waxay ku yidhaahdeen sida Ciise u amray, markaasay oggolaadeen. ⁷Waxay qaylkii u keeneen Ciise, dharkoodana ayay dusha ka saareen wuuna ku fadhiistay. ⁸Dad badan baa dharkoodii jidka ku goglay kuwa kalena laamo ayay beeraha ka soo jareen oo jidka ku gogleen. ⁹Kuwii hor socday iyo kuwii daba socdayba way qayliyeen oo yidhaahdeen, ^[4]Hoosanna, waxaa barakadaysan kan Rabbiga magiciisa ku imanayo. ¹⁰Waxaa barakadaysan boqortooyada imanaysa oo aabbeheen Daa uud. Hoosanna ha ku jirto meelaha ugu sarreeya. ¹¹Markaasaa Ciise Yeruusaalem yimid oo galay macbudka. Goortuu hareeraha iyo wax walbaba eegay, oo gabbalkiina dhacay, ayuu Beytaniya laba iyo-tobankii ula baxay.

Geedka berdaha ah oo aan waxba dhalin (Mt. 21:18-19)

¹²Maalintii dambe, markay Beytaniya ka yimaadeen, wuu gaajaysnaa. ¹³Meel fog wuxuu ka arkay geed berde ah oo caleen leh. Wuu u yimid inuu haddana wax ka helo. Goortuu u yimid waxba kama uu helin caleemo keliya maahee, waayo, wakhtigii berdaha ma ahayn. ¹⁴Ciise baa u jawaabay oo geedkii ku yidhi, Hadda dabadeed weligaa ninna yuu midho kaa cunin Xertiisiina waa maqashay.

Ciise macbudkuu nadiifiyey (Mt. 21:12-17;Lk. 19:45 -48;Yoox. 2:13-22)

¹⁵Waxay yimaadeen Yeruusaalem. Ciisella macbudka ayuu galay oo bilaabay inuu ka eryo kuwii macbudkii wax ku iibinayay iyo kuwii wax ka iibsanayay. Wuxuuna rogay miisaskii kuwii lacagta bedbeddelayay iyo kursiyadii kuwii qoolleyaha iibinayay. ¹⁶Umana oggolayn in ninna alaab macbudka la soo dhex maro. ¹⁷Markaasuu wax baray oo ku yidhi Miyaanay qornayn, Guri gayga waxaa quruumaha oo dhan loogu yeedhi doonaa guriga tukashada? Idinkuse waxaad ka dhigteen god tuugo. ¹⁸Markii wadaaddadii sare iyo culimadii maqleen. waxay doonayeen si ay u dilaan, waayo. way ka baqeen, maxaa yeelay, dadka oo dhan waxay ka yaabeen waxbariddiisa. ¹⁹Mar alla markii qorraxdu dhacday ayay magaalada ka baxeen.

Xoogga rumaysadka (Mt. 21:20-22)

²⁰Subaxdii goortay ag marayeen, waxay arkeen geedkii berdaha ahaa oo xididdada ka engegay. ²¹Markaasaa Butros soo xusuustay, oo wuxuu ku yidhi, Macallinkaygiiyow, eeg, geed kii berdaha ahaa oo aad habaartay waa engegay. ²²Ciise baa u jawaabay oo ku yidhi, Ilaah rumaysta. ²³Runtii waxaan idinku leeyahay, Ku alla kii buurtan ku yidhaahda, Ruq, baddana isku tuur, oo aan qalbigiisana ka shakiyin laakiin rumaysta in wuxuu yidhi ay noqonayso, waa u ahaan doontaa. ²⁴Sidaa darteed, waxaan idinku leeyahay, wax kasta oo aad tukasho ku baridaan, rumaysta inaad hesheen oo way idiin ahaan doontaa. ²⁵Oo kolkaad tukasho u taagan tihiin, cafiya haddii aad dad wax ku leedihiin, si Aabbihiinna jannada ku jiraa xumaantiinna idiin cafiyo. ²⁶Haddii aanad cafiyin, Aabbihiinna jannada ku jira xumaantiinna Idiin cafiyi maayo.

Ciise amarkiisii baa wax laga weydiiyey (Mt. 21:23-27; Lk. 20:1-8)

²⁷Mar kale ayay Yeruusaalem yimaadeen. Oo goortuu mac budkii dhex marayay waxaa u yimid wadaaddadii sare iyo culimadii iyo waayeelladii. ²⁸Markaasay waxay ku yidhaahdeen7 Amarkee baad waxan ku samaysaa? Yaa amarkan ku siiyey inaad waxan ku samayso? ²⁹Ciise ayaa u jawaabay oo ku yidhi, Aniguna hal baan idin weydiinayaa, ii jawaaba, waanan idiin sheegi doonaa amarka aan waxan ku sameeyo. ³⁰Baabtiiskii Yooxanaa ma wuxuu ka yimid xagga jannada mise dadka? Ii jawaaba. ³¹Dhexdooda ayay iskala hadleen iyagoo leh, Maxaynu nidhaahnaa? Haddaynu nidhaahno, Xagga jannada, wuxuu inagu odhanayaa, Haddaba maxaad u rumaysan weydeen? ³²Laakiin haddii aynu nidhaahno, Xagga dadka ayuu ka yimid, dadkay ka baqeen. Waayo, kulli waxay u haysteen Yooxanaa inuu nebi yahay. ³³Markaasay Ciise u jawaabeen oo ku yidhaahdeen, Garan mayno. Ciisena wuxuu ku yidhi, Aniguna idiin sheegi maayo amarka aan waxan ku sameeyo.

