INJIILKA SIDA LUUKOS U QORAY

Cutubka 1

Bilaabashadii kitaabkan

¹Dad badan waxay ku dadaaleen inay soo hagaajiyaan sheeko ku saabsan wixii dhexdayada lagu sameeyey oo la hubsaday, ²siday noo ogeysiiyeen kuwii tan iyo bilowgii arkay oo hadalkii u shaqeeyey. ³Sidaa darteed anigana waxaa ila wanaagsanayd inaan, anigoo tan iyo bilowgii wax walba oo dhacay aad u gartay, si hagaagsan kuugu qoro, Te'ofilosow sharaf weyn lahow, ⁴inaad garatid hubniintii hadalkii lagu baray.

Dhalashada Yooxanaa Baabtiisaha waa la sii sheegay

⁵Wakhtigii Herodos ahaa boqorkii Yahuudiya, waxaa jiray wadaad la odhan jiray Sakariyas, oo ka mid ahaa safkii Abiya; haweenaydiisuna waxay ka mid ahayd hablihii reer Haaruun, magaceedana waxaa la odhan jiray Elisabed. ⁶Labadooduba xaq bay ku ahaayeen Ilaah hortiisa, oo qaynuunnadii iyo xukummadii Rabbiga ayay eedla'aan ku socon jireen. ⁷Ilmo ma ay lahayn, waayo, Elisabed madhalays bay ahayd, oo labadooduba way da weynaayeen. ⁸Waxaa dhacay, intuu shuqulkii wadaadnimadii safkiisa dartiis samaynayay Ilaah hortiisa, ⁹sida caadadii wadaadnimadu u ahayd, in shuqulkiisu ahaa inuu foox shido goortuu macbudka Rabbiga galay. ¹⁰Saacaddii fooxa ayaa dadkii badnaa oo dhammu dibadda ku tukanayeen. ¹¹Markaasaa waxaa isaga u soo muuqatay malaa igtii Rabbiga oo taagnayd meeshii fooxa lagu shido midigteeda. ¹²Goortuu Sakariyas arkay ayuu naxay, wuuna cabsaday. ¹³Laakiin malaa igtii baa ku tidhi, Ha baqin, Sakariyasow, waayo, baryadaadii waa la maqlay; afadaada Elisabedna wiil bay kuu dhali doontaa, magiciisana waxaad u bixin doontaa Yooxanaa. ¹⁴Waxaad heli doontaa farxad iyo rayrayn; dad badanna dhalashadiisa ayay ku farxi doonaan, ¹⁵waayo, Rabbiga hortiisa nin weyn buu ku ahaan doonaa, mana cabbi doono khamri ama wax lagu sakhraamo. Waxaana xataa uurka hooyadiis kaga buuxsami doona Ruuxa Qoduuskaa. ¹⁶Reer bini Israa'iil badidoodana ayuu Rabbiga Ilaahooda ah ku soo jeedin doonaa. ¹⁷Isaguna wuxuu ku hor mari doonaa ruuxii iyo xooggii Eliyaas inuu aabbayaasha qalbiyadooda ku soo jeediyo carruurta, iyo inuu caasiyiinta ku soo celiyo xigmadda kuwa xaqa ah. inuu Rabbiga u diyaargareeyo dad hagaagsan. ¹⁸Sakariyas wuxuu malaa'igtii ku yidhi, Sidee baan waxan u garan doonaa? Waayo, anigu oday baan ahay, afadayduna waa da'weynaatay. ¹⁹Malaa'igtii baa u jawaabtay oo ku tidhi, Anigu waxaan ahay Jibriil oo Ilaah hortiisa istaaga. Waxaa la ii soo diray inaan kula hadlo oo aan warkan wanaagsan kuu keeno. ²⁰Bal eeg. waad aamusnaan doontaa. mana hadli kari doonto, ilaa maalinta waxyaalahan dhici doonaan. waayo, waad rumaysan weyday hadalladayda wakhti gooda la oofin doono. ²¹Dadkuna waxay sugayeen Sakariyas. oo waxay la yaabeen siduu macbudka ugu raagay.; ²²Markuu soo baxay ayuu la hadli kari waayay. markaasay-garteen inuu macbudka wax ku arkay. Kolkaasuu gacanta ugu sii tilmaamayey Iyaga, isagoo sii carrab la'. ²³Kolkii maalmihii shuqulkiisii wadaadnimadu dhammaadeen ayuu wuxuu tegey gurigiisii. ²⁴Maalmahaas dabadeed afadiisa Elisabed ayaa uuraysatay. oo shan bilood ayay isqarisay iyadoo leh. ²⁵Sidaasaa Rabbigu iigu sameeyey maalmihii uu i eegay inuu ceebtayda dadka dhexdooda iiga qaado.

Dhalashada Ciise Masiix waa la sii sheegay

²⁶Bishii lixaad Ilaah baa malaa'ig Jibriil u soo diray magaalada Galili oo Naasaret la odhan jiray ²⁷ilaa gabadh bikrad ah oo u doonanayd nin la odhan jiray Yuusuf oo dhashii Daa'uud ahaa: gabadhana waxaa la odhan jiray Maryan. ²⁸Malaa'igtii baa u soo gashay. oo waxay ku tidhi. Nabad. adigoo nimcaysan, Rabbiga ayaa kula jira. ²⁹Markaasay hadalkii ka naxday, oo waxay isku tidhi, Maxay tahay salaantan. ³⁰Malaa'igtii baa ku tidhi. Ha baqin. Maryamay. waayo. nimco ayaad Ilaah ka heshay. ³¹Bal eeg. waad uuraysan doontaa oo wiil baad umuli doontaa, magiciisana waxaad u bixin doontaa Ciise. ³²Nin weyn buu ahaan doonaa. waxaana loogu yeedhi doonaa Wiilka Kan ugu sarreeya. Rabbiga llaaha ahuna wuxuu siin doonaa carshigii awowgiis Daa'uud. ³³Weligiiba wuxuu boqor u ahaan doonaa dadkii Yacquub. boqornimadiisuna ma idlaan doonto. ³⁴Kolkaasaa Maryan Waxay malaa'igtii ku tidhi. Sidee baa waxanu ku noqon doonaan? Anigu ninna garan maayo. ³⁵Malaa'igtii waa u jawaabtay oo ku tidhi. Ruux. Qoduuska ah ayaa kugu soo degi doona. oo xooggii Kan ugu sarreeya ayaa hoosiis kuu noqon doona. sidaa darteed kan qoduuska ah oo kaa dhalan doona waxaa loogu yeedhi doonaa Wiilka Ilaah. ³⁶Bal eeg. inadeertaa Elisabedna wiil bay uuraysatay iyadoo da'weyn; oo tanuna waxay tii madhalays loogu yeedhi jiray u tahay bisheedii lixaad. ³⁷Waayo. wax aan Ilaah kari doonin ma jiro. ³⁸Maryan ayaa tidhi. Waa i kan. waxaan ahay addoontii Rabbiga. Sidaad u hadashay ha ii noqoto. Markaasaa malaa igtii ka tagtay. Maryan waxay booqatay Elisabed; gabaygii Maryan ee ammaanta ahaa ³⁹Maalmahaas Maryan baa kacday, oo waxay dhaqso u tagtay dhulkii buuraha lahaa ilaa magaalo ka mid ah reer Yahuudah, ⁴⁰oo waxay gashay gurigii Sakariyas, oo salaantay Elisabed. ⁴¹oo waxaa dhacay goortii Elisabed salaantii Maryan maqashay in ilmihii uurkeeda ku boodbooday; Elisabedna waxaa ka buuxsamay Ruuxa Qoduuska ah. ⁴²Markaasay cod dheer ku qaylisay oo tidhi, Dumarka dhexdooda waad ku barakadaysan tahay? oo midhka uurkaaga waa barakadaysan yahay. ⁴³Xaggee waxanu iiga yimaadeen in Sayidkayga hooyadiis iigu timaado? ⁴⁴Bal eeg, markii codkii salaantaadu dhegahayga ku dhacay, ilmaha uurkayga ku jira ayaa farxad la boodbooday. ⁴⁵Waxaa barakadaysan tii rumaysatay; waayo. waxyaalihii xagga Rabbiga looga sheegay ayay dhici doonaan. ⁴⁶Maryanna waxay tidhi, Naftaydu Rabbigay weynaynaysaa, ⁴⁷Ruuxayguna wuxuu ku rayrreeyey llaaha Badbaadiyahayga ah. ⁴⁸Waayo, wuxuu eegay hoosaysnimada addoontiisa, Bal eeg, tan iyo hadhow qarniyada oo dhammu waxay iigu yeedhi doonaan tan barakadaysan ⁴⁹Waayo, kan xoogga leh ayaa waxyaalo waaweyn ii sameeyey; Magiciisuna waa Qoduus, ⁵⁰Tan iyo ab ka ab naxariistiisu waxay gaadhaa Kuwa isaga ka cabsada. ⁵¹Wuxuu xoog ku sameeyey gacantiisa. Oo kuwii fikirradii qalbigoodii ku kibray ayuu kala firdhiyey. ⁵²Kuwii xoogga lahaa ayuu carshiyadoodii ka soo dejiyey Oo kuwii holcayey ayuu sarraysiiyey. ⁵³Kuwii gaajaysnaa ayuu wax wanaagsan ka dhergiyey, Kuwii hodanka ahaana iyagoo madhan ayuu diray. ⁵⁴Midiidinkiisii Israa'iil ayuu caawiyey Inuu xusuusto inuu u naxariisto ⁵⁵Ibraahim iyo farcankiisii weligoodba (Siduu awowayaasheennii ula hadlay). ⁵⁶Maryan waxay iyada la joogtay abbaaraha saddex bilood. markaasay gurigeeda ku noqotay. Dhalashadii Yooxanaa Baabtiisaha; aabbihiis gabaygiisii ammaanta ahaa ⁵⁷Hadda Elisabet wakhtigii ay umuli lahayd ayaa la joogay. oo wiil bay dhashay. ⁵⁸Derisyadeedii iyo xigaalkeedii ayay maqleen siduu Rabbigu naxariistiisii ugu weyneeyey iyada, wayna la farxeen. ⁵⁹Waxaa dhacay inay maalintii siddeedaad u yimaadeen inay wiilkii gudaan, oo waxayna u bixiyeen magicii aabbihiis Sakariyas. ⁶⁰Kolkaasaa hooyadiis u jawaabtay oo ku tidhi, Sidaas ma aha; waxaase loogu yeedhi doonaa Yooxanaa. ⁶¹Waxay ku yidhaahdeen, Xigaalkaaga kuma jiro qof magacaas loo bixiyey. ⁶²Waxay aabbihiis gacan ugu tilmaameen oo weydiiyeen wuxuu doonayay in loogu yeedho. ⁶³Markaasuu wuxuu weydiistay loox oo ku qoray, isagoo leh, Magiciisu waa Yooxanaa. Wayna wada yaabeen. ⁶⁴Kolkiiba afkiisii ayaa furmay, oo carrabkiisiina waa debcay, markaasuu hadlay oo Ilaah ammaanay. ⁶⁵Dadkii agtooda joogay oo dhammu way wada cabsadeen, oo hadalladan oo dhan waa lagaga hadlayay dalkii buuraha lahaa oo Yahuudiya oo dhan. ⁶⁶Kuwa waxyaalahaas maqlay oo dhan ayaa qalbigooda geliyey oo waxay yidhaahdeen, Haddaba ilmahanu muxuu noqon doonaa? Waayo, gacantii Rabbiga ayaa la jirtay isaga. ⁶⁷Markaasaa aabbihiis Sakariyas waxaa ka buuxsamay Ruuxa Qoduuska ah, waxna wuu sii sheegay isagoo leh, ⁶⁸Ha ammaanmo Rabbiga ah llaaha Israa'iil, Waayo, dadkiisii ayuu soo booqday oo furtay. ⁶⁹Badbaadiye xoog leh ayuu inoogu kiciyey Gurigii midiidinkiisa Daa'uud ⁷⁰(Siduu afkii nebiyadiisii qoduuska ahaa tan iyo bilowgii uga hadli jiray), ⁷¹Inuu inaga badbaadiyo cadaawayaasheenna iyo gacanta kuwa ina neceb oo dhan, ⁷²Iyo inuu u naxariisto awowayaasheen, Iyo inuu axdigiisii qoduuska ahaa xusuusto, ⁷³Oo ahaa dhaartii uu awoweheennii Ibraahim ugu dhaartay, ⁷⁴Inuu ina siiyo innagoo cadaawayaasheenna gacmahooda laynaga bixiyey Inaynu baqdinla'aan isaga ugu hawshoonno ⁷⁵Qoduusnimada iyo xaqnimada isaga hortiisa cimrigeenna oo dhan. ⁷⁶Adiguna, ilma yahow, waxaa laguugu yeedhi doonaa nebigii Kan ugu sarreeya, Waayo, waxaad hor mari doontaa Rabbiga hortiisa inaad jidadkiisa diyaargaraysid; ⁷⁷Oo aad dadkiisa ogeysiisid badbaadada Ee dembidhaafkooda ah, ⁷⁸Ee laga hela naxariista weyn ee llaaheenna, Tan qorraxda soo baxda xagga sare inaga soo booqan doonta, ⁷⁹Inay iftiimiso kuwa fadhiya gudcurka iyo hooskii dhimashada, Iyo inay cagaheenna jidkii nabadda ku kaxayso, ⁸⁰Wiilkuna waa koray oo ruuxuu ka xoogoobay, wuxuuna joogay cidlada ilaa maalintii uu Israa'iil istusi lahaa.

Dhalashadii Ciise Masiix

Dhalashadii Ciise Masiix

Cutubka 2

(Mt: 1:18-25)

¹Wakhtigaas waxaa dhacay in amar ka soo baxay Kaysar Awgustus in dadka dunida jooga oo dhan la qoro. ²Qorniinkaas kolkii ugu horreeyey waxaa la sameeyey markii Kuranayos xukumi jiray Suuriya. ³Dhammaan waxay u wada tageen in la qoro, mid kastaba magaaladiisii. ⁴Yuusufna Galili ayuu ka kacay, oo magaaladii Naasaret ka tegey, oo wuxuu aaday Yahuudiya ilaa magaaladii Daa'uud oo Beytlaxam la odhan jiray, maxaa yeelay, wuxuu ahaa dadkii iyo dhashii Daa'uud, ⁵in lala qoro Maryan oo ahayd tii u doonanayd oo uurka lahayd. ⁶Waxaa dhacay kolkay halkaas joogeen in maalmihii ay umuli lahayd dhammaadeen, ⁷waxayna umushay wiilkeedii curadka ahaa, markaasay maro ku duudduubtay oo qabaal ku jiifisay, waayo, meel ay ku hoydaan ayay hudheelkii ka waayeen. ⁸Dalkaas waxaa jiray adhijirro bannaanka jooga oo habeenkii idahooda ilaalinaya. ⁹Malaa'igtii Rabbiga ayaa ag istaagtay, oo ammaanta Rabbiga ayaa iftiimisay hareerahooda, aad bayna u baqeen. ¹⁰Markaasaa malaa'igtii ku tidhi, Ha baqina, waayo, ogaada, waxaan idiin keenay war wanaagsan oo leh farxad weyn oo u ahaan dadka oo dhan. ¹¹Waayo, maanta waxaa magaalada Daa'uud idiinku dhashay Badbaadiye oo ah Masiixa Rabbiga ah. ¹²Oo waxaa calaamo idiin ahaan tan, waxaad heli doontaan ilmo maro ku duudduuban oo ku jiifa qabaal. ¹³Dhaqsoba waxaa malaa'igtii la jirtay guuto fara badan oo jannada ka timid, wayna ammaanayeen Ilaah oo lahaayeen, ¹⁴Ilaah ha ku ammaanmo meelaha ugu sarreeya, Xagga dhulkana nabad ha ahaato dadka ka farxiya Ilaah dhexdooda. ¹⁵Waxaa dhacay markii malaa'igihii ka tageen oo jannada ku noqdeen in adhijirradii isku yidhaahdeen, Haddana aan tagno xataa ilaa Beytlaxam, aan aragnee waxaas dhacay oo Rabbiga ina ogeysiiyey. ¹⁶Markaasay dhaqso u yimaadeen oo waxay heleen Maryan iyo Yuusufba iyo ilmihii oo qabaal ku jiifa. ¹⁷Oo goortay arkeen, waxay ogeysiiyeen hadalka ilmahan looga sheegay iyaga. ¹⁸Dadkii maqlay oo dhanna ayaa ka yaabay waxyaalihii adhijirradu u sheegeen. ¹⁹Maryanse hadalkaas oo dhan ayay haysatay oo qalbigeeda kaga fikirtay. ²⁰Adhijirraduna way noqdeen iyagoo Ilaah ku ammaanaya oo ku weyneynaya waxyaalihii ay maqleen oo ay arkeen oo dhan, sidii iyaga loogu sheegay. ²¹Goortii siddeed maalmood dhammaatay oo wiilkii la gudi lahaa, magiciisii waxaa loo baxshay Ciise, sida malaa'igtii ugu bixisay intaan uurka lagu uuraysan.