Cutubka 12

Masaalka ku saabsan beerta canabka ah (Mt. 21:33-46; Lk. 20:9-19)

¹Markaasuu wuxuu bilaabay inuu masaallo kula hadlo iyaga. Nin baa wuxuu beertay beer canab ah, oo ood ku heraaray, dabadeedna god macsareed ka dhex qoday, oo munaarad ka dhisay, oo niman beerray ah u kiraystay, oo dal kale tegey. ²Goortii xilligii yimid, ayuu addoon u soo diray beerraydii inuu beerraydii midhihii beerta ka soo qaado. ³Markaasay qabteen oo garaaceen oo wax la'aan ku direen. ⁴Haddana addoon kale ayuu u soo diray. Kaasay dakhreen oo ceebeeyeen. ⁵Haddana mid kale ayuu u soo diray, wayna dileen; oo qaar kale oo badan ayuu diray. Qaar waa la garaacay; qaarna waa la dilay. ⁶Weliba wuxuu lahaa wiil keliya oo uu jeclaa. Kolkii ugu dambaysay ayuu u soo diray isagii, oo wuxuu yidhi, Wiilkayga way maamuusi doonaan. ⁷Laakiin beerraydii waxay isku yidhaahdeen, Kanu waa kii dhaxalka lahaa, kaalaya aan dilnee, dhaxalkiina innagaa lahaan doonna. ⁸Way qabteen, wayna dileen, oo beertii canabka ahayd dibaddeeda ku tuureen. ⁹Haddaba sayidkii beerta canabka ah muxuu samayn doonaa? Wuu iman doonaa oo beerrayda dili doonaa, dad kalena ayuu beerta canabka ah u dhiibi doonaa. ¹⁰Miyaanaydin weligiin Qorniinka ka akhriyin Dhagixii kuwa wax dhisaa ay diideen, Kaasu wuxuu noqday madaxa rukunka. ¹¹Tanu xagga Rabbiga bay ka timid; Oo waa ku yaab indhahayaga? ¹²Markaasay waxay dooneen inay qabtaan, laakiin dadkay ka baqeen; waayo, way garteen inuu masaalka iyaga kaga hadlay, markaasay iska daayeen oo ka tageen.

Wax ku saabsan cashuurta Kaysar la siinayo (Mt. 22:15-22; Lk. 20:20-26)

¹³Waxay u soo direen Farrisiinta iyo Herodosiinta qaarkood si ay hadalkiisa ugu qabtaan. ¹⁴Goortay yimaadeen waxay ku yidhaahdeen, Macallimow, waannu og nahay inaad run tahay oo aanad ninna u eexan, waayo, dadka wejigooda ma eegtid, jidka Ilaahse aad run ku bartid. Ma xalaal baa in cashuur Kaysar la siiyo ama inaan la siin? ¹⁵Ma siinna mise ma siinno? Isaguse labawejilenimadooda ayuu gartay, oo wuxuu ku yidhi, Maxaad ii jirrabaysaan? Dinaar ii keena aan arko e. ¹⁶Wayna u keeneen, oo wuxuu ku yidhi, Yaa leh masawirkan iyo qorniinkan? Waxay ku yidhaahdeen, Kaysar baa leh. ¹⁷Ciise baa u jawaabay oo ku yidhi, Kaysar siiya wixii Kaysar leeyahay, Ilaahna siiya wixii Ilaah leeyahay. Wayna ka yaabeen.

Sarakicidda kuwii dhintay (Mt. 22:23-33; Lk. 20:27-40)

¹⁸Markaasaa waxaa u yimid Sadukiin kuwii odhan jiray, Sarakicidda kuwii dhintay ma jirto. Oo waxay weydiiyeen oo ku yidhaahdeen, ¹⁹Macallimow, Muuse wuxuu noo qoray, Nin walaalkiis hadduu dhinto oo naag ka tago isagoo aan ilmo lahayn, walaalkiis naagtiisa waa inuu dumaalo oo uu carruur walaalkiis u dhalo. ²⁰Waxaa jiray toddoba walaalo ah. Kii ugu horreeyey naag buu qabay, wuuna dhintay, dhalna kama tegin. ²¹Kii labaad baa dumaalay, wuuna dhintay, isaguna dhal kama tegin, oo sidaas oo kalaa ku dhacday kii saddexaad. ²²Toddobadii way wada guursadeen, dhalna kama tegin. Kulligood dabadood naagtiina waa dhimatay. ²³Wakhtiga sarakicidda kuwii dhintay iyaga kee bay naagtiisii ahaan doontaa? Waayo, toddobadu way wada guursadeen. ²⁴Ciise baa u jawaabay oo ku yidhi, Sidaa darteed miyaydnaan qaldamin, waayo, Qorniinka iyo xoogga Ilaah midna garan maysaan. ²⁵Waayo, goortay kuwii dhintay ka soo sara kacaan layskuma guursado, guurna layskuma siiyo, laakiin waxay yihiin sida malaa'igaha jannada ku jira. ²⁶Oo xagga kuwii dhintay in la sara kiciyo miyaydnaan kitaabkii Muuse ka akhriyin sidii Ilaah geedkii ugala soo hadlay oo yidhi, Anigu waxaan ahay Ilaaha Ibraahim iyo Ilaaha Isxaaq iyo Ilaaha Yacquub? ²⁷Isagu ma aha Ilaaha kuwa dhintay, laakiin waa Ilaaha kuwa nool. Idinku aad baad u qaldan tihiin.

Qaynuunka ugu weyn (Mt. 22:34-40)

²⁸Kolkaasaa culimada midkood u yimid, oo markuu maqlay iyagoo wada hadlaya, oo markuu gartay inuu si wanaagsan u jawaabay, ayuu wax weydiiyey oo ku yidhi, Qaynuunkee baa ka horreeya kuwa kale oo dhan? ²⁹Markaasaa Ciise u jawaabay oo ku yidhi, Kan ugu horreeyaa waxaa weeye, Maqal, Israa'iilow, Rabbiga Ilaaheenna ah waa Rabbi keliya. ³⁰Waa inaad Rabbiga Ilaahaaga ah ka jeclaataa qalbigaaga oo dhan, iyo naftaada oo dhan, iyo caqligaaga oo dhan, iyo xooggaaga oo dhan. ³¹Ku labaad waa kan, Waa inaad deriskaaga u jeclaataa sida naftaada. Qaynuun kale oo kuwan ka weyn ma jiro. ³²Waxaa culimada mid ka mid ahu ku yidhi. Sida runta ah, Macallimow, si wanaagsan baad u hadashay markaad tidhi, Isagu waa mid keliya, oo mid kalena ma jiro isaga ma ahaane. ³³In laga jeclaado qalbiga oo dhan, iyo caqliga oo dhan. iyo nafta oo dhan, iyo xoogga oo dhan, ivo in deriska loo jeclaado sida nafta, taasaa ka sii wanaagsan allabaryo la wada gubo iyo allabaryo kale oo dhanba. ³⁴Markii Ciise arkay inuu miyir ku jawaabay, wuxuu ku yidhi, Boqortooyada Ilaah kama aad fogid. Markaas dabadeed ninna kuma dhicin inuu wax weydiiyo.

Wax Masiixa ku saabsan (Mt. 22:41-46; Lk. 20:41-44)

³⁵Ciise baa u jawaabay oo ku yidhi, intuu macbudka wax ku barayay? Culimadu sidee bay u yidhaahdaan, Masiixu waa ina Daahlud? ³⁶Daa uud qudhiisuna, isagoo Ruuxa Qoduuskaa ku hadlaya, ayuu wuxuu yidhi, Rabbigu wuxuu Sayidkayga ku yidhi, Midigtayda fadlliiso, Ilaa aan cadaawayaashaada cagahaaga hoostooda geliyo. ³⁷Daa'uud qudhiisa ayaa ugu yeedhay Sayid, sidee buu wiil kiisa u yahay? Dadkii badnaana farxad bay ku maqleen.

Ciise wuxuu ka digay culimadii (Mt. 23:1-36; Lk. 11:37-54:20:45-47)

³⁸Markuu wax barayay wuxuu ku yidhi. Iska jira culimada oo doonaya inay khamiisyo dhaadheer ku socdaan, oo jecel salaanta suuqa, ³⁹iyo kursiyada hore oo sunagogyada, iyo meelaha hore oo diyaafadaha. ⁴⁰Waxay yihiin kuwa wada laasta guryaha carmallada, oo tukashooyin dhaadheer ayay istusid u tukadaan. Kuwaas waxay heli doonaan xisaab aad u daran.

Sadaqadii carmalka (Lk. 21:1-4)

⁴¹Ciise wuxuu fadhiistay meel ka hor jeedda khasnaddii, oo wuxuu eegayay sida dadku lacagta ugu ridayo khasnaddii. Qaar badan oo hodon ah ayaa wax badan ku riday. ⁴²Markaasaa waxaa yimid carmal miskiin ah Iyadu waxay ku ridday laba lacag ah oo yaryar oo qiimadood beesad tahay. ⁴³Markaasuu xertiisii u yeedhay oo ku yidhi, Runtii waxaan idinku leeyahay, Carmalkan miskiinta ah waxay ku ridday wax ka badan wixii ay dhammaan ku ridayaan khasnaddii. ⁴⁴Waayo, kulligood waxay kaga rideen waxoodii badnaa, iyaduse miskiinnimadeeday kaga ridday wixii ay lahayd oo dhan, xataa wixii ay ku noolaan lahayd oo dhan.

Cutubka 13

Ciise wuxuu sii sheegay dumidda macbudka (Mt. 24:1-2; Lk. 21:5-6)

¹Goortuu macbudka ka baxay. xertiisa midkood ayaa ku yidhi, Eeg, Macallimow. dhagaxyada iyo dhismaha siday u weyn yihiin! ²Ciise wuxuu ku yidhi, Guryahan waaweyn ma arkaysaa? Halkan lagu dul dayn maayo dhagax dhagax kale dushiisa oo aan la dumin doonin.

Belaayooyinka imanaya (Mt. 24:3-25; Lk. 21:7-24)

³Oo intuu Buur saytuun fadhiistay, meel macbudka ku toosan. Butros iyo Yacquub iyo Yooxanaa iyo Andaros waxay keli ahaan u weydiiyeen, oo ku yidhaahdeen, ⁴Noo sheeg, Goormay wax yaalahanu ahaan doonaan? Calaamadu maxay ahaan doontaa, goortii waxyaalahan oo dhan dhammaan u dhowaan doonaan? ⁵Ciise baa u jawaabay oo bilaabay inuu ku yidhaahdo. Iska eega yaan laydin khiyaanayn. ⁶Qaar badan ayaa magacayga ku iman doona, oo waxay odhan doonaan, Anigu waxaan ahay isaga, oo qaar badan ayay khiyaanayn doonaan. ⁷Goorlaad dagaallo maqashaan iyo dagaallo hadalhayntood ha baqal-ina. Waxaasu waa inay dhacaan, laakiin dhammaadku weli weeye. ⁸Waayo, quruunba quruun bay ku kici doontaa, boqortooyona boqoltooyo, oo waxaa meelo kala duwan ka dhici doona dhulgariir iyo abaaro. Waxanu waa bilowga hoogagga. ⁹Laakiin iska jira. Waxaa laydiin dhiibi doo-naa shirar, oo sunagogyo waa laydinku karbaashi doonaa; taliyayaal iyo boqorro hortooda ayaad daraadday u istaagi doontaan inaad markhaati u ahaataan. ¹⁰Horta injiilka waa in lagu wacdiyo quruumaha oo dhan. ¹¹Oo goortii laydin wado oo laydin gacan geliyo, horta ha ka welwelina wixii aad ku hadli doonlaan; laakiin wixii saacaddaas laydin siiyo, waxaas ku hadla, waayo, ma aha idinka kuwa hadlayaa laakiin waa Ruuxa Qoduuska ah. ¹²Walaalba walaalkiis wuxuu u dhiibi doonaa in la dilo, aabbena wiilkiis, carruurna waalidkood ayay ku kici doonaan, oo dhimasho ay gaadhsiin doonaan. ¹³Dadka oo dhan ayaa magacayga aawadiis idiin necbaan doona, laakiin kan ilaa ugu dambaysta adkaysta kaasaa badbaadi doona. ¹⁴Laakiin goortaad aragtaan waxa baas oo hallaynta ah oo taagan meeshii uusan lahayn inuu taagnaado (kii akhriyaa ha garto), markaas kuwa Yahuudiya joogaa buuraha ha u carareen. ¹⁵Kii guri fuushanuna yaanu guriga u soo degin oo gelin inuu wax ka soo qaato. ¹⁶Kiibeer joogaana yaanu dib ugu noqon inuu dharkiisa soo qaato. ¹⁷Laakiin waa u hoog kuwa uurka leh iyo kuwa wakhtigaas ilmo nuujinaya. ¹⁸Barya inaan waxaasu noqon wakhtiga qabowga. ¹⁹Waayo, maalmahaas waxay ahaan doonaan dhib sida mid aan jirin tan iyo bilowgii abuurniinta oo Ilaah abuuray, mana jiri doonto weligeed. ²⁰Oo haddaan Rabbigu wakhtigaas gaabin, ninna ma uu badbaadeen, laakiin kuwuu doortay aawadood ayuu wakhtigaas u gaabshay. ²¹Markaas haddii nin idinku yidhaahdo, Waa kan Masiixii, ama, Waa kaas, ha rumaysanina. ²²Waayo, waxaa kici doona Masiixyo been ah iyo nebiyo been ah, oo waxay samayn doonaan calaamooyin iyo yaabab si ay xataa kuwa la doortay u khiyaaneeyaan hadday u suurtowdo. ²³Laakiin idinku iska jira, wax walbaba horaan idiinku sheegaye.