Ciisaa Rabbiga loogu dhiibay macbudka dhexdiisa

²²Kolkii maalmihii nadiifiskeeda u dhammaadeen sidii sharciga Muuse lahaa, waxay geeyeen Yeruusaalem inay Rabbiga u dhiibaan ²³(siday ugu qoran tahay sharciga Rabbiga, Curad walba oo lab ah waxaa loogu yeedhi doonaa qoduus xagga Rabbiga), ²⁴iyo inay allabari u bixiyaan siday ugu qoran tahay sharciga Rabbiga, Laba qoolley ama laba xamaam oo yaryar.

Simecoon iyo gabaygiisii ammaanta ahaa

²⁵Bal eeg, waxaa Yeruusaalem joogay nin magiciisii ahaa Simecoon. Ninkaasu wuxuu ahaa nin xaq ah oo cibaado leh; wuxuuna sugayay gargaaridda Israa'iil. Ruuxii Qoduuska ahaana waa dul joogay. ²⁶Waxaana Ruuxii Qoduuska ahaa u muujiyey inaanu dhimasho arag intaanu Rabbiga Masiixiisa arkin. ²⁷Oo wuxuu Ruuxii ku galay macbudka, oo goortii waalidkii keeneen wiilkii Ciise ahaa inay caadadii sharciga ku sameeyaan, ²⁸markaasuu gacmihiisa ku qaaday, oo Ilaah ammaanay, oo yidhi, ²⁹Rabbiyow, imminka addoonkaagu nabad ha ku tago, Sida hadalkaagu ahaa, ³⁰Waayo, indhahaygu waxay arkeen badbaadintaada, ³¹Tan aad dadka oo dhan hortiis hagaajisay, ³²Oo ah iftiin quruumaha lagu muujiyo, Iyo ammaanta dadkaaga Israa'iil. ³³Markaasaa aabbihiis iyo hooyadiis ka yaabeen waxyaalihii lagaga hadlay isaga. ³⁴Simecoon ayaa iyaga u duceeyey, wuxuuna hooyadiis Maryan ku yidhi, Ogow, wiilkan waxaa loo dhigay dhicidda iyo kicidda kuwa badan oo Israa'iil ku jira, iyo calaamo ka gees ahaan lagaga hadlo, ³⁵si ay qalbiyo badan fikirradoodu u muuqan doonaan. Adigana seef baa naftaada ka mudhbixi doonta.

Anna

³⁶Waxaa jirtay nebiyad Anna la odhan jiray, ina Fanuu'eel, oo ahayd qoladii Aseer, wayna da'weynayd; nin bayna la jirtay toddoba sannadood bikradnimadeeda dabadeed. ³⁷Waxayna ahayd carmal xataa afar iyo siddeetan sannadood, macbudkana kama ay tegin, laakiin Ilaah ayay soon iyo salaad habeen iyo maalinba ku caabudaysay. ³⁸Saacaddaas qudheeda ayay soo gashay oo Ilaah u mahad naqday, oo kuwa furashada Yeruusaalem sugayay oo dhan ayay xaggiisa kala hadashay.

Ciise carruurnimadiisii

³⁹Goortay wax walba dhammeeyeen sida sharciga Rabbigu leeyahay, waxay ku noqdeen Galili ilaa magaaladoodii Naasaret. ⁴⁰Wiilkii ayaa koray oo itaal weynaaday, waxaana ka buuxsantay xigmad; Ilaah nimcadiisuna way dul joogtay. ⁴¹Sannad walba waalidkiisii waxay Yeruusaalem u tegi jireen Iiddii Kormaridda. ⁴²Goortuu laba iyo toban sannadood jiray ayay aadeen sidii caadadii iiddu u ahayd. ⁴³Oo goortay maalmihii dhammaysteen, oo ay noqonayeen, ayaa Ciise wiilkii ahaa ku hadhay Yeruusaalem, waalidkiisuna ma ogayn. ⁴⁴laakiin iyagoo u malaynaya inuu dadka la socdo, ayay maalin sii socdeen, markaasay ka dhex doondooneen xigaalkooda iyo kuway isbarteen. ⁴⁵Oo markay heli waayeen ayay Yeruusaalem ku noqdeen oo ka doondooneen. ⁴⁶Waxaa noqotay, saddex maalmood dabadeed, inay macbudka ka heleen isagoo macallimmada dhex fadhiya oo dhegaysanaya oo wax weydiinaya. ⁴⁷Dadkii maqlay oo dhan ayaa la yaabay garashadiisii iyo jawaabihiisii. ⁴⁸Goortay arkeen isagii way la yaabeen, oo hooyadiis ayaa ku tidhi, Wiilkaygiiyow, maxaad sidaas noo yeeshay? Bal eeg, aniga iyo aabbahaa caloolxumo waannu kugu doondoonnay. ⁴⁹Markaasuu wuxuu ku yidhi, Maxaad ii doondoonayseen? Miyaanad ogayn inay igu waajib tahay inaan danta Aabbahay ku jeedo. ⁵⁰Laakiin way garan waayeen hadalkii uu kula hadlay. ⁵¹Kolkaasuu raacay oo Naasaret tegey. wuuna ka dambeeyey iyaga; laakiinse hooyadiis hadalkaas oo dhan qalbigeeda ayay ku haysatay. ⁵²Ciisena wuxuu ku koray xigmad iyo dherer iyo nimco, Ilaah iyo dadka hortooda.

Cutubka 3

Yooxanaa Baabtiisaha iyo farriintii uu waday (Mt 3:1-12; Mk. 1:1-8)

¹Waxay ahayd sannaddii shan iyo tobnaad oo Tiberiyas Kaysar boqranaa. markii Bontiyos Bilaatos xukumi jiray Yahuudiya, oo Herodos taliye u ahaa Galili, walaalkiis Filibosna taliye u ahaa Ituraya iyo dalkii Tarakhoonitis, oo Lusaniyas taliye u ahaa Abilene, ²oo Annas iyo Kayafas wadaaddadii sare ahaan jireen, markaasaa hadalkii Ilaah cidlada ugu yimid Yooxanaa ina Sakariyas. ³Wuxuu yimid Webi Urdun hareerihiis oo dhan isagoo dadka ku wacdiyeya baabtiiskii toobadda dembidhaafka aawadiis. ⁴siday ugu qoran tahay kitaabkii hadallada Nebi Isayos, Waa codka kan cidlada kaga qaylinaya, Jidka Rabbiga hagaajiya. Waddooyinkiisa toosiya. ⁵Dooxo walba waa la buuxin doonaa, Qar iyo buur walbana waa la gaabin doonaa, Wixii qalloocanna waa la toosin doonaa, Jidadka xunxunna waa la simi doonaa, ⁶Uunka oo dhammuna badbaadinta Ilaah ayay arki doonaan. ⁷Haddaba wuxuu ku yidhi dadkii badnaa oo u soo baxay inuu baabtiiso iyaga, Dhal jilbisay, yaa idiinka digay inaad ka carartaan cadhada imanaysa? ⁸Haddaba midho toobad istaahila soo bixiya, hana bilaabina inaad isku tidhaahdaan, Waxaannu leennahay Ibraahim oo aabbe noo ah. Waayo, waxaan idinku leeyahay, Ilaah waa karaa inuu dhagaxyadan carruur uga kiciyo Ibraahim. ⁹Haddeer weliba faaska waxaa la dhigay geedaha guntooda. Sidaa darteed geed walba oo aan midho wanaagsan soo bixin waa la gooyaa oo dabka lagu tuuraa. ¹⁰Markaasaa dadkii badnaa weydiiyeen, oo waxay ku yidhaahdeen, Haddaba maxaannu samaynaa? ¹¹Kolkaasuu u jawaabay oo iyagii ku yidhi, Kii laba khamiis qabaa, ha siiyo kii aan waxba qabin; kii cunto qabaana, sidaas oo kale ha yeelo. ¹²Markaasaa waxaa u yimid cashuurqaadayaal in la baabtiiso, waxayna ku yidhaahdeen, Macallimow, annaguna maxaannu samaynaa? ¹³Isaguna wuxuu ku yidhi, Waxaa laydiin amray wax ka badan ha qaadanina. ¹⁴Markaasaa askarna weydiisay oo ku tidhi, Annaguna maxaannu samaynaa? Wuxuu iyagii ku yidhi, Ninna ha dulmina, oo ninna ha masabbidina; mushahaaradiinnana raalli ku ahaada. ¹⁵Intii dadku filanayeen oo kulligoodna qalbiyadooda kaga fikirayeen Yooxanaa inuu yahay Masiixii iyo in kale, ¹⁶ayaa Yooxanaa kulligood u jawaabay oo ku yidhi. Anigu waxaan idinku baabtiisaa biyo, laakiin waxaa imanaya ku iga itaal weyn, kan aanan istaahilin inaan yeelmihii kabihiisa furo. Isagu wuxuu idinku baabtiisi doonaa Ruuxa Qoduuska ah iyo dab. ¹⁷Masaftiisu gacantiisay ku jirtaa inuu goobtiisa wax lagu tumo aad u safeeyo oo sarreenkana maqsinkiisa ku soo ururiyo, laakiin buunshaha ayuu dab aan demeyn ku gubi doonaa. ¹⁸Digniin badan oo kale ayuu dadka ku wacdiyey. ¹⁹Laakiin kolkuu taliye Herodos u canaantay walaalkiis Filibos naagtiisii Herodiya aawadeed, iyo waxyaalaha xunxun oo Herodos sameeyey oo dhan aawadood, ²⁰ayaa Herodos waxan oo dhan weliba ku daray inuu Yooxanaa ku xidho xabsigii.

Ciise waa la baabtiisay (Mt. 3:13-17; Mk. 1:9-11)

²¹Markii dadkii oo dhan la baabtiisay, waxaa dhacay in Ciisena la baabtiisay, oo intuu tukanayay ayaa samadu furantay, ²²oo Ruuxa Qoduuska ah ayaa dushiisa ku soo degay isagoo muuqasho jidh leh oo qoolley u eg, waxaana samada ka yimid cod leh, Adigu waxaad tahay Wiilkayga aan jeclahay; ee waan kugu faraxsanahay.

Abtirsiinta Ciise (Mt. 1:1-17)

²³Oo Ciise markuu bilaabay inuu wax baro, wuxuu ahaa qiyaas soddon jir, isagoo ahaa (sida loo moodayay) ina Yuusuf, kan ahaa ina Heli, ²⁴kan ahaa ina Matad. kan ahaa ina Laawi, kan ahaa ina Malki, kan ahaa ina Yanna, ²⁵kan ahaa ina Yuusuf, kan ahaa ina Matatiyas, kan ahaa ina Caamoos, kan ahaa ina Na'uum, kan ahaa ina Esli, kan ahaa ina Naggay, ²⁶kan ahaa ina Ma'ad, kan ahaa ina Matatiyas, kan ahaa ina Semey, kan ahaa ina Yuusuf, kan ahaa ina Yuuda, ²⁷kan ahaa ina Yo'anna, kan ahaa ina Reesa, kan ahaa ina Serubaabel, kan ahaa ina Salaatii'eel, kan ahaa ina Neeri, ²⁸kan ahaa ina Malki, kan ahaa ina Addi, kan ahaa ina Koosam, kan ahaa ina Elmoodam, kan ahaa ina Ceer, ²⁹kan ahaa ina Yooses, kan ahaa ina Eliiceser, kan ahaa ina Yoorim, kan ahaa ina Matad, kan ahaa ina Laawi. ³⁰kan ahaa ina Simecoon. kan ahaa ina Yuuda, kan ahaa ina Yuusuf. kan ahaa ina Yoonam, kan ahaa ina Eliyaqiim, ³¹kan ahaa ina Mele'as. kan ahaa ina Menna, kan ahaa ina Matata, kan ahaa ina Naataan, kan ahaa ina Daa'uud, ³²kan ahaa ina Yesay, kan ahaa ina Coobeed, kan ahaa ina Bo'as, kan ahaa ina Salmoon, kan ahaa ina Naasoon, ³³kan ahaa ina Caminadaab. kan ahaa ina Araam, kan ahaa ina Esroom, kan ahaa ina Feres, kan ahaa ina Yahuudah, ³⁴kan ahaa ina Yacquub, kan ahaa ina Isxaaq, kan ahaa ina Ibraahim, kan ahaa ina Tara, kan ahaa ina Naakoor, ³⁵kan ahaa ina Seruukh, kan ahaa ina Ragaw. kan ahaa ina Faleg, kan ahaa ina Xeber, kan ahaa ina Salah. ³⁶kan ahaa ina Qaynaan, kan ahaa ina Arfaksad. kan ahaa ina Sheem, kan ahaa ina Nuux, kan ahaa ina Lamek, ³⁷kan ahaa ina Matusala, kan ahaa ina Enook, kan ahaa ina Yaared. kan ahaa ina Mahalaleel, kan ahaa ina Qaynaan, ³⁸kan ahaa ina Enoos, kan ahaa ina Seet, kan ahaa ina Aadan, kan ahaa ina Ilaah.

Cutubka 4

Shaydaan baa isku deyey inuu Ciise duufsado (Mt. 4:1-11; Mk. 1:12-13)

¹Ciise waxaa ka buuxsamay Ruuxa Qoduuska ah, oo Webi Urdun ayuu ka noqday, oo Ruuxii baa cidlada u kaxeeyey. ²Afartan maalmood ayaa Ibliisku jirrabayay. Maalmahaasna waxba ma cunin. Goortay maalmihii dhammaadeen ayuu gaajooday. ³Markaasaa Ibliisku wuxuu ku yidhi, Haddaad tahay Wiilka Ilaah ku dheh dhagaxan. Kibis noqo. ⁴Ciise baa u jawaabay oo ku yidhi, Waa qoran tahay, Dadku waa inaanu kibis oo keliya ku noolaan. ⁵Oo markuu kor u kaxeeyey wuxuu wakhti yar ku tusay quruumaha dunida oo dhan. ⁶Markaasaa Ibliisku wuxuu ku yidhi, Amarkan oo dhan waan ku siinayaa iyo ammaantoodaba, waayo, waa lay siiyey; oo kii aan doonayo ayaan siiyaa. ⁷Haddaba haddaad hortayda i caabuddid, kulli adaa lahaan doona. ⁸Markaasaa Ciise u jawaabay oo ku yidhi, Waa qoran tahay. Waa inaad caabuddo Rabbiga Ilaahaaga ah oo waa inaad isagoo keliya u adeegto. ⁹Markaasuu Yeruusaalem geeyey, wuxuuna saa1 ay munaaraddii macbudka oo ku yidhi, Haddaad tahay Wiilka Ilaah, halkan hoos iskaga tuur; ¹⁰waayo. waa qoran tahay, Malaa'igihiisa ayuu ku amri doonaa inay ku ilaaliyaan, ¹¹iyo, Inay gacmahooda sare kuugu qabtaan inaanay cagtaadu dhagax ku dhicin. ¹²Ciise baa u jawaabay oo ku yidhi, Waa la yidhi. Rabbiga Ilaahaaga ah waa inaanad jirrabin. ¹³Ibliiskiina markuu jirrabaad walba dhammeeyey ayuu ka tegey intii wakhti ah.