Imaatinka Wiilka Aadanaha (Mt. 24:29-31; Lk. 21:25-28)

²⁴Laakiin wakhtigaas, dhibtaas dabadeed, qorraxdu waa madoobaan doontaa, dayaxuna ma nuuri doono, ²⁵xiddiguhuna cirka waa ka soo dhici doonaan, xoogagga cirka ku jirana waa la gariirin doonaa. ²⁶Markaasay waxay arki doonaan Wiilka Aadanaha oo daruuraha ku imanaya isagoo leh xoog badan iyo ammaan. ²⁷Markaasuu wuxuu soo diri doonaa malaa'igihiisa, oo kuwuu doortay ayuu ka soo ururin doonaa afarta jaahood ee meesha dhulka ugu fog ilaa meesha cirka ugu fog.

Soojeedid baa loo baahan yahay (Mt. 24:32-36, 42; Lk. 21:29-33)

²⁸Haddeer geedka berdaha ah masaal ka garta. Intii laantiisu curdan tahay oo caleemo bixinayso, waxaad garanaysaan inuu roobku dhow yahay. ²⁹Idinkuna sidaas oo kale goortaad aragtaan waxaas oo dhacaya, garta inuu Wiilka Aadanahu dhow yahay oo albaabbada ag joogo. ³⁰Runtii waxaan idinku leeyahay, Qarniganu ma idlaan doono intaanay waxan oo dhammi dhicin. ³¹Cirka iyo dhulku waa idlaan doonaan, laakiinse hadalladaydu ma idlaan doonaan. ³²Laakiin maalintaas iyo saacaddaas ninna waxba kama oga, malaa'igaha jannada ku jira iyo Wiilka toona, midna ma oga, Aabbaha keliya maahee. ³³Iska jira oo soo jeeda, waayo, ma ogidin wakhtigu goortuu yahay. ³⁴Waa sidii nin dal kale tegey oo gurigiisii kaga tegey. Addoommadiisa ayuu amar siiyey, nin walbana shuqulkiisa; wuxuuna amray albaabjoogahu inuu soo jeedo. ³⁵Soo jeeda haddaba, waayo, idinku ma ogidin sayidkii guriga lahaa goortuu imanayo, inay tahay makhrib, ama habeenbadhkii, ama goortii diiqu ciyo, ama aroortiiba, ³⁶waayo, waaba intaasuu idinku soo kediyaa oo uu idin helaa idinkoo hurda. ³⁷Waxaan idinku leeyahay ayaan dadkii oo dhan ku leeyahay, Soo jeeda.

Cutubka 14

Sirqoolkii Ciise loo dhigay (Mt. 26:1-5; Lk. 22:1-2)

¹Laba maalmood dabadeed waxaa jiray Iiddii Kormaridda iyo Iiddii Kibistii-aan-khamiirka-lahayn. Wadaaddadii sare iyo culimadii waxay doonayeen si ay khiyaano ugu qabtaan oo ay uu dilaan. ²Waayo, waxay yidhaahdeen, Yaanay noqon wakhtiga iidda si aan rabsho dadka uga dhex kicin.

Ciise oo Beytaniya lagu subkay (Mt. 26:6-13; Yoox. 12:1-18)

³Ciise goortuu Beytaniya joogay oo ku jiray guriga Simoon kii baraska qabi jiray, intuu cuntada u fadhiyey, waxaa u timid naag haysa weel ^[5]alabastar ah oo cadar naaradiin oo qaali ah ku jiro. Weelkii bay jebisay, oo cadarkii madaxiisay ku shubtay. ⁴Waxaa joogay kuwa qalbiga ka cadhooday, oo waxay isku yidhaahdeen, Cadarkii maxaa sidan loogu khasaariyey? ⁵Waayo, cadarkan waxaa lagu iibin kari lahaa wax saddex boqol oo dinaar ka badan oo masaakiinta la siin lahaa, wayna ku gunuunaceen iyadii. ⁶Laakiin Ciise baa ku yidhi, Daaya. Maxaad iyada u dhibaysaan? Shuqul wanaagsan ayay igu samaysaye. ⁷Waayo, masaakiintu mar walba way idinla jiraan. Markaad doonaysaan wax wanaagsan waad u samayn kartaan. Aniguse mar walba idinlama joogo. ⁸Way samaysay waxay kartay. Waxay hore ugu soo baxday inay jidhkayga udgoonayso aasniintayda aawadeed. ⁹Runtii waxaan idinku leeyahay, Dunida oo dhan meel alla meeshii injiilkan lagu wacdiyo, waxy waxay samaysay ayaa xusuusteeda lagaga hadli doona.

Yuudas khiyaanadiisa (Mt. 26:14-16; Lk. 22:3-6)

¹⁰Yuudas Iskariyot oo ahaa mid laba-iyo-tobanka ka mid ah ayaa u tegey wadaaddada sare inuu u gacan geliyo. ¹¹iyagu markay maqleen ayay farxeen oo waxay ka ballan qaadeen inay lacag siiyaan. Markaasuu doonayay goor wanaagsan oo uu u soo gacan geliyo.