Bilowgii wacdiga Ciise (Mt. 4:12-17; Mk. 1:14-15)

¹⁴Markaasaa Ciise wuxuu xooggii Ruuxa kula noqday Galili, warkiisuna wuxuu gaadhay dhulka ku wareegsan oo dhan. ¹⁵Sunagogyadoodana ayuu wax ku baray, dhammaanna waa la wada ammaanay isaga.

Ciise waa laga celiyey Naasaret (Mt. 13:53-58; Mk. 6:1-6)

¹⁶Markaasuu wuxuu yimid Naasaret oo ahayd meeshuu ku koray, oo maalintii sabtida sida caadadiisu ahayd ayuu sunagogga galay, wuuna istaagay inuu wax akhriyo. ¹⁷Waxaa loo dhiibay kitaabkii Nebi Isayos, oo goortuu kitaabkii furay ayuu helay meeshii lagu qoray. ¹⁸Ruuxii Rabbiga ayaa i dul jooga, Waayo, wuxuu ii subkay inaan war wanaagsan masaakiinta ku wacdiyo, Wuxuuna ii soo diray inaan kuwa xidhan furriinnimada ogeysiiyo Iyo kuwa indhaha la' soo celinta araggooda Iyo inaan kuwa nabaraysan soo furfuro, ¹⁹Iyo inaan dadka ogeysiiyo sannadda qaabbilaadda ah ee Rabbiga. ²⁰Intuu kitaabkii duudduubay ayuu midiidinka u dhiibay oo fadhiistay; oo dadkii sunagoggii ku jiray oo dhan ayaa indhaha ku taagay. ²¹Markaasuu bilaabay inuu ku yidhaahdo, Maanta Qorniinkan dhegihiinnu maqlay waa rumoobay. ²²Kulligood markhaati bay ahaayeen, wayna ka yaabeen hadallada nimcada leh oo afkiisa ka soo baxay, markaasay yidhaahdeen, Kanu miyaanu ahayn wiilkii Yuusuf? ²³Kolkaasuu ku yidhi, Shaki la'aan waxaad masaalkan igu odhan doontaan, Dhakhtarow, isbogsii. Wax kastoo aannu maqalnay oo Kafa1-na'um lagu sameeyey, halkan dhulkaagana ku samee. ²⁴Markaasuu ku yidhi, Runtii waxaan idinku leeyahay, Nebina dalkiisa laguma aqbalo. ²⁵Laakiin runtii waxaan idinku leeyahay, Wakhtigii Eliyaas waxaa Israa'iil ku jiray carmallo badan oo nimankoodii ka dhinteen markii cirku saddex sannadood iyo lix bilood xidhmay oo abaar weyni dhulka oo dhan ka dhacday. ²⁶Laakiin middoodna Eliyaas looma dirin, naag carmal ah oo magaalada Sarefta oo dalka Siidoon ku jirtay maahee. ²⁷Wakhtigii Nebi Eliishaana waxaa Israa'iil ku jiray dad badan oo baras leh, midkoodna lama daahirin Nacamaan reer Suuriya maahee. ²⁸Markii kuwii sunagogga ku jiray oo dhan waxaas maqleen ayay aad u cadhoodeen. ²⁹Markaasay kaceen oo magaaladii ka saareen, waxayna u kaxeeyeen buurtii magaaladoodii ka dhisnayd qarkeedii inay ka tuuraan ³⁰Laakih1 isagu intuu dhex maray ayuu iska tegey.

Jinnoolihii la bogsiiyey (Mk. 1:21-28)

³¹Wuxuuna u degay Kafarna'um oo magaalada Galili ah. Oo maalmihii sabtida ayuu dadka wax barayay. ³²Waxbariddiisiina way la yaabeen, waayo, hadalkiisu amar buu lahaa. ³³Waxaana sunagogga joogay nin jinni wasakh leh qaba. Cod weyn ayuu ku qayliyey, oo wuxuu yidhi, ³⁴Na daa! Maxaa inoo dhexaya, Ciise reer Naasaretow? Ma waxaad u timid inaad na baabi'iso? Anigu waa ku garanayaa kii aad tahay, Kan Qoduuska ah ee Ilaah. ³⁵Ciise baa canaantay oo ku yidhi, Aamus oo ka soo bax. Jinniguna goortuu ninkii dhexda ku tuuray ayuu ka soo baxay, waxbana ma uu yeelin. ³⁶Yaab weyn ayaa ku wada dhacay; wayna isla wada hadleen oo yidhaahdeen, Waa maxay hadalkan? waayo, jinniyada wasakhda leh ayuu amar iyo xoog ku xukumaa, wayna ka baxaan ³⁷Meel kasta oo dalka ku wareegsan ayaa warka isaga ku saabsan gaadhay.

Ciise wuxuu bogsiiyey Simoon soddohdiis iyo qaar kale oo badan (Mt. 8:14-17; Mk. 1:79-39)

³⁸Markaasuu sunagoggii ka soo kacay, oo wuxuu galay gurigii Simoon. Simoon soddohdiisna qandho weyn ayay qabtay, markaasay isaga u baryeen aawadeed, ³⁹oo intuu isa soo dul taagay ayuu qandhadii canaantay, wayna daysay. Kolkiiba way kacday oo u adeegtay iyagii. ⁴⁰Markii qorraxdu sii dhacaysay, dadkii oo dhan oo lahaa dad cudurro kala cayncayn ah qabay ayay isaga u keeneen; mid kastaba gacmihiisuu saaray oo bogsiiyey. ⁴¹Jinniyona dad badan ayay ka soo baxeen. iyagoo qaylinaya oo leh, Adigu waxaad tahay Wiilka Ilaah. Isaguse waa canaantay oo uma oggolaanin inay hadlaan, waayo. waxay garanayeen inuu Masiixa Yahay. ⁴²Goortii ay maalintii noqotay, ayuu baxay oo meel cidla ah tegey; dadkii badnaana way doondooneen oo u yimaadeen. Wayna qabteen si aanu uga tegin. ⁴³Laakiin wuxuu iyagii ku yidhi, Waa inaan magaalooyinka kalena injiilka boqortooyada Ilaah ku wacdiyo, waayo, sidaa darteeda waa la ii soo diray. Sunagogyada Galilina ayuu dadka ka dhex wacdiyi jiray.

Cutubka 5

Wuxuu u yeedhay xertiisii u horraysay (Mt. 4:18-22; Mk. 1:16-20)

¹Intii dadkii oo dhan isku soo cidhiidhiyeen inay hadalkii Ilaah maqlaan, ayuu is-ag taagay badda Gennesaret; ²oo wuxuu arkay laba doonniyood oo badda ag taal; laakiin kalluumaystayaashii waa ka degeen. oo shabagyadoodii ayay maydhayeen. ³Markaasuu fuulay doonniyihii middood oo Simoon lahaa, wuxuuna ka baryay inuu in yar dhulka ka durkiyo. Markaasuu fadhiistay oo dadkii wax ka dhex baray doonnidii ⁴Goortuu hadalkii dhammeeyey ayuu Simoon ku yidhi, Meesha biyaha u dheer gee, oo shabagyadiinna ku dejiya si aad kalluun u heshaan. ⁵Simoon baa u jawaabay oo ku yidhi, Macallimow, xalay oo dhan ayaannu hawshoonnay, waxbana ma aannu qaban, laakiin hadalkaaga dartii shabagyada waan dejinayaa. ⁶Goortay waxaas yeeleen waxay ku qabteen kalluun tiro badan. shabagyadooduna way kala dillaaci gaadheen. ⁷Markaasay u gacan haadiyeen wehelladoodii doonnida kale ku jiray inay yimaadaan oo caawiyaan. Wayna yimaadeen, oo waxay buuxiyeen labadii doonniyood. sidaa darteed ayay u dhowaadeen inay degaan. ⁸Laakiin Simoon Butros goortuu waxaas arkay. ayuu Ciise jilbihiisa isku tuuray, oo wuxuu ku yidhi, Sayidow, waxaan ahay nin dembi leh, ee Iga tag. ⁹Maxaa yeelay. isaga iyo kuwii la jirayba, waxay la yaabeen kalluunkii badnaa oo ay qabteen. ¹⁰Sidoo kalena waxaa la yaabay Yacquub iyo Yooxanaa oo wiilashii Sebedi ahaa, kuwii wehello Simoon la ahaa. Ciisena wuxuu Simoon ku yidhi, Ha baqin, hadda iyo hadhowba dad baad jillaabi doontaa. ¹¹Markay doonniyahoodii dhulkii geeyeen, ayay wax walba ka tageen, markaasay raaceen isaga.

Baraslihii la bogsiiyey (Mt. 8:1-4; Mk. 1:40-45)

¹²Goortuu magaalooyinka middood ku jiray, waxaa la arkay nin baras miidhan ah. Isaguna markuu Ciise arkay, wejigiisuu dhulka dhigay oo ka baryay isagoo leh, Sayidow, haddaad doonaysid waad i daahirin kartaa. ¹³Oo intuu gacantiisa soo taagay, ayuu taabtay, oo ku yidhi, Waan doonayaa ee daahirsanow. Oo kolkiiba baraskii waa ka baxay. ¹⁴Markaasuu ku amray, Ninna ha u sheegin, laakiin jidkaaga mar oo wadaadka istus. Waxaad daahirsanaantaada u bixisaa wixii Muuse amray, marag iyaga ha u ahaatee. ¹⁵Laakiin weliba warkii isaga ku saabsanaa ayaa sii fiday; o dad aad u badan ayaa u yimid inay maqlaan, iyo in bukaankooda laga bogsiiyo. ¹⁶Markaasuu, intuu ku noqday meelo cidla ah, ku tukaday.

Curyaankii la bogsiiyey (Mt. 9:1-8.Mk. 2:1-12)

¹⁷Maalmahaas middood waxaa dhacay inuu wax barayay, oo halkaasna waxaa ag fadhiyey qaar Farrisiinta iyo macallimmadii sharciga ah oo ka yimid magaalo walba oo Galili iyo Yahuudiya iyo Yeruusaalem; xoogga Rabbiguna waa la jiray isaga si uu u bogsiiyo kuwa buka. ¹⁸Markaasaa niman waxay sariir ku soo qaadeen nin curyaan ah, waxayna doonayeen inay gudaha geliyaan oo hortiisa dhigaan. ¹⁹Markay heli waayeen meel ay ka geliyaan dadkii badnaa aawadiis, ayay guriga dushiisa fuuleen, oo saqafka ayay ka dusiyeen isaga iyo sariirtiisii, oo ay dhex dhigeen Ciise hortiisa. ²⁰Goortuu rumaysadkoodii arkay ayuu ku yidhi, Nin yahow, dembiyadaadu waa kaa cafiyan yihiin. ²¹Markaasaa culimadii iyo Farrisiintii waxay bilaabeen inay fikiraan iyagoo leh, Ayuu yahay kan caytamayaa? Ayaa dembiyo cafiyi kara Ilaah keliya maahee? ²²Laakiin Ciise goortuu fikirradoodii gartay ayuu u jawaabay oo ku yidhi, Maxaad qalbiyadiinna uga fikiraysaan? ²³Iyamaa hawl yar, in la yidhaahdo, Dembiyadaadu waa kaa cafiyan yihiin, ama in la yidhaahdo, Kac oo soco? ²⁴Laakiin si aad ku garataan in Wiilka Aadanahu dhulka ku leeyahay amar uu dembiyada ku cafiyo (ayuu ninkii curyaanka ahaa ku yidhi), Waxaan kugu leeyahay, Kac oo sariirtaada qaado oo gurigaaga tag. ²⁵Kolkiiba hortood ayuu kacay, oo qaatay wixii uu ku jiifay, oo gurigiisa tegey, isagoo Ilaah ammaanaya. ²⁶Markaasay wada yaabeen oo Ilaah ammaaneen, aad bayna u baqeen, oo waxay yidhaahdeen, Maanta waxaannu aragnay waxyaalo yaab leh.

U-yeedhidda Laawi (Mt. 9:9-13.Mk. 2:13-17)

²⁷Waxyaalahaas dabadood ayuu baxay, oo wuxuu arkay cashuurqaade Laawi la odhan jiray oo fadhiya meeshii cashuurta lagu qaado, oo wuxuu ku yidhi, I soo raac. ²⁸Markaasuu wax walba ka tegey, wuuna kacay oo raacay. ²⁹Laawi wuxuu gurigiisa ugu sameeyey diyaafad weyn. Waxaana joogay qaar badan oo cashuurqaadayaal ah iyo qaar kale oo cunto ula fadhiya iyaga. ³⁰Markaasaa Farrisiintii iyo culimadoodii. intay xertiisii ka gunuunaceen, waxay ku yidhaahdeen, Maxaad cashuurqaadayaasha iyo dembiilayaasha wax ula cuntaan oo ula cabtaan? ³¹Ciise ayaa u jawaabay oo ku yidhi, Kuwa ladan dhakhtar uma baahna. Laakiin kuwa buka ayaa u baahan. ³²Anigu uma aan imanin inaan kuwa xaqa ah u yeedho, laakiin inaan dembiilayaashase toobadda ugu yeedho ayaan u imid.

Wax soonka ku saabsan (Mt. 9:14-17; Mk. 2:18-22)

³³Waxay ku yidhaahdeen, Xerta Yooxanaa marar badan bay soomaan oo tukadaan. kuwa Farrisiintuna sidaas oo kale ayay yeelaan, laakiin kuwaagu wax bay cunaan oo cabbaan. ³⁴Ciise wuxuu ku yidhi, Ma ku dirqi karaysaan saaxiibbadii arooska inay soomaan kolkuu aroosku la joogo? ³⁵Laakiin maalmaha ayaa iman doona; oo kolkii arooska laga qaadi doono, kolkaasay maalmahaas soomi doonaan. ³⁶Weliba wuxuu kula hadlay masaal isagoo leh, Ninna karriin kama jeexo dhar cusub inuu dhar duug ah ku tolo. haddii kale tan cusub ayuu jeexayaa, oo karriintii laga soo gooyay dharkii cusbaa la heshiin mayso kan duugga ah. ³⁷Ninna khamri cusub kuma shubo qarbeddo duug ah haddii kale khamrigii cusbaa ayaa qarbeddada kala dildillaacinaya, oo waa daadanayaa: qarbeddaduna waa hallaabayaan. ³⁸Laakiin khamri cusub waa in lagu shubaa qarbeddo cuscusub. ³⁹Ma jiro nin. hadduu khamri duug ah cabbay. doonaya kan cusub. waayo, wuxuu leeyahay, Kan duugga ah ayaa wanaagsan.

Cutubka 6

Wax sabti dhawridda ku saabsan (Mt. 12:1-14; Mk. 2:23-: 6)

¹Maalin sabti ah waxaa dhacay inuu beeraha dhex marayay. xertiisuna waxay jarteen sabuulladii, oo intay gacmahooda ku xoqeen ayay cuneen. ²Laakiin Farrisiintii qaarkood waxay ku yidhaahdeen, Maxaad u samaynaysaan wixii aan xalaal ahayn in sabtida la sameeyo? ³Ciise ayaa u jawaabay oo ku yidhi Miyaydnaan akhriyin wixii Daa uud sameeyey goortuu gaajooday, isaga iyo kuwii la jiray. ⁴siduu gurigii Ilaah u galay oo uu u qaaday ^[1]kibistii tusniinta oo u cunay oo u siiyey kuwii la jiray, tan aan xalaal u ahayn in la cuno wadaaddada maahee? ⁵Markaasuu iyagii ku yidhi, Wiilka Aadanahu waa sayidka sabtida. ⁶Waxaa sabti kale dhacay inuu sunagogga galay oo wax ku baray; halkaasna waxaa joogay nin gacantiisa midigeed engegnayd. ⁷Culimadii iyo Farrisiintii ayaa fiirinayay inuu sabtida wax bogsiinayo iyo in kale, si ay ugu helaan wax ay ku ashtakeeyaan. ⁸Isaguse wuxuu gartay fikirradoodii; goortaasuu ninkii gacanta engegnaa ku yidhi, Kac oo dhexda isa soo taag. Wuuna kacay oo istaagay. ⁹Ciise wuxuu ku yidhi, Wax baan idin weydiinayaa, Sabtida ma xalaal baa in wanaag la falo ama shar, in naf la badbaadiyo ama in la dilo? ¹⁰Markaasuu isha wada mariyey, wuxuuna ninkii ku yidhi, Gacantaada soo taag. Markaasuu yeelay sidaas, gacantiisuna waa bogsatay. ¹¹Markaasay aad u cadhoodeen, oo waxay ka wada hadleen waxay Ciise ku samayn lahaayeen.

Ciise wuxuu doortay laba iyo tobankii rasuul (Mt 10:1-4; Mk. 3:13-19)

¹²Maalmahaas waxaa dhacay inuu buurta u baxay inuu tukado. Habeenkii oo dhan wuxuu waday inuu Ilaah u tukado. ¹³Oo goortay maalin noqotay ayuu xertiisii u yeedhay. Markaasuu laba iyo toban ka soo saaray, wuxuuna u bixiyey rasuullo; ¹⁴00 waxay ahayeen Simoon, kan uu Butros u bixiyey, iyo walaalkiis Andaros, iyo Yacquub iyo Yooxanaa, iyo Filibos iyo Bartolomayos, iyo ¹⁵Matayos iyo Toomas, iyo Yacquub ina Alfayos, iyo Simoon oo la odhan jiray Qiirooleh, ¹⁶iyo Yuudas ina Yacquub, iyo Yuudas Iskariyot, kii gacan geliyey. ¹⁷Markaasuu hoos ula degay, oo bannaan ayuu istaagay, isaga iyo qaar badan oo xertiisa ah, iyo dad badan oo Yahuudiya iyo Yeruusaalem iyo xeebaha Turos iyo Siidoon uga yimaadeen inay maqlaan iyo in cudurradooda laga bogsiiyo. ¹⁸Oo kuwo jinniyo wasakh leh derdereenna waa la bogsiiyey. ¹⁹Dadkii badnaa oo dhan waxay doonayeen inay taabtaan isaga, waayo, xoog baa ka soo baxay oo wada bogsiiyey.

Kuwa barakadaysan iyo kuwa hoogga leh (Mt S: 1-12)

²⁰Markaasuu kor u fiiriyey oo xertiisii eegay oo ku yidhi, Waxaa barakadaysan kuwiinna masaakiinta ah, waayo, boqortooyadii Ilaah idinkaa leh. ²¹Waxaana barakadaysan kuwiinna haddeer gaajaysan, waayo, waad dhergi doontaan. Waxaana barakadaysan kuwiinna haddeer ooyaya, waayo, waad qosli doontaan. ²²Waad barakadaysan tihiin goortii dadku idin necbaado, oo goortay dhexdooda idinka saaraan, oo idin caayaan, oo magacyadiinna sida wax shar leh u tuuraan Wiilkii Aadanaha aawadiis. ²³Maalintaas rayrreeya oo farxad ku boodbooda, waayo, bal ogaada, abaalgudkiinnu waa ku weyn yahay jannada, waayo, awowayaashood sidaasay nebiyadii ku samayn jireen. ²⁴Hoog waxaa leh kuwiinna hodanka ah, waayo, gargaarkiinna waad hesheen. ²⁵Hoogna waxaa leh kuwiinna haddeer dheregsan, waayo, waad gaajoon doontaan; hoogna waxaa leh kuwiinna haddeer qoslaya, waayo, waad barooran doontaan oo ooyi doontaan. ²⁶Waa idiin hoog markii dadka oo dhammu wanaag idinka sheego, waayo, awowayaashood sidaasay nebiyadii beenta ahaa ku samayn jireen.

Cadowyadiinna jeclaada (Mt. 5:38-18)

²⁷Laakiin waxaan idinku leeyahay kuwiinna maqlaya, Cadowyadiinna jeclaada, kuwa idin necebna wax wanaagsan u sameeya. ²⁸Kuwa idin habaara u duceeya, kuwa idin caayana Ilaah u barya. ²⁹Kii dhabanka kaa dhirbaaxa, kan kalena u du; oo kii maradaada kaa qaata, khamiiskaagana ha ka celin. ³⁰Mid walba oo wax kaa barya, sii; kii waxaaga qaatana, ha ka baryin. ³¹Oo sidaad doonaysaan in dadku idiin sameeyo, idinkuna sidaas oo kale u sameeya iyaga. ³²Haddaad jeceshihiin kuwa idin jecel, mahadmaad heshaan? Waayo, xataa dembiilayaashuba way jecel yihiin kuwa jecel iyaga. ³³Haddaad wanaag u fashaan kuwa wanaag idiin fala, mahadmaad heshaan? Waayo, xataa dembiilayaashuba sidaasay yeelaan. ³⁴Haddaad wax amaahisaan kuwa aad ka rajaynaysaan inaad ka heshaan, mahadmaad heshaan? Waayo, xataa dembiilayaashuba way amaahiyaan dembiilayaasha inay ka helaan intii oo kale. ³⁵Laakiin cadowyadiinna jeclaada, oo wanaag u sameeya, oo amaahiya, idinkoo aan waxba ka rajaynaynin, abaalgudkiinnuna waa badan doonaa, oo waxaadna noqon doontaan wiilashii Kan ugu sarreeya, waayo, isagu waa u roon yahay kuwa aan mahad naqin iyo kuwa sharka leh. ³⁶Naxariis lahaada sida Aabbihiin naxariis u leeyahay.

Dad kale ha xukumina (Mt 7:1-5)

³⁷Cidna ha xukumina, idinkana laydinma xukumi doono. Ninnana wax ha ku garaynina, idinkana wax laydinkuma garayn doono e; dhaafa oo waa laydin dhaafi doonaa. ³⁸Siiya oo waa laydin siin doonaa; qiyaas wanaagsan oo hoos u riixriixan oo ruxan oo buux dhaafaya ayaa laydinku siin doonaa faraqiinna, waayo, qiyaastii aad ku qiyaastaan ayaa laydiinku qiyaasi doonaa. ³⁹Markaasuu masaal kula hadlay. Indhoole indhoole ma hagi karaa? Labadoodu miyaanay god ku dhici doonin? ⁴⁰Qof xer ah macallinkiisa kama sarreeyo, laakiin mid walba markuu wanaag u dhan yahay wuxuu noqon doonaa sida macallinkiisa oo kale. ⁴¹Saxarka isha walaalkaa ku jira maxaad u aragtaa, dogobka ishaada ku jirase aad u fiirsan weydaa? ⁴²Sidee baad walaalkaa ugu odhan kartaa, Walaalow i daa, saxarka ishaada ku jira aan kaa saaree, adiga oo aan arkaynin dogobka ishaada ku jira? Labawejile yahow, horta dogobka ishaada ku jira iska saar, goortaasaad bayaan u arkaysaa inaad saxarka isha walaalkaa ku jira ka saarto. ⁴³Waayo, ma jiro geed wanaagsan oo midho xun dhalaa, welibana ma jiro geed xun oo midho wanaagsan dhalaa. ⁴⁴Maxaa yeelay, geed kasta waxaa laga garanayaa midhihiisa. Waayo, berde lagama guro qudhac, canabkana lagama guro geed qodxan leh. ⁴⁵Ninka wanaagsan wuxuu maalka wanaagsan oo qalbiga ku jira ka soo saaraa wax wanaagsan; kan sharka lehna wuxuu sharka ka soo saaraa wax shar ah; waayo. afkiisu wuxuu ku hadlaa waxa qalbiga ku badan.

Labada aasaas (Mt. 7:24-27)

⁴⁶Maxaad iigu yeedhaan, Rabbow, Rabbow, oo aad u yeeli weydaan wixii aan leeyahay? ⁴⁷Kii kasta oo ii yimaada, oo hadalladayda maqla, oo yeela, waxaan idin tusayaa kuu u eg yahay. ⁴⁸Isagu wuxuu u eg yahay nin guri dhisay, oo qoday oo hoos u dheereeyey; aasaaskiina ayuu dhagax weyn ka dul dhisay. Goortii daadku yimid ayaa webigu ku soo jabay gurigaas, xoog uu ku gilgilose ma lahayn, waayo, si wanaagsan ayaa loo dhisay. ⁴⁹Laakiin kii maqla oo aan yeelin, wuxuu u eg yahay nin dhulka ka dhisay guri aan aasaas lahayn. Kan webigu ku soo jabay, oo kolkiiba ayuu dumay, oo dumiddii gurigaasu waa weynayd.

Cutubka 7

Addoonkii boqol-u-taliyaha waa la bogsiiyey (Mt 8:5-13)

¹Goortuu hadalladiisa ku dhammeeyey dadka dhegaysadkooda ayuu Kaferna'um galay. ²Boqol-u-taliye addoonkiisii uu jeclaa ayaa bukay oo dhimashuu u dhowaa. ³Goortuu maqlay wax Ciise ku saabsan, ayuu waayeelladii Yuhuudda u diray isaga, oo ka baryay inuu yimaado oo addoonkiisa bogsiiyo. ⁴Goortay Ciise u yimaadeen, aad bay u baryeen oo ku yidhaahdeen, Isagu waa istaahilaa inaad waxaas u yeeshid, ⁵waayo, quruunteenna ayuu jecel yahay, oo sunagog ayuu noo dhisay. ⁶Markaasaa Ciise raacay, oo isagoo aan guriga ka fogayn, ayaa boqol-u-taliyihii saaxiibbo u soo diray oo ku yidhi, Sayidow, ha isdhibin, waayo, anigu ma istaahilo inaad saqafka gurigayga hoostiisa soo gashid. ⁷Saas aawadeed uma aan malaynaynin inaan istaahilo inaan kuu imaado; laakiin hadal dheh, midiidinkayguna waa bogsan doonaa. ⁸Waayo, anigu waxaan ahay nin laga sarreeyo, oo askar baa iga hoosaysa. Kan waxaan ku idhaahdaa, Tag, wuuna tagaa; mid kalena, Kaalay, wuuna yimaadaa; midiidinkaygana, Waxan samee, wuuna sameeyaa. ⁹Goortuu Ciise taas maqlay, wuu ka yaabay, oo intuu dadkii la socday ku jeestay ayuu ku yidhi, Waxaan idinku leeyahay, Rumaysad sidaas u weyn oo kale reer bini Israa'iil kama dhex helin. ¹⁰Kuwii la soo dirayna kolkay gurigii ku noqdeen, waxay heleen addoonkii oo ladan.

Carmalkii Na'in joogtay wiilkeedii waa la soo nooleeyey

¹¹Markii dambe waxaa noqotay inuu galay magaalada Na'in la odhan jiray; waxaana raacay xertiisii, iyo dad badanba. ¹²Oo goortuu iriddii magaalada ku soo dhowaaday, waxaa dibadda loo waday nin meyd ah oo madi u ahaa hooyadiis; iyaduna waxay ahayd carmal. Oo waxaa iyada la jiray dad badan oo magaalada. ¹³Rabbigu goortuu arkay iyada, ayuu u naxariistay oo ku yidhi, Ha ooyin. ¹⁴Oo intuu ku soo dhowaaday, ayuu taabtay rabrabtii. Kuwii sidayna way joogsadeen. Markaasuu yidhi, Dhallinyarow, waxaan kugu leeyahay, Kac. ¹⁵Kolkaasaa kii dhintay sara fadhiistay oo bilaabay inuu hadlo, oo markaasaa Ciise isagii u dhiibay hooyadiis. ¹⁶Kulligood baqdin baa ku wada dhacday, oo Ilaah bay ammaaneen iyagoo leh, Nebi weyn ayaa dhexdeenna ka kacay. Ilaahna waa soo booqday dadkiisa. ¹⁷Warkaas isaga ku saabsan ayaa gaadhay Yahuudiya oo dhan iyo dhulka ku wareegsan oo dhan.

Yooxanaa Baabtiisaha (Mt. 11:2-19)