Cashadii ugu dambaysay (Mt. 26:17-30; Lk. 22:7-23; Yoox. 13:21-30; Kor. laad 11:23-25)

¹²Maalinta ugu horraysay oo Iiddii Kibistii-aan-khamiirka-lahayn, goortii neefka Kormaridda la gowraco ayaa xertiisii ku tidhi, Xaggee baad doonaysaa inaannu tagno oo ku diyaargarayno inaad cuntid cashada Iidda Kormaridda? ¹³Wuxuu diray laba xertiisii ah oo ku yidhi, Magaalada gala, oo waxa idinla kulmi doona nin aashuun biyah sita; isaga raaca. ¹⁴Meeshu galo waxaad ninkii guriga lahaa ku tidhaahdaan, Macallinkii wuxuu leeyahay, Meeday qalcaddaydii martidu oo aan xertayda kula cuni doono cashada Iidda Kormaridda? ¹⁵Wuxuu idin tusayaa qollad weyn oo sare oo goglan oo diyaar ah; halka inoogu diyaargareeya. ¹⁶Xertiisii ayaa baxday oo magaalada gashay, wayna heleen siduu u sheegay, oo cashada Iidda Kormaridda ayay diyaargareeyeen. ¹⁷Goortii makhribkii la gaadhay ayuu laba-iyo-tobankii la yimid. ¹⁸Oo intay fadhiisteen oo wax cunayeen, Ciise baa yidhi, Runtii waxaan idinku leeyahay, Midkiin oo wax ila cunaya ayaa I gacan gelin doona. ¹⁹Markaasay calool xumaadeen, oo mid baa mid ku yidhi, Ma aniga baa? ²⁰Wuu u jawaabay oo wuxuu ku yidhi, Waa mid ka mid ah laba-iyo-tobankii oo saxanka gacanta ila gesha ²¹Wiilka Aadanahu waa baxayaa siday u qorantahay, laakiin hoog waxaa leh ninkaas Wiilka Aadanaha gacan gelinaya. Waxaa ninkaas u wanaagsanaan lahayd inaanu dhalan. ²²Oo intay wax cunayeen, Ciise ayaa kibis qaaday oo barakadeeyey, wuuna jejebiyey oo iyaga siiyey oo yidhi, Qaata, tanu waa jidhkaygiiye. ²³Kolkaasu koobkii qaaday oo mahad naqay oo siiyey iyaga, oo kulli way ka wada cabbeen. ²⁴Wuxuu ku yidhi, Kanu waa dhiiggayga axdiga cusub kan kuwo badan loo daadshay. ²⁵Runtii waxaan idinku leeyahay, Mar dambe midhaha geedka canabka ah kama cabbi doono ila maalinta aan boqortooyada Ilaah ka cabbi doono kan cusub. ²⁶Goortay gabay ammaan ah ku gabyeen waxay u baxeen Buur saytuun.

Ciise wuxuu sii sheegay xertiisa ka tegiddooda (Mt. 26:31-35; Lk. 22:31-34; Yoox. 13:36-38)

²⁷Markaasaa Ciise wuxuu ku yidhi, Kulligiin waad iga xumaan doontaan, waayo, waxaa qoran, Adhijirkaan dili doonaa, idahuna waa kala firdhi doonaan. ²⁸Laakiin markii kuwii dhintay layga sara kiciyo dabadeed ayaan Galili hortiin tegi doonaa. ²⁹Laakiin Butros ayaa ku yidhi, In kastoo kulligood kaa xumaadaan, aniguse kaa xumaan maayo. ³⁰Ciise wuxuu ku yidhi, Runtii waxaan kugu leeyahay, Maalintan, xataa caawa, intaan diiqu laba goor ciyin, saddex kol ayaad I dafiri doontaa. ³¹Laakiin aad buu ugu celceliyey, Haddaan leeyahay inaan kula dhinto, kolleyba ku dafiri maayo. Kulligoodba sidaas oo kale ayay yidhaahdeen.

Ciise oo Beer Getsemane ku jiray (Mt. 26:36-46; Lk. 22:39-46)

³²Markaasay yimaadeen meel Getsemane la odhan jiray, wuxuuna xertiisii ku yidhi, Halkan fadhiista intii aan soo tukanayo. ³³Oo wuxuu watay Butros iyo Yacquub iyo Yooxanaa, oo wuxuu bilaabay inuu calool xumaado oo tiranyoodo. ³⁴Markaasuu ku yidhi, Naftaydu aad bay u calool xun tahay tan iyo dhimasho; halkan jooga oo soo jeeda. ³⁵Wuxooga ayuu hore u socday oo dhulkuu ku dhacay, wuxuuna tukaday in hadday suurtowdo saacaddu ay dhaafto. ³⁶wuxuuna yidhi, Aabbow, Aabbe, wax walbaba waad karaysaa. Koobkan iga qaad, laakiin yaanay noqon waxaan doonayo, ee waxaad doonaysid ha noqoto. ³⁷Markaasuu yimid oo wuxuu arkay iyagoo hurda, oo wuxuu Butros ku yidhi, Simoonow, ma huruddaa? Miyaad kari waayday inaad saad keliya soo jeedo? ³⁸Soo jeeda oo tukada inaydnaan jirrabaadda gelin. Ruuxu waa diyaar, laakiin jidhku waa itaal daran yahay. ³⁹Mar kale ayuu tegey oo tukaday isagoo hadalkii oo kale ku hadlaya. ⁴⁰Mar kale ayuu yimid oo arkay iyagoo hurda, waayo, indhahoodu lulmay la cuslaayeen, ma ayna garan waxay ugu jawaabaan. ⁴¹Kolkii saddexaad ayuu yimid oo ku yidhi, Hadda seexda oo nasta, waa ku filan tahay. Saacaddii waa timid. Bal eega, Wiilka Aadanaha ayaa dembiilayaal loo gacan gelinayaa. ⁴²Kaca aan tagnee. Eega, kii i gacan gelin lahaa waa soo dhow yahay.