¹⁸Yooxanaa xertiisa ayaa waxaas oo dhan uga warrantay. ¹⁹Markaasaa Yooxanaa wuxuu u yeedhay laba xertiisii ah oo Ciise u soo diray, oo ku yidhi, Miyaad tahay kan imanaya mise mid kalaannu dhawrnaa? ²⁰Nimankii goortay u yimaadeen, waxay ku yidhaahdeen. Yooxanaa Baabtiisaha ayaa noo soo kaa diray isagoo leh. Miyaad tahay kan imanaya mise mid kalaannu dhawrnaa? ²¹Saacaddaas qudheeda ayuu dad badan ka bogsiiyey bukaankooda iyo cudurradooda iyo jinniyadooda sharka leh. Indhoolayaal badanna wuxuu ugu roonaaday inay wax arkaan. ²²Markaasaa Ciise u jawaabay oo ku yidhi, Taga oo Yooxanaa uga warrama waxaad aragteen iyo waxaad maqasheen. Kuwii indhaha la'aa wax bay arkaan, kuwii lugaha la'aana way socdaan. kuwii baraska qabayna waa la nadiifiyey, kuwii dhegaha la aana wax bay maqlaan, kuwii dhintayna waa la kiciyey, masaakiintana injiilka waa lagu wacdiyaa. ²³oo waxaana barakadaysan kan aan iga xumaanin. ²⁴Kuwii Yooxanaa diray goortay tageen, wuxuu bilaabay inuu dadkii badnaa wax uga sheego Yooxanaa. Maxaad cidlada ugu baxdeen? Ma waxay ahayd inaad soo aragtaan cawsduur dabaylu ruxayso? ²⁵Laakiin maxaad u baxdeen'' Ma waxay ahayd inaad soo aragtaan nin dhar jilicsan qaba? Kuwa dharka wanaagsan qaba oo hodan ku nool waxay joogaan guryaha boqorrada. ²⁶Laakiin maxaad u baxdeen? Ma waxay ahayd inaad nebi soo aragtaan? Haah, waxaan idinku leeyahay, Mid nebi ka sarreeya. ²⁷Kanu waa kii laga qoray, Eeg, waxaan hortaada soo dirayaa wargeeyahayga, Kan jidkaaga ku sii diyaargarayn doona hortaada. ²⁸Waxaan idinku leeyahay, Intii dumar ka dhalatay, mid Yooxanaa ka weyn ma jiro, laakiin kan boqortooyada Ilaah ugu yar ayaa ka weyn. ²⁹Dadkii maqlay oo dhan iyo cashuurqaadayaashiiba waxay caddeeyeen inuu Ilaah yahay xaq, iyagoo ah kuwii lagu baabtiisay baabtiiskii Yooxanaa. ³⁰Laakiin Farrisiintii iyo kuwii sharciga yiqiin ayaa waanadii Ilaah naftooda darteed u diiday iyagoo aan Yooxanaa baabtiisin. ³¹Haddaba maxaan nimanka qarnigan u ekaysiiyaa? Maxay u eg yihiin? ³²Waxay u eg yihiin carruur suuqa fadhida oo isu yeedhyeedhaysa iyagoo leh, Biibiile baannu idiin yeedhinnay, oo waad cayaari weydeen, waannu barooramlay oo waad ooyi weydeen. ³³Waayo. Yooxanaa Baabtiisaha waa yimid isagoo aan kibis cunaynin oo aan khamri cabbaynin; waxaadna tidhaahdaan, Jinni buu qabaa. ³⁴Wiilka Aadanahu waa yimid isagoo wax cunaya oo cabbaya. waxaadna tidhaahdaan. Eeg. waa nin cir weyn oo khamriyacab ah oo saaxiib la ah cashuurqaadayaal iyo dembiilayaal. ³⁵Xigmaddu inay xaq tahay waa laga caddeeyey xaggii carruurteeda oo dhan. Cagasubkintii Ciise; iyo masaalka ku saabsan labadii nin oo daynka qabtay ³⁶Farrisiinta midkood ayaa weydiistay inuu wax la cuno. wuuna galay gurigii Farrisiga oo cunto u fadhiistay. ³⁷Bal eeg. naag magaalada joogtay oo dembi lahayd goortay ogaatay inuu gurigii Farrisiga cunto u fadhiyo. waxay soo qaadatay weel^[2]alabastar ah oo cadar ku jiro. ³⁸Way isdaba taagtay cagihiisa agtooda iyadoo ooyaysa, waxayna bilaabtay inay iimada cagihiisa ku qoyso, oo ay timaha madaxeeda ku tirtirto, oo cagihiisay dhunkatay, oo cadarkii marisay. ³⁹Farrisigii u yeedhay isaga. goortuu arkay, ayuu isla hadlay isagoo leh, Ninkan hadduu nebi yahay, wuu ogaan lahaa naagtan taataabatay cid ay tahay iyo waxay tahay inay tahay dembiiley. ⁴⁰Ciise baa u jawaabay oo ku yidhi. Simoonow, hal baan ku leeyahay. Wuxuu yidhi, Dheh, macallimow. ⁴¹Waxaa jiray amaahiye laba nin amaah ku lahaa, mid wuxuu ku lahaa shan boqol oo dinaar, midka kalena konton. ⁴²Goortii ay waayeen waxay bixiyaan, ayuu labadoodiiba u dhaafay. Haddaba iyamaa ahaan doona kan jacayl badan? ⁴³Simoon baa u jawaabay oo ku yidhi, Waxaan u malaynayaa, kan uu wax badan u dhaafay. Wuxuu ku yidhi, Si hagaagsan baad u qiyaastay. ⁴⁴Kolkaasuu naagtii u jeestay. oo wuxuu Simoon ku yidhi, Naagtan ma araytaa? Anigu gurigaagaan galay: biyo cagahayga iima aad siin, laakiin iyadu cagahayga ayay ilmadeeda ku qoysay oo ay timaheeda ku tirtirtay. ⁴⁵Dhunkasho ima aad dhunkan, iyaduse tan iyo wakhtigaan soo galay kama dayn inay cagahayga dhunkato. ⁴⁶Madaxaygana saliid ma aad marin, iyaduse cagahayga ayay cadar marisay. ⁴⁷Sidaa darteed waxaan kugu leeyahay, Dembiyadeedii badnaa waa cafiyan yihiin, waayo, aad bay u jeclayd. Kii wax yar loo dhaafay, ayaa wax yar jecel. ⁴⁸Wuxuu iyada ku yidhi, Dembiyadaadii waa cafiyan yihiin. ⁴⁹Kuwii cunto ula fadhiyey waxay bilaabeen inay isku yidhaahdaan, Yuu yahay kan dembiyo cafiya haddana? ⁵⁰Wuxuu naagtii ku yidhi, Rumaysadkaaga ayaa ku badbaadiyey ee nabad ku tag.

Cutubka 8

Dumarkii Ciise u adeegay

¹Markii dambe waxaa dhacay inuu magaalooyinka iyo tuulooyinka dhex marayay isagoo dadka ku wacdiyaya oo u sheegaya injiilka boqortooyadii Ilaah; waxaana la jiray laba-iyotobankii, ²iyo naago laga bogsiiyey jinniyo shar leh iyo cudurro. Waxay ahaayeen Maryantii la odhan jiray tii reer Magdala, ee toddoba jinni ka baxeen, ³iyo Yo'anna afadii Khusas ee wakiilkii Herodos ahaa, iyo Susanna, iyo qaar badan oo kale oo waxooda ugu adeegi jiray.

Masaalka ku saabsan beerrayga (Mt. 13:1-9; Mk. 4:1-9)

⁴Goortii dad badan isu soo urureen, iyo kuwa magaalo walba uga yimid, wuxuu ku hadlay masaal. ⁵Beerray baa baxay inuu abuurkiisa beero. oo intuu beerayay, qaar baa jidka geestiisa ku dhacay, oo waa lagu tuntay, oo shimbirihii cirka ayaa cunay. ⁶Qaar kalena waxay ku dhaceen dhagax; kol alla kolkii ay soo baxeen way engegeen, waayo, qoyaan ma lahayn. ⁷Qaar kalena waxay ku dhex dhaceen qodxan, qodxantiina waa la soo baxday oo ceejisay. ⁸Qaar kalena dhul wanaagsan bay ku dhaceen oo soo baxeen, waxayna midho dhaleen boqol jibbaar. Goortuu waxan yidhi. ayuu qayliyey oo yidhi, Kan dhego wax lagu maqlo lahu ha maqlo.

Micnayntii masaalka (Mt 13:10-23; Mk. 4:10-20)

⁹Markaasaa xertiisii weydiisay oo ku tidhi, Muxuu yahay masaalkan? ¹⁰Wuxuu ku yidhi, Idinka waa laydin siiyaa inaad waxa qarsoon ee boqortooyadii Ilaah garataan, kuwa kalese masaallo ayaa loogu sheegaa, si ay goortay arkayaan ayan u arkin, oo si ay goortay maqlayaan ayan u garan. ¹¹Masaalku waa kan: Abuurku waa hadalkii Ilaah. ¹²Kuwii jidka yiil waa kuwa maqla, markaasaa Ibliisku yimaadaa, oo hadalka ayuu qalbigooda ka qaadaa, si aanay u rumaysan oo aanay u badbaadin. ¹³Kuwii dhagaxa yiilna waa kuwa goortay maqlaan. hadalka farxad ku qaata, kuwanna xidid ma leh; laakiin wakhti yar ayay rumaystaan, wakhtiga duufsashadana way iska noqdaan. ¹⁴Kuwii qodxanta ku dhex dhacayna waa kuwan maqla oo intay socdaan waxaa ceejiya welwelidda iyo hodantinimada iyo farxadda ifkan, midho bisilna ma dhalaan. ¹⁵Kuwa dhulka wanaagsanna waxay yihiin kuwa, intay maqlaan, qalbi wanaagsan oo fiican hadalka ku haysta. oo dulqaadasho ayay midho ku dhalaan.

Waxa ilayska laga barto (Mk. 4:21-25)

¹⁶Ma jiro nin, goortuu ilays shido, weel ku daboola, ama sariir hoos geliya, laakiin wuxuu saaraa meeshii ilayska si ay kuwa soo galaa iftiinka u arkaan. ¹⁷Waayo, wax qarsoon ma jiro oo aan soo muuqan doonin, wax daboolanna ma jiro oo aan la garan doonin oo aan bannaan soo bixi doonin. ¹⁸Sidaa darteed u fiirsada sidaad u maqlaysaan, waayo, ku alla kii wax haysta waa la siin doonaa, ku alla kii aan waxba haysanse waa laga qaadi doonaa wixii loo maleeyo inuu haysto.

Walaalnimada runta ah (Mt. 12:46-50; Mk. 3:31-35)

¹⁹Markaasaa waxaa isaga u yimid hooyadiis iyo walaalihiis, wayna soo gaadhi kari waayeen dadkii badnaa aawadood. ²⁰Oo waxaa lagu yidhi, Hooyadaa iyo walaalahaa ayaa dibadda taagan oo doonaya inay ku arkaan. ²¹Laakiin wuxuu ugu jawaabay, Hooyaday iyo walaalahay waa kuwan hadalka Ilaah maqla oo yeela.

Ciisaa duufaankii dejiyey (Mt. 8:23-27; Mk. 4:35-41)

²²Maalmahaas middood waxaa dhacay inuu doonni fuulay isaga iyo xertiisiiba, wuxuuna iyaga ku yidhi, Dhanka kale oo badda aan u gudubno, goortaasay dhaqaaqeen. ²³Laakiin intay socdeen ayuu seexday, oo waxaa baddii ku soo dhacay duufaan weyn oo dabayl ah; doonnidiina ayaa buuxsamaysay, oo halis bay ku jireen. ²⁴Markaasay isaga u yimaadeen oo intay toosiyeen ayay ku yidhaahdeen, Macallimow, macallimow, waa lumaynaaye. Kolkaasuu kacay oo canaantay dabayshii iyo hirarkii biyaha. Goortaasay degeen oo xawaal baa dhacday. ²⁵Markaasuu wuxuu iyaga ku yidhi, Rumaysadkiinnii meeh? Iyagoo baqaya oo yaabban waxay isku yidhaahdeen, Haddaba yuu yahay kan amra xataa dabaysha iyo biyaha oo ay yeelaan?

Jinnoolihii reer Gadareni oo la bogsiiyey (Mt 8:28-34; Mk. 5:1-20)

²⁶Waxay gaadheen dalka Gadareni ee ka soo hor jeeday Galili. ²⁷Goortuu dhulka u degay waxaa la kulmay nin magaalada ka yimid oo jinniyo qaba. Wakhti dheer dhar ma sidan jirin, gurina ma joogi jirin, laakih1 xabaalaha ayuu dhex joogi jiray. ²⁸Goortuu arkay Ciise. ayuu qayliyey, hortiisana ayuu isku tuuray oo cod weyn ayuu ku yidhi, Maxaa inoo dhexeeya, Ciisow, adigoo ah Wiilka llaaha sarow? Waxaan kaa baryayaa, Ha i silcin. ²⁹Waayo, wuxuu jinnigii wasakhda lahaa ku amray inuu ninka ka baxo. maxaa yeelay. marar badan ayuu qaban jiray, oo waxaa lagu xidhi jiray silsilado iyo bircago. oo waa la ilaalin jiray; silsiladihiina wuu iska gooyn jiray oo jinniguna cidlada ayuu u kaxayn jiray. ³⁰Markaasaa Ciise weydiiyey oo ku yidhi, Magacaa? Oo wuxuu ku yidhi, Lijoon; waayo, jinniyo badan ayaa galay. ³¹Markaasay ka baryeen inaanu amrin inay yaamayska tagaan. ³²Halkaa waxaa joogay daaqsin doofaarro badan ah oo buurta daaqaysa. Waxayna ka baryeen inuu u fasaxo inay kuwaas galaan. Kolkaasuu u fasaxay. ³³Markaasay jinniyadii ninkii ka baxeen oo doofaarradii galeen Daqsintiina jarka hoos bay uga yaacday ilaa badda. wayna ku bakhtiyeen. ³⁴Kuwii daajin jiray markay arkeen waxa dhacay, ayay carareen oo dadkii magaalada iyo beerahaba ayay u warrameen. ³⁵Kolkaasaa dadkii u soo baxay inay arkaan wixii dhacay. Markaasay u yimaadeen Ciise, oo waxay arkeen ninkii jinniyadu ka baxeen, isagoo ag fadhiya Ciise cagihiisa oo dhar sita oo miyir qaba; wayna baqeen. ³⁶Kolkaasaa kuwii arkay waxay iyaga u sheegeen sida jinnoolihii loo bogsiiyey. ³⁷Dadkii oo dhan oo dalka Gadareni ku wareegsanaa ayaa baryay inuu ka noqdo iyaga, waayo, baqdin weyn ayay baqeen Markaasuu doonni fuulay, waana noqday. ³⁸Laakiin ninkii jinniyadii ka baxeen ayaa ka baryay isaga inuu raaco, laakiin wuu diray isagoo ku leh, ³⁹Gurigaaga ku noqo oo dadka ogeysii waxa weyn oo Ilaah kuu sameeyey. Markaasuu tegey oo wuxuu magaalada oo dhan ku naadiyey waxa weyn oo Ciise u sameeyey.

Yayros gabadhiis; il o naagtii dhiigbixidda qabta (Mt. 9:18-26; Mk. 5:21-43)

⁴⁰Markii Ciise noqday ayaa dadkii badnaa farxad ku qaatay, waayo, way wada sugayeen. ⁴¹Oo bal eeg. waxaa yimid nin Yayros la odhan jiray, oo laliyaha sunagogga ahaan jiray. Wuxuuna isku riday Ciise cagihiisa oo ka baryay inuu gurigiisa galo. ⁴²Waayo, gabadh keliya buu lahaa, iyadoo abbaaraha laba iyo toban samladood jirtay, wayna sakaraadaysay. Laakiin intuu socday dadkii badnaa ayaa cidhiidhiyey. ⁴³Naag laba iyo toban sannadood dhiigbixid qabtay, oo wixii ay ku noolaan lahayd oo dhan dhakhtarro ku bixisay, oo ku bogsan kari weyday, midna xaggiisa, ⁴⁴ayaa dhabarkiisa timid oo taabatay maradiisa darafteeda. Kolkiiba bixiddii dhiiggeeda ayaa joogsatay. ⁴⁵Markaasaa Ciise yidhi, Yuu yahay kan i taabtay? Markay wada dafireen, Butros iyo kuwa la jiray waxay ku yidhaahdeen. Macallimow, dadkii badnaa ayaa ku jiidhaya oo ku cidhiidhinaya. ⁴⁶Laakiin Ciise wuxuu yidhi, Qof baa i taabtay, waayo, waxaan gartay in xoog iga baxay. ⁴⁷Naagtii goortay aragtay inaanay qarsoonaan karin ayay timid iyadoo gariiraysa, oo hortiisay isku ridday, oo u caddaysay dadkii oo dhan hortooda waxay u taabatay iyo siday markiiba u bogsatay. ⁴⁸Kolkaasuu wuxuu iyada ku yidhi, Gabadhoy. rumaysadkaaga ayaa ku bogsiiyey ee nabad ku tag. ⁴⁹Intuu weli hadlayay. waxaa gurigii taliyaha sunagogga ka yimid nin ku leh, Gabadhaadii waa dhimatay, ee Macallinka ha dhibin. ⁵⁰Laakiin Ciise goortuu maqlay, wuxuu ugu jawaabay, Ha baqin ee iska rumayso, wayna bogsan doontaa. ⁵¹Markuu guriga yimid, ninna uma oggolaanin inuu la galo, Butros, iyo Yooxanaa, iyo Yacquub, iyo gabadha aabbeheed. iyo hooyadeed maahee. ⁵²Kulligood waxay u ooyayeen oo u barooranayeen iyada. Laakiin wuxuu ku yidhi, Ha ooyina, iyadu ma dhiman. waase huruddaa. ⁵³Wayna ku qosleen, iyagoo og inay dhimatay. ⁵⁴Markaasuu dadkii oo dhan dibadda u saaray. oo uu gacanteeda qabtay oo qayliyey isagoo leh, Yartoy, kac. ⁵⁵Ruuxeedii ayaa ku soo noqday. oo markiiba way kacday, oo wuxuu amray in cunto la siiyo iyada. ⁵⁶Waalidkeedii waa yaabeen, wuxuuse amray inaanay ninna u sheegin waxa dhacay.