Ciise waa la qabtay (Mt. 26:47-56; Lk. 22:47-53; Yoox. 18:2-11)

⁴³Kolkiiba intuu weli hadlayay ayaa Yuudas oo laba-iyo-tobankii ka mid ahaa yimid, isaga iyo dad aad u badan oo seefo iyo ulo sita. Waxay ka yimaadeen wadaaddada sare iyo culimada iyo waayeellada. ⁴⁴Kii gacan geliyey ayaa calaamo kula ballamay oo ku yidhi, mid alla midkaan dhunkado waa isagii. Qabta oo kaxeeya oo dhawra. ⁴⁵Kolkuu yimidba, kolkiiba ayuu u tegey oo ku yidhi, Macallimow, wuuna dhunkaday. ⁴⁶Markaasay gacmaha saareen, wayna qabteen. ⁴⁷Midkooda oo ag taagnaa ayaa seeftiisa soo bixiyey, oo wuxuu ku dhuftay wadaadkii sare addoonkiisii, oo dheg buu ka gooyay. ⁴⁸Ciise ba u jawaabay oo ku yidhi, Ma waxaad iila soo baxdeen seefo iyo ulo inaad I qabataan sidaan tuug ahay? ⁴⁹Maalin walbaba macbudka ayaan idinkula jiri jiray oo wax bari jiray, imana aydnaan qabsan, laakiin Qorniinku waa inuu rumoobo. ⁵⁰Markaasay xertii ka wada tageen oo carareen.

Ninkii dhallinyarada ahaa oo cararay

⁵¹Waxaa daba socday nin dhallinyaro ah oo qaawanaantiisa maro jilicsan ka huwaday; wayna qabteen. ⁵²Laakiin maradii jilicsanayd ayuu ka tegey oo ka cararay isagoo qaawan.

Ciise waxaa lagu xukumay wadaadka sare hortiisii (Mt. 26:57-68; Lk. 22:54-55, 63-71; Yoox. 18:12-14,19-24)

⁵³Ciisena waxay u geeyeen wadaadkii sare, waxaana u soo ururay wadaaddadii sare iyo culimadii. ⁵⁴Butros baa meel fog ka soo daba socday, oo wuxuu galay barxadda wadaadkii sare oo la fadhiistay askartii, dabkana ayuu kulaalay. ⁵⁵Wadaaddadii sare iyo shirkii oo dhan ayaa waxay dooneen markhaati Ciise ka gees ah si ay u dilaan, waase heli waayeen. ⁵⁶Waayo, qaar badan baa marag been ah ku fureen, laakiin maraggoodii isku mid ma ahayn. ⁵⁷Markaasaa waxaa kacay qaar marag been ah ku furay oo yidhaahdeen, ⁵⁸Waxaannu maqalnay isagoo leh, Macbudkan gacmo lagu sameeyey ayaan dudumin doona saddex maalmood dabadeed waxaan dhisi doonaa mid kale oo aan gacmo lagu samayn. ⁵⁹Laakiin sidaasuuna maraggoodii isku mid ma ahayn. ⁶⁰Markaasaa wadaadkii sare dhexda istaagay oo Ciise weydiiyey isagoo leh, Miyaanad waxba ka jawaabayn? Kuwanu waxay kugu marag furayaan waa maxay? ⁶¹Isaguse waa iska aamusay oo waxba uma jawaabin. Mar kale wadaadkii sare ayaa weydiiyey oo ku yidhi, Miyaad tahay Masiixa oo ah Wiilka kan la ammaano? ⁶²Ciise ba yidhi, Waan ahay, oo waxaad arki doontaan Wiilka Aadanaha oo fadhiya midigta xoogga Ilaah, oo ku imanaya daruuraha cirka. ⁶³Markaasaa wadaadkii sare dharkiisii jeex-jeexay oo yidhi, Maxaannu markhaatiyaal weli ugu baahan nahay? ⁶⁴Waad maqasheen caytanka. Maxay idinla tahay? Kulligood waxay xukumeen inuu dhimasho istaahilo. ⁶⁵Qaar waxay bilaabeen inay candhuuf ku tufaan oo wejigiisa daboolaan oo garaacaan, waxayna ku yidhaahdeen, wax sheeg. Askartiina way dharbaaxeen.

Butros baa dafiray Ciise (Mt. 26:69-75; Lk. 22:56-62; Yoox. 18:15-18, 25-27)

⁶⁶Butros intuu hoosta joogay xaggii barxadda, waxaa u timid mid ka mid ah hablihii wadaadkii sare u shaqaynayey, ⁶⁷oo markay aragtay Butros oo dabka kulaalaya, ayay dayday oo tidhi, Adiguna waxaad la jirtay Ciisihii reer Naasaret. ⁶⁸Laakiin wuu dafiray oo wuxuu ku yidhi, Anigu ma aqaan garanba maayo waxaad leedahay. Markaasuu albaabka agtiisa tegey, diiqiina waa ciyey. ⁶⁹Gabadhii baa aragtay oo bilowday haddana inay kuwii ag taagnaa ku tidhaahdo, Kanu waa midkood. ⁷⁰Laakiin mar kale dafiray. Wuxoogaa yar dabadeed kuwii ag taagnaa ayaa mar kale Butros ku yidhi, Run weeye, adiguna midkood baad tahay, waayo, waxaad tahay reer Galili, afkaaguna waa la mid afkooda. ⁷¹Laakiin wuxuu bilaabay inuu habaaro oo dhaarto isagoo leh, Anigu garan maayo ninkaas aad ka hadlaysaan. ⁷²Kolkii labaad ayaa diiqii ciyey; oo Butros wuxuu xusuustay hadalkii Ciise ku hadlay, Diiqu intaanu laba goor ciyin, saddex kol ayaad I dafiri doontaa, oo intuu ka fikirayay ayuu ooyay.

Cutubka 15

Ciise oo hor taagan Bilaatos oo ahaa taliyaha reer Rooma (Mt. 27:1-2, 11-26; Lk. 23:1-5, 13-25; Yoox. 18:26-19:16)