Cutubka 9

Laba iyo-tobankii rasuul iyo shuqulladoodii (Mt. 10:5-15; Mk. 6:7-13)

¹Laba-iyo-tobankii ayuu isugu yeedhay, wuxuuna siiyey xoog iyo amar ay jinniyada oo dhan ku saaraan oo ay cudurro ku bogsiiyaan. ²Wuuna diray inay boqortooyadii Ilaah ku wacdiyaan dadka oo ay bogsiiyaan kuwa buka. ³Wuxuuna ku yidhi, Waxba safarka ha u qaadanina, ama ul. ama qandi. ama kibis, ama lacag. Laba khamiisna ha qaadanina. ⁴Guri alla gurigaad gashaan jooga, meeshaasna ka baxa. ⁵Kuwa alla kuwii aan idin soo dhowayn. markaad magaaladaas ka baxdaan siigada cagihiinna ka dhabaandhaba inay marag ka gees ah ku ahaato. ⁶Markaasay baxeen. oo tuulooyinka ayay dhex mareen, iyagoo injiilka ku wacdiyaya oo meel walbaba kuwa buka ku bogsiinaya.

Herodos waa welwelay (Mt. 14:1-12; Mk. 6:14-16)

⁷Markaasaa taliye Herodos maqlay waxa dhacay oo dhan, wuuna shakiyey, waayo, qaar baa yidhi. Yooxanaa ayaa kuwii dhintay ka soo sara kacay. ⁸qaarna waxay yidhaahdeen, Eliyaas ayaa soo muuqday, qaar kalena waxay yidhaahdeen. Nebi nebiyadii hore ah ayaa soo sara kacay. ⁹Markaasaa Herodos wuxuu yidhi, Yooxanaa madaxaan ka gooyay, Yuu yahay kan aan waxan ka maqlayo? Oo wuxuu doonayay inuu arko.

Waxaa cunto la siiyey shan kun oo nin (Mt. 14:13-21;Mk. 6:30-44; Yoox. 6:1-13)

¹⁰Rasuulladii markay soo noqdeen ayay isaga u sheegeen wixii ay sameeyeen. Wuuna waday oo keli ahaan u kaxeeyey magaalada Beytsayda la odhan jiray. ¹¹Laakiin dadkii badnaa, goortay ogaadeen, way soo raaceen. Markaasuuna iyaga soo dhoweeyey, oo wuxuu kala hadlay wax ku saabsan boqortooyadii. Ilaah, oo kuwii u baahnaa in la bogsiiyona wuu bogsiiyey. ¹²Goortii maalintii dhammaanaysay laba-iyo-tobankii ayaa yimid iyagoo ku leh, Dadka badan dir si ay u tagaan tuulooyinka iyo beeraha ku wareegsan, oo ay ugu hoydaan oo cunto uga helaan, waayo, meeshan cidlada ah ayaynu joognaa. ¹³Wuxuuse ku yidhi, Idinku siiya waxay cunaan. Waxay ku yidhaahdeen, Annagu wax ka badan shan kibsood iyo laba kalluun ma hayno, inaannu tagno oo dadkan oo dhan cunto u soo iibinno maahee. ¹⁴Waayo, waxay ku dhowaayeen shan kun oo nin. Wuxuu xertiisii ku yidhi, U fadhiisiiya kooxkoox konton konton ah. ¹⁵Sidaasay yeeleen oo wada fadhiisiiyeen. ¹⁶Markaasuu wuxuu qaaday shantii kibsood iyo labadii kalluun, oo intuu cirka eegay, ayuu barakadeeyey, oo kala jejebiyey, oo xertiisii siiyey, inay dadkii badnaa hortooda dhigaan. ¹⁷Markaasay cuneen oo ka wada dhergeen; waxaana la guray jajabkii ka hadhay oo laba-iyo-toban dembiilood ah

Butros wuxuu qiray inuu Ciise yahay Masiixa (Mt. 16:13-19; Mk. 8:27-29)

¹⁸Intuu keli ahaan u tukanayay, ayaa xertiisii la joogtay, markaasuu weydiiyey isagoo leh, Dadkii badnaa yay igu sheegaan? ¹⁹Way u jawaabeen oo ku yidhaahdeen, Yooxanaa Baabtiisaha; qaar kalena waxay yidhaahdeen, Eliyaas, qaarna waxay yidhaahdeen, Nebi nebiyadii hore ah oo soo sara kacay. ²⁰Markaasuu wuxuu ku yidhi, Idinkuse yaad igu sheegtaan? Butros ayaa u jawaabay oo wuxuu ku yidhi, Masiixii Ilaah.

Ciise wuxuu sii sheegay dhimashadiisa iyo sarakiciddiisa (Mt. 16:21-23; Mk. 8:30-31)

²¹Laakiin wuu waaniyey oo wuxuu ku amray inaanay ninna waxaas u sheegin, ²²isagoo leh, Waxay waajib ugu tahay Wiilka Aadanahu inuu wax badan ku xanuunsado, oo ay waayeellada iyo wadaaddada sare iyo culimadu diidaan, oo la dilo, oo maalinta saddexaad la sara kiciyo.

Waa in nafta la diido (Mt. 16:24-28; Mk. 8:34-9:1)

²³Markaasuu wuxuu kulligood ku yidhi, Mid uun hadduu doonayo inuu iga daba yimaado, ha is-inkiro, iskutallaabtiisana maalin walba ha soo qaato oo ha i soo raaco. ²⁴Waayo, kan doonaya inuu naftiisa badbaadiyo, waa lumin doonaa, laakiin kan naftiisa u lumiya aawaday, kaasaa badbaadin doona. ²⁵Waayo, nin maxay u taraysaa hadduu dunida oo dhan helo oo uu islumiyo oo khasaaro? ²⁶Maxaa yeelay, ku alla kii ka xishooda aniga iyo hadalkaygaba, Wiilka Aadanaha ayaa ka xishoon doona isaga, goortuu ku yimaado ammaantiisa iyo ammaanta Aabbihiis iyo tan malaa'igaha qoduuska ah. ²⁷Laakiin run baan idiin sheegayaa, Kuwa halkan taagan qaarkood sinaba dhimasho uma dhadhamin doonaan ilaa ay arkaan boqortooyada Ilaah.

Ciise muuqiisu waa isbeddelay (Mt. 17:1-8; Mk. 9:2-8)

²⁸Abbaaraha siddeed maalmood hadalladan dabadood waxaa dhacay inuu waday Butros, iyo Yooxanaa, iyo Yacquub, oo buurtuu fuulay inuu ku tukado, ²⁹oo intuu tukanayay, araggii wejigiisa ayaa si kale noqday, dharkiisuna caddaan ayuu la dhalaalayay. ³⁰Oo bal eeg, laba nin ayaa la hadlayay isaga, waxayna ahaayeen Muuse iyo Eliyaas, ³¹Oo ammaan ku soo muuqday, oo waxay kala hadlayeen dhimashadiisa uu Yeruusaalem dhowaan ku dhammayn lahaa. ³²Laakiin Butros iyo kuwii la jiray ayaa hurdo la cuslaaday; oo goortay tooseen ayay arkeen ammaantiisa iyo labadii nin oo la taagan. ³³Kolkay ka tegayeen waxaa dhacay in Butros ku yidhi Ciise. Macallirmow, waxaa inoo wanaagsan inaynu halkan joogno, haddaba saddex waab aannu ka dhisno. mid adaan ku dhisaynaa. midna Muuse, midna Eliyaas, waayo, ma uu garanaynin wuxuu leeyahay. ³⁴Intuu waxaas lahaa, waxaa timid daruur oo iyagay hadhaysay, wayna baqeen kolkay daruurtii galeen. ³⁵Daruurtiina waxaa ka yimid cod leh, Kanu waa Wiilkayga an jeclahay ee maqla isaga. ³⁶Goortii codkii ahaaday Ciise keliya ayaa la arkay; markaasay iska aamuseen, oo maalmahaas ninna uma ay sheegin wixii ay arkeen.

Wiilkii jinniga qabay waa la bogsiiyey (Mt. 17:14-18; Mk. 9:14-27)

³⁷Maalintii xigtay, goortay buurta ka soo degeen, waxaa dhacay in dad badni la kulmay isaga. ³⁸Oo bal eeg, nin dadkii badnaa ka mid ah ayaa qayliyey isagoo leh. Macallimow, waxaan kaa baryayaa inaad wiilkayga eegto, waayo, waa madigayga, ³⁹oo bal eeg, jinni baa qabsada, oo dhaqsiba wiilkaa qayliya, jinniguna waa gilgilaa, oo wiilku afkuu ka xumbeeyaa; dhib ayaa jinnigu kaga baxaa, isagoo aad u burburinaya. ⁴⁰Waxaan xertaada ka baryay inay ka saaraan, wayna kari waayeen. ⁴¹Markaasaa Ciise u jawaabay oo ku yidhi, Qarni yahow rumaysadka daranu oo madaxa adagu, ilaa goormaan idinla jiri doonaa. oo ilaa goormaan idiin dulqaadan doonaa? Wiilkaaga halkan keen. ⁴²Intuu weli soo socday, jinnigii ayaa jeexjeexay oo gilgilay. Markaasaa Ciise jinnigii wasakhda lahaa canaantay. wiilkiina ayuu bogsiiyey oo aabbihiis ku celiyey. ⁴³Kulli way ka wada yaabeen Ilaah weynaantiisa. Laakiin intay kulligood la wada yaabsanaayeen wixii uu sameeyey oo dhan, wuxuu xertiisii ku yidhi,

Ciise baa mar labaad dhimashadiisa sii sheegay (Mt. 17:22-32; Mk. 9:30-32)

⁴⁴Hadalladanu ha galeen dhegihiinna, waayo, Wiilka Aadanaha ayaa dadka loo gacan gelin doonaa. ⁴⁵Laakiin hadalkaas ayay garan waayeen. waana laga qariyey si ayna u garan. wayna ka cabsadeen inay hadalkaas wax ka weydiiyaan.

Is-hoosaysiinta (Mt. 18:1-5; Mk. 9:33-37)

⁴⁶Waxaa ka dhex kacday dood ay islahaayeen, Kee baa ahaan doonaa kan inoo weyn. ⁴⁷Laakiin Ciise markuu gartay fikirrada qalbigooda ayuu ilmo qaaday oo is-ag joojiyey, ⁴⁸markaasuu ku yidhi iyaga. Ku alla kii magacayga ku aqbala ilmahan. wuu i aqbalaa, oo ku alla kii i aqbalaa, wuxuu aqbalaa kii i soo diray, waayo, kii idiinku wada yar, kaas ayaa u weyn.

Midba midka kale ha u dulqaato (Mk. 9:38-40)

⁴⁹Yooxanaa baa u jawaabay oo ku yidhi. Macallimow. waxaannu aragnay qof magacaaga jinniyo ku saaraya, oo waannu u diidnay, waayo, isagu nama uu soo raaco. ⁵⁰Laakiin Ciise wuxuu ku yidhi, Ha u diidina, waayo, kan aan idinka gees ahayn waa idinla gees. Ciise wuxuu u kacay Yeruusaalem; dadka reer Samaariya sooma ay dhowayn ⁵¹Goortii wakhtigii isaga kor loo qaadi lahaa uu dhowaaday. wuxuu wejigiisa u jeediyey inuu Yeruusaalem tago. ⁵²Markaasuu hortiisa cid u diray, oo intay tageen ayay galeen tuulo reer Samaariya ah inay wax u diyaariyaan isaga. ⁵³Iyaguse ma ay dhowayn. waayo, wejigiisa ayaa u jeeday xagga Yeruusaalem. ⁵⁴Markaasaa xertiisii Yacquub iyo Yooxanaa goortay arkeen. waxay ku Yidhaahdeen. Sayidow. ma doonaysaa inaannu dab amarno inuu cirka ka soo dego oo baabi'iyo? ⁵⁵Isaguse waa ku jeestay oo canaantay iyaga, oo ku yidhi, Garan maysaan caynkii ruuxa aad ka tihiin. ⁵⁶Markaasay waxay aadeen tuulo kale.

Sida loo imtixaamo kuwa doonaya inay xer noqdaan (Mt. 8:19-22)

⁵⁷Oo intay jidka ku socdeen nin baa ku yidhi isaga, Waan ku raacayaa meel alla meeshaad tagtidba. ⁵⁸Markaasaa Ciise wuxuu ku yidhi, Dawacooyinku godad bay leeyihiin, shimbiraha cirkuna buulal bay leeyihiin, laakiin Wiilka Aadanahu meel uu madaxiisa dhigo ma leh. ⁵⁹Mid kalena ayuu ku yidhi, I soo raac. Laakiin isagu wuxuu ku yidhi. Sayidow, horta ii oggolow inaan tago oo aabbahay soo aaso. ⁶⁰Laakiin wuxuu ku yidhi, Iska daa, meydadku ha aaseen meydadkooda, laakiin adigu bax oo boqortooyadii Ilaah ku naadi. ⁶¹Mid kale ayaa yidhi, Sayidow, waan ku raacayaa, laakiin horta ii oggolow inaan kuwa gurigayga jooga ku soo idhaahdo, Nabad gelyo. ⁶²Ciise ayaa ku yidhi, Ma jiro nin gacantiisa mixaraadka saara oo dib u eega, oo u qalma boqortooyada Ilaah.

Cutubka 10

Toddobaatankii xerta ahaa shuqulladoodii

¹Waxaa dabadeed Rabbigu wuxuu soo bixiyey toddobaatan kale, oo laba laba ayuu hortiisa u diray ilaa magaalo walba iyo meel walba oo uu tegi lahaa. ²Wuxuuna ku yidhi, Waxa beerta laga gooynayaa way badan yihiin, shaqaalayaashuse waa yar yihiin. Sidaa darteed Sayidka beergooyska barya inuu shaqaalayaal beertiisa u soo diro. ³Socda, oo ogaada, waxaan idiin dirayaa sida baraar oo yeey ku dhex jira. ⁴Ha qaadanina kiish, ama qandi, ama kabo, ninnaba jidka ha ku nabdaadinina. ⁵Guri alla gurigaad gashaan, horta waxaad ku tidhaahdaan, Gurigan nabad ha u ahaato. ⁶Ina nabdeed hadduu halkaas joogo, nabaddiinnu waxay ahaan doontaa dushiisa, haddii kalese way idinku soo noqon doontaa. ⁷Gurigaas qudhiisa jooga, idinkoo cunaya oo cabbaya waxay haystaan, waayo, shaqaaluhu waa istaahilaa abaalgudkiisa. Guriba guri ha u dhaafina. ⁸Magaalo alla magaaladaad gashaan oo laydinka soo dhoweeya, waxa laydin soo hor dhigo cuna. ⁹Bogsiiya kuwa buka oo halkaas jooga, oo ku dhaha, Boqortooyada Ilaah waa idinku soo dhow dahay. ¹⁰Laakiin magaalo alla magaaladaad gashaan, oo aan laydinka soo dhowayn, u soo baxa jidadkeeda, oo dhaha, ¹¹Xataa siigada magaaladiinna ee cagahayaga soo raacday, waannu idinku tirtiraynaa, laakiin kan ogaada, Boqortooyadii Ilaah waa dhow dahay. ¹²Waxaan idinku leeyahay, Maalintaas Sodom ayaa ka xisaab fududaan doonta magaaldaas.

Waxaa hoog leh dadka aan Ilaah rumaysnayn magaalooyinkooda (Mt. 11:20-24)

¹³Waa kuu hoog, Khorasinay. Waa kuu hoog, Beytsayday, waayo, shuqulladii xoogga lahaa oo laydinku dhex sameeyey haddii Turos iyo Siidoon lagu samayn lahaa, goor horay toobad keeni lahaayeen, iyagoo dhar jooniyad ah gashan oo dambas ku fadhiya. ¹⁴Laakiin maalinta xisaabta Turos iyo Siidoon waa idinka xisaab fududaan doonaan. ¹⁵Adiguna Kafarna'umay, samada ma laguu sarraysiin doonaa? Waxaa lagu dejin doonaa^[3]Haadees. ¹⁶Kan idin maqlaa waa i maqlaa, kan idin diidaana, waa i diidaa, kan i diidaana, wuxuu diidaa kii i soo diray.

Toddobaatankii ayaa soo noqday

¹⁷Toddobaatankii farxad ayay la soo noqdeen, iyagoo leh, Sayidow, xataa jinniyadu magacaaga ayay nooga dambeeyaan. ¹⁸Markaasuu wuxuu ku yidhi, Waxaan arkay Shaydaankoo sida hillaac samada uga soo dhacaya. ¹⁹Bal ogaada, waxaan idin siiyey amar aad kula tumataan abeesooyin iyo dabaqalloocyo iyo xoogga oo dhan ee cadowga; innaba waxba idinma yeeli doono. ²⁰Laakiin tan ha ku farxina in jinniyadu ay idinka dambeeyaan, laakiin ku farxa in magacyadiinnu ay jannada ku qoran yihiin.

Ciise waa mahad naqay (Mt. 11:25-27:13: 16-17)

²¹Saacaddaas qudheeda ayuu Ruuxa Qoduuska ah ku rayrreeyey oo yidhi, Waan kugu mahad naqayaa, Aabbow, Rabbiga samada iyo dhulkow. waayo, waxyaalahan ayaad kuwa caqliga iyo garashada leh ka qarisay, oo waxaad u muujisay ilmo yaryar. Haah, Aabbow, waayo, sidaas ayaa kaa farxisay. ²²Aabbahay wax walbaba waa ii dhiibay; oo ninna Wiilka garan maayo cid uu yahay Aabbaha maahee, oo ninna Aabbaha garan maayo cid uu yahay, Wiilka maahee, iyo kii Wiilku doonayo inuu u muujiyo. ²³Wuxuuna u jeestay xertiisa oo keli ahaan ugu yidhi, Waxaa barakadaysan indhaha arka waxaad aragtaan; ²⁴waayo, waxaan idinku leeyahay, Nebiyo iyo boqorro badan ayaa doonay inay arkaan waxaad aragtaan, mana arkin, iyo inay maqlaan waxaad maqashaan, mana ay maqlin.

Sida loo helo nolosha weligeed ah (Mt. 22:34-40; Mk. 12:28-31)

²⁵Mid sharciga yaqaan ayaa istaagay oo jirrabay, isagoo leh, Macallimow, maxaan sameeyaa si aan ku dhaxlo nolosha weligeed ah? ²⁶Wuxuu ku yidhi, Maxaa sharciga ku qoran? Sidee baad u akhridaa? ²⁷Isagaa u jawaabay oo ku yidhi, Waa inaad Rabbiga Ilaahaaga ah ka jeclaataa qalbigaaga oo dhan, iyo naftaada oo dhan, iyo xooggaaga oo dhan, iyo caqligaaga oo dhan, deriskaagana waa inaad u jeclaataa sida naftaada. ²⁸Wuxuu ku yidhi, Si hagaagsan ayaad u jawaabtay. Sidaas yeel oo waad noolaan doontaa.

Masaalka ku saabsan ninkii wanaagsanaa oo reer Samaariya

²⁹Laakiin isagoo doonaya inuu iscaddeeyo inuu xaq yahay, ayuu Ciise ku yidhi, Yaa deriskayga ah? ³⁰Ciise ayaa u jawaabay oo ku yidhi, Nin baa Yeruusaalem ka soo degayay oo Yerixoo ku socday; wuxuuna ku dhex dhacay tuugag, oo intay dharka ka furteen oo garaaceen ayay ka tageen oo daayeen isagoo bestiis ah. ³¹Waxay noqotay in wadaad jidkaas ku soo degayay, oo markuu arkay ayuu dhinaca kale maray. ³²Sidaas oo kalena nin reer Laawi ah goortuu meeshaas yimid oo arkay, ayuu dhinaca kale maray. ³³Laakiin nin reer Samaariya ah intuu socday ayuu meeshiisa yimid, oo markuu arkay ayuu u naxariistay. ³⁴Wuuna u dhowaaday. oo nabrihiisii ka duudduubay, oo saliid iyo khamri ku shubay, markaasuu saaray neefkiisii, oo hudheel geeyey, waana u dadaalay. ³⁵Maalintii dambe wuxuu soo bixiyey laba dinaar, oo siiyey ninkii hudheelkii lahaa, oo ku yidhi, U dadaal, oo wixii dambe oo kaaga baxa, soo noqodkayga ayaan kuu celin doonaa. ³⁶Saddexdaas kee bay kula tahay inuu deris u ahaa kii tuugagga ku dhex dhacay? ³⁷Wuxuu ku yidhi. Kii u naxariistay. Markaasaa Ciise ku yidhi, Tag oo sidaas oo kale yeel.

Maarta iyo Maryan

³⁸Intay socdeen wuxuu galay tuulo. Markaasaa qof dumar ah oo Maarta la odhan jiray ayaa gurigeeda gelisay. ³⁹Waxayna lahayd walaal Maryan la odhan jiray, oo iyaduna waxay ag fadhiisatay cagihii Sayidka oo hadalkiisa maqashay. ⁴⁰Laakiin Maarta waxaa jiidanaysay hawl badan, oo intay u timid ayay ku tidhi, Sayidow, miyaanay waxba kula ahayn in walaashay i daysay inaan keligay adeego? Haddaba la hadal inay ila qabato. ⁴¹Laakiin Sayidku waa u jawaabay oo ku yidhi, Maarta, Maartay, wax badan ayaad ka welwelaysaa oo isku dhibaysaa. ⁴²Laakiin mid baa loo baahan yahay, Maryanna waxay dooratay intii roonayd oo aan laga qaadi doonin.

Cutubka 11

Tukashaduu Ciise xertiisa baray (Mt. 6:9-13)

¹Meel buu ku tukanayay, oo goortuu dhammeeyey, mid xertiisa ka mid ah ayaa ku yidhi, Sayidow, na bar si loo tukado, sida Yooxanaa xertiisa u baray. ²Wuxuu ku yidhi, Goortaad tukanaysaan dhaha, Aabbahayaga jannada ku jirow, magacaagu qoduus ha ahaado, boqortooyadaadu ha timaado. ³Maalinba maalin kibistayada nagu filan na sii. ⁴Oo naga cafi dembiyadayada, waayo, annaguba waa u cafinnaa mid walba oo aannu qaan ku leennahay, oo jirrabaaddana ha noo kaxayn.

Tukasho joojin la'aan ah; iyo masaalka ku saabsan saaxiibkii saqda-dhexe yimid (Mt. 7:7-11)

⁵Wuxuuna ku yidhi. Kiinnee baa saaxiib leh oo saqda-dhexe u tegaya oo ku odhanaya, Saaxiibow. saddex kibsood, i amaahi, ⁶waayo, saaxiibkay ayaa safar iiga yimid, oo waxaan hor dhigo ma hayo. ⁷Kaasaana gudaha ka jawaabaya oo odhanaya, Ha i dhibin. Albaabka waa la xidhay; carruurtayduna sariirtay ila jiiftaa; umana kici karo inaan wax ku siiyo. ⁸Waxaan idinku leeyahay, In kastoo aanu kici doonin oo aanu siin doonin saaxiibnimadiisa aawadeed, weliba baryo badnaantiisa aawadeed ayuu u kici doonaa oo u siin doonaa in alla intuu u baahan yahay. ⁹Waxaan idinku leeyahay, Weydiista oo waa laydin siin doonaa; doona oo waad heli doontaan; garaaca oo waa laydinka furi doonaa. ¹⁰Waayo, mid kasta oo weydiista waa la siiyaa; kii doonaana waa helaa; kii garaacana waa laga furi doonaa. ¹¹Midkiinnee baa oo aabbe ah haddii wiilkiisu kibis weydiisto, dhagax siinaya? Ama hadduu kalluun weydiisto, kalluunka meeshiis abeeso siinaya? ¹²Ama hadduu ukun weydiisto, dabaqallooc siinaya? ¹³Haddaba idinka oo shar leh haddaad garanaysaan inaad hadiyado wanaagsan carruurtiinna siisaan, intee ka badan ayaa Aabbihiinna jannada ku jiraa Ruuxa Qoduuska ah uu siin doonaa kuwa isaga weydiista? Ciise jawaabtiisii markii lagu ashtakeeyey inuu caawimaadda Shayddaanka ku shaqeeyey

(Mt. 12:22-30; Mk. 1:22-27)

¹⁴Wuxuu saarayay jinni carrab la'. Waxaana dhacay goortuu jinnigii baxay inuu kii carrabka la'aa hadlay, dadkiina way yaabeen. ¹⁵Laakiin qaarkood ayaa yidhi, wuxuu jinniyada ku saaraa Be'elsebul oo ah madaxda jinniyada. ¹⁶Markaasaa kuwa kale oo jirrabaya waxay ka doonayeen inuu calaamo cirka ka tuso. ¹⁷Laakiin isagoo garanaya fikirradooda ayuu ku yidhi, Boqortooyo walba oo kala qaybsantaa, cidla' bay noqotaa, guri guri ka qaybsamaana waa dumaa. ¹⁸Shayddaankuna hadduu kala qaybsamo, boqortooyadiisu sidee bay u taagnaan doontaa? Waayo, waxaad tidhaahdaan, Waxaad jinniyo ku saartaa Be'elsebul. ¹⁹Anigu haddii aan jinniyada ku saaro Be'elsebul, wiilashiinna yay ku saaraan? Sidaa darteed iyagu waxay ahaanayaan xaakinnadiinna. ²⁰Laakiin haddaan jinniyada ku saaro farta Ilaah, waxaa idiin timid boqortooyada Ilaah. ²¹Nin xoog leh oo hubaysan markuu ilaalinayo barxaddiisa. alaabtiisu waa nabad gelaysaa. ²²Laakiin mid ka xoog badan goortuu ku soo baxo oo ka adkaado, wuxuu ka qaadaa hubkiisii uu isku halleeyey, oo wuu qaybiyaa wuxuu ka dhacay. ²³Kan aan ila jirin waa iga gees, oo kan aan ila ururin waa firdhiyaa.

Jinnigu waa ku noqday meeshuu ka baxay (Mt. 12:43-45)

²⁴Jinniga wasakhda leh goortuu ninka ka baxo, wuxuu maraa meelo aan biyo lahayn. isagoo nasasho doonaya, oo markuu heli waayo, wuxuu yidhaahdaa, Waxaan ku noqonayaa gurigaygii aan ka baxay. ²⁵Oo goortuu yimaado wuxuu helaa isagoo xaaqan oo ²⁶Markaasuu tagaa oo wuxuu wataa toddoba jinni oo kale oo ka xunxun isaga, wayna galaan oo halkaas joogaan. Ninkaas wakhtigiisa dambe ayaa ka darnaada wakhtiga hore. ²⁷Waxaa dhacay goortuu waxyaalahaas yidhi. in qof dumar ah oo dadka ka mid ah codkeeda kor u qaadday oo ku tidhi. Waxaa barakadaysan uurka ku siday iyo naasihii aad nuugtay. ²⁸Laakiin wuxuu ku Yidhi. Runtaa, laakiin waxaa barakadaysan kuwa hadalka Ilaah maqla oo xajiya.

Ciise waa ka digay in calaamooyin la doono (Mt. 12:38-42; Mk. 8:12)

²⁹Goortii dadkii badnaa isugu soo ururayeen, wuxuu bilaabay inuu yidhaahdo. Qarniganu waa qarni shareed; calaamo bay doonayaan, lamana siin doono, calaamada Yoonis maahee. ³⁰Waayo, sida Yoonis calaamo ugu noqday reer Nineweh, sidaas oo kale ayuu Wiilka Aadanahu calaamo ugu ahaan doonaa qarnigan. ³¹Boqoradda koonfureed waxay xisaabta la kici doontaa dadka qarnigan, wayna xukumi doontaa, waayo, waxay ka timid meesha dhulka ugu shishaysa inay xigmadda Sulaymaan maqasho, oo bal eeg, mid Sulaymaan ka weyn ayaa halkan jooga. ³²Nimanka Nineweh waxay xisaabta isla taagi doonaan dadka qarnigan. wayna xukumi doonaan. waayo, waxay ku toobad keeneen wacdigii Yoonis, oo bal eeg, mid Yoonis ka weyn ayaa halkan jooga.

Waxa ilayska laga barto

³³Ma jiro nin, goortuu ilays shido. dhiga meel qarsoon ama weel hoostiisa, laakiin wuxuu saaraa meeshii ilayska si ay kuwa soo galaa iftiinka u arkaan. ³⁴Ilayska jidhkaagu waa ishaada, ishaaduna markay hagaagsan tahay, jidhkaaga oo dhammu waa iftiimaa, laakiin goortay xun tahay, jidhkaaguna waa gudcur. ³⁵Haddaba iska jir si iftiinka kugu jiraa aanu gudcur u ahaan. ³⁶Haddaba haddii jidhkaaga oo dhammu iftiimo, aanuna lahayn meel gudcur ah. waa wada iftiimaa. sida goortii ilayska dhalaalayaa uu kuu iftiimiyo.

Ciise wuxuu canaantay Farrisiintii iyo kuwii sharciga yiqiin (Mt. 23:1-36; Mk. 12:38-40; Lk. 20:45-47)

³⁷Goortuu hadlayay, nin Farrisi ah ayaa weydiistay inuu wax la cuno; wuuna galay gurigiisa, oo cunto u fadhiistay. ³⁸Farrisigii markuu arkay waa yaabay, waayo, cuntada horteed ma uu faraxalan. ³⁹Sayidka ayaa ku yidhi, Haddeer idinkoo Farrisiin ah waxaad dusha ka nadiifisaan koobka iyo xeedhada, laakiin xaggiinna hoose waxaa ka buuxa dulun iyo shar. ⁴⁰Doqonno yahow, kii dusha sameeyey miyaanu gudahana samaynin? ⁴¹Laakiin waxa gudaha ah sadaqad u bixiya, oo bal eeg, wax walba waa idiin nadiifsan yihiin. ⁴²Laakiin waa idiin hoog, Farrisiin yahay, waayo, reexaanta iyo kabsarta iyo khudaarta oo dhan toban meelood ayaad meel ka bixisaan, oo waxaad dhaaftaan xukunka iyo jeclaanta Ilaah. Waxaad lahaydeen inaad waxan samaysaan oo aydnaan kuwa kale dhaafin. ⁴³Waa idiin hoog, Farrisiin yahay, waayo, waxaad jeceshihiin kursiyada hore oo sunagogyada, iyo salaanta suuqa. ⁴⁴Waa idiin hoog, waayo, waxaad tihiin sida xabaalo aan muuqanaynin; nimanka dul marayaana aanay garanaynin. ⁴⁵Kuwa sharciga yaqaan midkood ayaa u jawaabay oo ku yidhi, Macallimow, markaad waxaas leedahay, annagana waad na caayaysaa. ⁴⁶Markaasuu ku yidhi, Idinkana waa idiin hoog, sharciga sheegayaal yahow, waayo, waxaad nimanka ku rartaan wax culus oo qaadiddoodu dhib leedahay; idinkuse farihiinna middood kuma taabataan culaabta. ⁴⁷Waa idiin hoog, waayo, waxaad dhistaan xabaalaha nebiyada, awowayaashiinse way dileen. ⁴⁸Haddaba waxaad tihiin markhaatiyaal oo aad oggoshihiin shuqulkii awowayaashiin, waayo, iyagaa dilay, idinkuna waad dhistaan xabaalahooda. ⁴⁹Sidaa darteed xigmadda Ilaah ayaa tidhi, Waxaan u diri doonaa nebiyo iyo rasuullo; qaarkood waa la dili doonaa oo la silcin doonaa, ⁵⁰in qarnigan la weydiiyo dhiiggii nebiyada oo dhan oo daatay tan iyo aasaaskii dunida, ⁵¹oo laga bilaabo dhiiggii Haabiil ilaa dhiiggii Sakariyas kii ku dhintay meeshii allabariga iyo meesha qoduuska ah dhexdooda. Runtii, waxaan idinku leeyahay, Qarnigan ayaa la weydiin doonaa. ⁵²Waa idiin hoog, sharciga sheegayaal yahow, waayo, furihii garashada ayaad qaaddeen. Idinka qudhiinnu ma gelin, oo kuwii gelayayna ayaad ka hor joogsateen. ⁵³Oo kolkuu meeshaas ka baxay, culimada iyo Farrisiintu waxay bilaabeen inay aad ugu dhirfaan iyo inay wax badan kaga hadlisiiyaan, ⁵⁴iyagoo gaadaya inay ku qabtaan wixii afkiisa ka soo baxa. Ciise wuxuu xertiisii uga digay laba-wejiilenimada

Cutubka 12

¹Markii dadkii badnaa oo tiro la'aanta ahaa isa soo tubeen. ilaa ay qaarba qaar ku joogjoogsadeen. wuxuu bilaabay inuu kolkii hore xertiisa ku yidhaahdo. Iska jira khamiirka Farrisiinta kan ah laba-wejiilenimada. ²Ma jiro wax daboolan oo aan soo muuqan doonin ama wax qarsoon oo aan la garan doonin. ³Sidaa darteed wax kasta oo aad gudcurka ku dhex tidhaahdeen, iftiinka ayaa laga maqli doonaa, oo wixii aad dhegta iskagala hadasheen qolal qarsoon ayaa guryaha dushooda lagaga dhawaaqi doonaa.