¹Aroortii kolkiiba wadaaddadii sare waxay la wada hadleen waayeelladii iyo culimadii iyo shirkii oo dhan. Ciisena way xidheen oo kaxeeyeen oo waxay u dhiibeen Bilaatos. ²Bilaatos wuxuu weydiiyey, Ma Boqorka Yuhuudda tahay? Wuu u jawaabay oo ku yidhi, Waad tidhi. ³Markaasaa wadaaddadii sare wax badan ku ashtakeeyeen. ⁴Bilaatos bal kol dambe wax weydiiyey isagoo leh, Miyaanad waxba ka jawaabayn? Bal eeg intii ay kugu ashtakaynayaan. ⁵Laakiin Ciise weli waxba ugama jawaabin, sidaa darteed Bilaatos waa la yaabay. ⁶Iiddaas wuxuu iyaga u si dayn jiray maxbuuskay doonayeen ⁷Markaasaa waxaa jiray nin Baraabbas la odhan jiray oo ahaa mid lala xidhay kuwii kula kacay oo wax dilay markii fidmaddu dhacday. ⁸Dadkii badnaa ayaa Bilaatos u kacay oo bilaabay inay doonaan inuu u sameeyo siduu u samayn jiray. ⁹Bilaatos baa u jawaabay oo ku yidhi, Ma waxaad doonaysaan inaan idiin siyo Boqorka Yuhuudda? ¹⁰Waayo, wuxuu ogaa wadaaddadii sare inay xaasidnimo ugu soo dhiibeen. ¹¹Laakiin wadaaddadii sare ayaa dadka kiciyey, oo waxay yidhaahdeen inay u roon tahay inuu Baraabbas u sii daayo iyaga. ¹²Bilaatos baa mar kale u jawaabay oo ku yidhi, Haddaba maxaad doonaysaan inaan ku sameeyo kan aad ugu yeedhaan Boqorka Yuhuudda? ¹³Iyaguna mar kale ayay ku qayliyeen, Iskutallaabta ku qodob. ¹⁴Markaasaa Bilaatos ku yidhi, Waa maxay sharkuu falay? Laakiin aad bay u sii qayliyeen oo yidhaahdeen, Iskutallaabta ku qodob. ¹⁵Bilaatos wuxuu doonayay inuu sameeyo waxa dadku raalli ka yahay, sida darteed ayuu Baraabbas u sii daayay, oo goortuu Ciise karbaashay ayuu u dhiibay in iskutallaabta lagu qodbo.

Askartii baa Ciise ku majaajilootay (Mt. 27:27-31; Yoox. 19:2-3)

¹⁶Markaasaa askartii isaga geeyeen barxaddii dhexdeeda, taasoo la odhan jiray ^[6]Baraytoriyon, waxayna isugu yeedheen askartii oo dhan. ¹⁷Waxay u geliyeen dhar guduudan, oo taaj ayay qodxan uga texeen, oo madaxiisay saareen. ¹⁸Markaasay salaameen oo waxay ku yidhaahdeen, Nabad, Boqorka Yuhuuddow. ¹⁹Madaxana ayay cawsduur kaga dhufteen, oo wayna ku candhuufeen, oo u jilba joogsadeen, oo u sujuudeen. ²⁰Goortay ku majaajiloodeen dabadeed ayay dharkii guduudnaa ka qaadeen oo dharkiisii bay u geliyeen, markaasay wadeen in iskutallaabta lagu qodbo.

Ciise waa lagu qodbay iskutallaabta (Mt. 27:32-44; Lk. 23:26-43; Yoox. 19:17-27)

²¹Waxaa ag marayay nin beeraha ka yimid, oo reer Kuranaya ah, oo Simoon la odhan jiray, oo aha aabbihii Aleksanderos iyo Rufus, kan ay ku qasbeen inuu iskutallaabtiisa u qaado. ²²Oo waxay u soo wadeen meel Golgota la odhan jiray, taasoo micneheedu yahay meeshii dhakada. ²³Waxay siiyeen inuu cabbo khamri xameeti lagu daray, laakiin ma uu qaadan. ²⁴Oo goortay iskutallaabta ku qodbeen, dharkiisay qaybsadeen, wayna saami ku riteen mid kasta wuxuu qaadan lahaa. ²⁵Waxayna ahayd saacaddii saddexaad oo iskutallaabta ay ku qodbeen. ²⁶Waxaa lagu qoray meel ka korraysa isaga qorniinkii ashtakadiisa oo leh, BOQORKA YUHUUDDA. ²⁷Markaasaa waxaa iskutallaabo lagula qodbay laba tuug, mid midigtiisa, midna bidixdiisa. ²⁸Oo waxaa rumoobay Qorniinkii yidhi, waxaa isaga lagu tiriyey sharcilaawayaasha. ²⁹Oo kuwii ag marayayna waa caayeen, oo intay madaxooda luleen, waxay yidhaahdeen, Kaaga macbudka duminayow oo saddex maalmood ku dhisayow, ³⁰isbadbaadi oo iskutallaabta ka soo deg. ³¹Sidaas oo kalena ayaa wadaaddada sare dhexdooda ugu majaajiloodeen, iyaga iyo culimadaba, oo waxay yidhaahdeen, kuwa kale ayuu badbaadiyey, qudhiisa isma badbaadin karo. ³²Masiixa oo ah Boqorka Israa’iil haddeer iskutallaabta ha ka soo dego si aannu u aragno oo u rumaysano. Kuwii iskutallaabta lagula qodbayna ayaa caayay.

Ciise waa dhintay (Mt. 27:45-56; Lk. 23:44-49; Yoox. 19:28-30)

³³Goortii saacaddii lixaad la gaadhay, dhulka oo dhammu gudcur buu ahaa ila saacaddii sagaalaad. ³⁴Saacaddii sagaalaad Ciise ayaa cod weyn ku dhawaaqay oo yidhi, Eloy, Eloy, lama sabakhtani? taasoo micneheedu yahay, Ilaahayow, Ilaahayow, maxaad ii dayrisay? ³⁵Kuwa ag tagnaa qaarkood ayaa goortay maqleen yidhi, Eeg, wuxuu uu yeedhayaa Eliyaas. ³⁶Mid baa orday, oo geed isbonji la yidhaahdo khal uga soo buuxshay, oo intuu cawsduur saaray ayuu siiyey inuu cabbo, wuxuuna yidhi, Daaya aannu aragnee inuu Eliyaas yimaado oo soo dejiyo. ³⁷Markaasaa Ciise cod weyn ku dhawaaqay oo ruuxii bixiyey. ³⁸Markaasaa daahii macbudka kor ila hoos laba uu kala dillaacay. ³⁹Kolkaasaa boqol- u taliyihii oo meel ku toosan taagnaa markuu arkay inuu sidaas ruuxiisii u baxshay, wuxuu yidhi, Runtii, ninkanu wuxuu ahaa Wiilkii Ilaah. ⁴⁰Waxaana joogay dumar meel fog ka eegayay, oo waxaa ku dhex jirtay Maryan tii reer Magdala, iyo Maryan oo ahayd Yacquub Yare iyo Yoosee hooyadood, iyo Saloome, ⁴¹oo ah kuwa xataa intuu Galili joogay raaci jiray oo u adeegi jiray, iyo gaar kale oo badan oo Yeruusaalem u sii raacay.

Ciise wa la aasay (Mt. 27:57-61; Lk. 23:50-56; Yoox. 19:38-42)

⁴²Haddaba waxay ahayd Maalintii Diyaargarayska, taas oo ah maalinta sabtida ka horraysa, oo markii makhribkii la gaadhay, ⁴³waxaa yimid Yuusuf kii reer Arimataya oo ahaa taliye murwad leh, oo isna boqortooyadii Ilaah ayuu sugayay. Isagu wuxuu dhiiranaan ugu galay Bilaatos oo ka baryay Ciise meydkiisii. ⁴⁴Bilaatos waa yaabay inuu hadda dhintay. Markaasuu wuxuu u yeedhay boqol u-taliyihii oo weydiiyey, Durba miyuu dhintay? ⁴⁵Goortuu ka gartay boqol-u-taliyihii, ayuu meydkii Yuusuf siiyey. ⁴⁶Markaasaa Yuusuf wuxuu soo iibsaday kafan, wuuna soo dejiyey isaga, oo kafantii ku duudduubay, oo wuxuu geliyey xabaal dhagax ka qodnayd, oo xabaashii afkeedii wuxuu ku soo giringiriyey dhagax weyn. ⁴⁷Maryan tii reer Magdala iyo Maryan oo ahayd hooyadii Yoosee waxay arkeen meeshii la dhigay.

Cutubka 16

Ciise waa ka soo sara kacay kuwii dhinta (Mt. 28:1-10; Lk. 24:1-12; Yoox. 20:1-10)

¹Goortii Sabtidii dhammaatay Maryan tii reer Magdala, iyo Maryan oo ahayd Yacquub hooyadiis, iyo Saloome, waxay iibsadeen dhir udgoon inay u yimaadaan oo mariyaan isaga. ²Waaberigii maalintii ugu horraysay ee toddobaadka waxay yimaadeen xabaasha goortii qorraxdu soo baxday. ³Waxay isku yidhaahdeen, Ayaa dhagaxa xabaashii afkeeda inooga giringirinaya? ⁴Goortay eegeen waxay arkeen dhagixii oo la giringiriyey; oo aad buu u weynaa. ⁵Goortay xabaashii galeen waxay arkeen nin dhallinyar oo midigta fadhiya oo khamiis cad gashan, markaasay aad u nexeen. ⁶Wuxuu ku yidhi, Ha nixina. Waxaad doonaysaan Ciisihii reer Naasaret, kan iskutallaabta lagu qodbay. Wuu sara kacay, oo halkan ma joogo. Waa taa meeshii la dhigay. ⁷Laakiin taga, oo waxaad ku tidhaahdaan xertiisii iyo Butros, Wuu idin hor marayaa ilaa Galili. Halkaasna waad ku arki doontaan, siduu idinku yidhi. ⁸Markaasay dhaqso u soo baxeen oo xabaasha ka soo carareen, waayo, way gariireen oo yaabeen. Ninnana waxba kuma ay odhan, maxaa yeelay, way baqeen.

Ciise baa dad kale u muuqday (Yoox. 20:11-18; Lk. 24:13-35; Mt. 28:16-20; Lk. 24:36- 49; Yoox. 20:19-23)

⁹Waaberigii maalintii ugu horraysay ee toddobaadka ayaa Ciise sara kacay, oo markii hore wuxuu u muuqday Maryan tii reer Magdala, tii uu toddoba jinni ka saaray. ¹⁰Iyadu waa tagtay oo waxay u sheegtay kuwii la joogi jiray, iyagoo barooranaya oo ooyaya. ¹¹Iyaguna goortay maqleen inuu nool yahay oo ay aragtay, way rumaysan waayeen. ¹²Waxan dabadeed isagoo suurad kale ah ayuu u muuqday laba iyaga ah iyagoo sii socda oo beeraha tegaya. ¹³Markaasay baxeen oo kuwii kale u sheegeen, kuwaasina ma ay rumaysan. ¹⁴Dabadeed wuxuu u muuqday koob-iyo-tobankii goortay cunto u fadhiyeen. Wuuna u canaantay rumaysad darridooda iyo qalbi engegnaantooda, waayo, ma ayna rumaysan kuwii isaga arkay goortuu sara kacay dabadeed. ¹⁵Markaasuu wuxuu iyaga ku yidhi, Dunida oo dhan taga, oo uunka oo dhan injiilka ku wacdiya. ¹⁶Kii rumaysta oo la baabtiisa waa badbaadi doonaa, laakiin kii aan rumaysanin waa la xukumi doonaa. ¹⁷Calaamooyinkanna ayaa la socon doona kuwa rumaysta. Magacayga ayay jinniyo ku saari doonaan, afaf cuscusubna ayay ku hadli doonaan, ¹⁸abeesooyin ayay qaadi doonaan, oo hadday cabbaan wax lagu dhimanayo waxba ma yeeli doono, gacmo ayay kuwii buka dul saari doonaan, wayna bogsan doonaan.

Ciise kor buu u baxay (Lk. 24:50-53)

¹⁹Haddaba Rabbi Ciise goortuu la hadlay dabadeed ayaa samada loo qaaday, wuxuuna fadhiistay Ilaah midigtiisa. ²⁰Iyaguna way baxeen oo meel kasta oo ay tageen dadkii bay wacdiyeen, Rabbiguna waa la shaqaynayey iyaga, isagoo hadalka ku xaqiijinaya calaamooyinkii la socday. Aamiin.

[1] 1:21 sunagog = guri lagu tukado.

[2] 2:26 kibistii tusniinta = kibis gooni ah oo loo bixiyey Ilaah.

[3] 3:18 Simoon reer Kaana = Simoon Qiiroleh.

[4] 11:9 Hoosanna = hadal ammaan ah.

[5] 14:3 alabastar = dhagax cad

[6] 15:16 Baraytoriyon = guriga taliyaha