Kuwii laga baqi lahaa (Mt. 10:28-33)

⁴Waxaan idinku leeyahay, Saaxiibbadayow, Ha ka baqina kuwa jidhka dila, oo aan dabadeed wax kale samayn karin. ⁵Laakiin waxaan idinkaga digayaa kaad ka baqi lahaydeen. Ka baqa kan kolkuu dilo dabadeed amar u leh inuu jahannamada ku tuuro. Runtii, waxaan idinku leeyahay, Kaas ka baqa. ⁶Shan shimbirrood miyaan laba beesadood lagu iibin? Oo midna lagama illaawin Ilaah hortiisa. ⁷Laakiin timaha madaxiinna oo dhan waa tirsan yihiin. Ha baqina; waad ka qiima badan tihiin shimbirro badan. ⁸Weliba waxaan idinku leeyahay, Mid walba oo igu qirta dadka hortiisa, ayaa Wiilka Aadanahu ku qiran doonaa malaa'igaha Ilaah hortooda ⁹Laakiin kii igu dafira dadka hortiisa, malaa'igaha Ilaah hortooda ayaa lagu dafiri doonaa, ¹⁰oo mid walba oo ku hadla hadal Wiilka Aadanaha ka gees ah, waa loo cafiyi doonaa, laakiin kii caaya Ruuxa Qoduuska ah looma cafiyi doono. ¹¹Goortay idin hor keenayaan sunagogyada iyo taliyayaasha, iyo kuwa amarka leh, ha ka welwelina sidii iyo wixii aad ku jawaabi doontaan ama waxaad odhan doontaan. ¹²waayo, Ruuxa Qoduuska ah ayaa saacaddaas idin bari doonaa wixii aad leedihiin inaad tidhaahdaan. Damac badnaanta; iyo masaalka ku saabsan taajirkii nacaska ahaa ¹³Oo mid dadka ka mid ah ayaa ku yidhi, Macallimow, walaalkay u sheeg inuu dhaxalka ila qaybsado. ¹⁴Laakiin wuxuu ku yidhi, Ninkow, yaa iiga kiin dhigay xukume ama qaybiye? ¹⁵Wuxuu iyaga ku yidhi, Fiiriya oo iska ilaaliya damacnimada oo dhan, waayo, qof goortuu maal badnaado. noloshiisu kama timaado maalkuu leeyahay. ¹⁶Markaasuu masaal kula hadlay oo ku yidhi, Nin hodan ah dhulkiisa ayaa wax badan bixiyey. ¹⁷Kolkaasuu isla tashaday isagoo leh, Maxaan sameeyaa, waayo, ma haysto meel aan ku ururiyo wixii ii baxay? ¹⁸Markaasuu yidhi. Sidan ayaan samayn doonaa. Maqsinnadaydii ayaan dumin doonaa oo kuwa ka waaweyn ayaan dhisan doonaa; halkaasna ayaan ku urursan doonaa sarreenkayga iyo alaabtayda oo dhan. ¹⁹Oo waxaan naftayda ku odhan doonaa, Nafay, waxaad leedahay alaab badan oo sannado badan loo dhigay. Naso oo wax cun oo cab oo farax. ²⁰Laakiin Ilaah wuxuu ku yidhi, Kaaga doqonka ahow, caawa naftaada waa lagu weydiisan doonaa, wixii aad diyaarsatayna yaa lahaan doonaa'? ²¹Sidaas oo kale weeye kan maal urursada oo aan Ilaah u hodan ahayn.

Welwelka, iyo aaminaadda Ilaah la aamino (Mk. 6:25-34)

²²Markaasuu xertiisii ku yidhi, Sidaa darteed waxaan idinku leeyahay, Ha ugu welwelina naftiinna waxaad cuni doontaan, jidhkiinnana waxaad huwin doontaan. ²³Waayo, naftu waa ka roon tahay cuntada. jidhkuna waa ka roon yahay dharka. ²⁴Tukayaasha fiiriya, waayo, waxba ma beeraan, waxna ma gurtaan, mana haystaan maqsin ama meel ay wax ku urursadaan, oo Ilaah baa cunto siiya. Intee baad ka roon tihiin shimbirraha! ²⁵Midkiinnee intuu welwelo, dhererkiisa dhudhun ku dari kara? ²⁶Haddaba haddii aanad samayn karin xataa waxa u yar, maxaad ugu welweshaan intii kale? ²⁷Fiiriya ubaxyada, siday u baxaan, ma ay shaqeeyaan. ma ayna miiqdaan. Weliba waxaan idinku leeyahay, Xataa Sulaymaan wakhtiga ammaantiisii oo dhan dhar uma uu gashan jirin sida kuwan midkood. ²⁸Laakiin haddii Ilaah sidaa u huwiyo cawska maanta duurka ku yaal oo berrito moofada lagu ridayo, sidee ka badan ayuu idiin huwinayaa, rumaysad yarayaalow? ²⁹Ha doondoonina waxaad cuntaan iyo waxaad cabtaan, oo ha shakiyina, ³⁰waayo, quruumaha dunidu waxaas oo dhan ayay doondoonaan; laakiin Aabbihiin waa og yahay inaad waxaas u baahan tihiin. ³¹Laakiin doondoona boqortooyadiisa. oo waxaas oo dhan waa laydiinku dari doonaa. ³²Ha baqina, ido yahow yari, waayo, Aabbihiin waxaa ka farxiya inuu boqortooyada idin si iyo. ³³Iibiya waxaad leedihiin oo sadaqo bixiya. Samaysta kiishash aan duugoobaynin, oo maal aan dhammaanaynin ku urursada jannada, meesha aan tuug ku soo dhowaan oo aan aboor ku baabi'in. ³⁴Waayo, meesha maalkiinnu ku jiro, meeshaasaa qalbigiinnuna ku jiri doonaa.

Soojeedid baa loo baahan y ahay; masaalka ku saabsan addoommadii aaminka ahaa iyo kuwii aan aaminka ahayn (Mt. 24:45-51)

³⁵Dhexdiinnu ha xidhnaato, laambadihiinnuna ha baxaan. ³⁶Idinkuna ahaada sida niman sayidkooda sugaya, goortuu arooska ka soo noqdo, inay markiiba ka furaan markuu yimaado oo garaaco. ³⁷Waxaa barakadaysan addoommadaas, kuwa sayidku goortuu yimaado, uu helo iyagoo soo jeeda. Runtii waxaan idinku leeyahay, Isagu waa guntan doonaa, oo cunto ayuu u fadhiisan doonaa. oo intuu iyaga u dhowaado ayuu u adeegi doonaa. ³⁸Hadduu yimaado wakhtigii gaadhka labaad ama kan saddexaad oo uu helo iyagoo sidaas ah. kuwaas ayaa barakadaysan. ³⁹Laakiin tall ogaada, odayga reerku hadduu ogaan lahaa saacadda tuuggu imanayo, wuu soo jeedi lahaa, oo uma uu daayeen in gurigiisa la jebiyo. ⁴⁰Idinkuna diyaar ahaada, waayo, saacad aydnaan u malaynaynin ayaa Wiilka Aadanahu imanayaa. ⁴¹Butros ayaa ku yidhi, Sayidow, ma annaga ayaad masaalkan nagula hadlaysaa ama dadka oo dhan? ⁴²Sayidkuna wuxuu yidhi, Haddaba yuu yahay wakiilka aaminka ah oo caqliga leh. kan uu sayidkiisu u sarraysiin doona dadka gurigiisa, inuu qaybtooda oo cuntada ah siiyo wakhtigeeda? ⁴³Waxaa barakadaysan addoonkaas kan sayidkiisu goortuu yimaado uu helayo isagoo sidaas samaynaya. ⁴⁴Runtii waxaan idinku leeyahay Wuxuu leeyahay oo dhan ayuu ka sarraysiin doonaa isaga. ⁴⁵Laakiin haddii addoonkaas qalbigiisa ka yidhaahdo. Sayidkayga imaatinkiisii waa raagay, oo uu bilaabo inuu garaaco midiidinyada ragga iyo dumarka ahaa. iyo inuu wax cuno oo wax cabbo oo sakhraamo, ⁴⁶addoonkaas sayidkiisu wuxuu iman doonaa maalin aanu filayn oo saacad aanu ogayn, oo waa kala jeexi doonaa, oo wuxuu ka dhigi doonaa mid qayb la hela kuwa aan aaminka ahayn. ⁴⁷Addoonkaas ogaa doonista sayidkiisa, oo aan diyaargarayn, oo aan yeelin sidii doonistiisu ahayd, wax badan waa la garaaci doonaa ⁴⁸Laakiin kii aan ogayn oo yeelayse wixii garaacid istaahila, wax yar baa la garaaci doonaa. Mid kasta oo wax badan la siiyey, wax badan ayaa laga dooni doonaa, oo kan wax badan loo sii dhiibtay. wax ka badan ayaa la weydiisan doonaa.

Calaamooyinkii wakhtiyada (Mt 10:34-36; 16:1-4; Mk. 8:11-13; Mt5:25-26)

⁴⁹Waxaan u imid inaan dab dhulka ku tuuro, oo maxaan doonayaa hadduu durba shidan yahay? ⁵⁰Anigu waxaan leeyahay baabtiis in laygu baabtiisayo oo sidee lay cidhiidhiyey ilaa uu dhammaado! ⁵¹Miyaad u malaynaysaan inaan u imid inaan nabad dhulka siiyo? Waxaan idinku leeyahay, Maya, laakiinse kalasoocid. ⁵²Waayo, intii haddeer ka dambaysa waxaa guri ku jiri doona shan kala soocan. saddex laba ka gees ah iyo laba saddex ka gees ah. ⁵³Waa kala soocmayaan. aabbe wiil ka gees ah iyo wiil aabbe ka gees ah, hooyo gabadh ka gees ah iyo gabadh hooyadeed ka gees ah, soddoh afadii wiilkeeda ka gees ah iyo afadii wiilkii soddohdeed ka gees ah. ⁵⁴Weliba wuxuu dadkii badnaa ku yidhi. Goortaad aragtaan daruur gabbaldhac ka soo baxaysa, kolkiiba waxaad tidhaahdaan. Roob baa soo socda. oo sidaasuu noqdaa. ⁵⁵Oo goortaad aragtaan dabayl koonfureed oo dhacaysa waxaad tidhaahdaan. Kulaylku waa iman doonaa. waana noqda. ⁵⁶Laba-wejilayaal yahow, waxaad kala garanaysaan muuqashada dhulka iyo cirka. Laakiin wakhtigan sidee baad u kala garan weydaan? ⁵⁷Maxaad qudhiinnu waxa xaqa ah u xukumi weydaan'? ⁵⁸Goortaad cadowgaaga u raacdo xaakinka, intaad jidka maraysaan ku dadaal si aad uga baxsato, inaanu xaakinka kuu jiidin, xaakinkuna askariga kuu dhiibin, askariguna xabsiga kugu tuurin. ⁵⁹Waxaan kugu leeyahay, Halkaas ka soo bixi maysid ilaa aad siisid lacagta u yar oo ugu dambaysa.

Cutubka 13

Toobadkeen baa lagu waaniyey

¹Wakhtigaas qudhiisa waxaa joogay qaar wax uga sheegay dadka reer Galili oo Bilaatos dhiiggooda ku daray allabarigooda. ²Kolkaasaa Ciise u jawaabay oo wuxuu ku yidhi, Ma waxay idinla tahay in kuwii reer Galili ahaa ay ka dembi badnaayeen kuwii kale oo reer Galili oo dhan waxyaalahaas ay ku silceen aawadood? ³Waxaan idinku leeyahay, Maya, laakiin haddaanad toobad keenin, kulligiin sidaas oo kale ayaad u lumi doontaan ⁴Ama siddeed iyo tobankii oo munaaradda Siloo'am ay ku soo dhacday oo ay dishay, ma waxay idinla tahay, inay ka gef badnaayeen dadka Yeruusaalem joogay oo dhan. ⁵Waxaan idinku leeyahay, Maya, laakiin haddaydaan toobad keenin, kulligiin sidaas oo kale ayaad u lumi doontaan.

Masaalka ku saabsan geedkii berdaha ahaa oo aan waxba dhalin

⁶Markaasuu masaalkan ku hadlay, Nin baa wuxuu lahaa geed berde ah oo beertiisii canabka ahayd lagu beeray. Waa u yimid isagoo midho ka doonaya, waxbana kama uu helin. ⁷Wuxuu beer-ka-shaqeeyihii ku yidhi, Bal eeg, saddex sannadood ayaan imanayay oo berdahan midho ka doonayay, kamana helin. Jar, muxuu dhulka u khasaarinayaa? ⁸Markaasuu u jawaabay oo wuxuu ku yidhi, Sayidow, sannaddanna daa ilaa aan hareerihiisa qodqodo oo aan digeeyo. ⁹Dabadeed hadduu midhaysto, wanaag; haddii kalese waad jari doontaa.

Maalin sabti ah naag baa la bogsiiyey

¹⁰Maalin sabti ah sunagogyada midkood ayuu wax ku barayay. ¹¹Oo bal eeg, waxaa joogtay naag siddeed iyo toban sannadood cudur qabtay. wayna isku soo jabnayd. mana ay kari karin inay istoosiso. ¹²Ciise goortuu arkay, ayuu u yeedhay oo ku yidhi, Haweentoy, cudurkaaga waad ka furan tahay. ¹³Kolkaasuu gacmihiisa saaray, oo kolkiiba way toosnaatay, oo Ilaah bay ammaantay. ¹⁴Kii sunagogga u sarreeyey ayaa cadho ku jawaabay, waayo, Ciise maalintii sabtida ahayd ayuu wax bogsiiyey, wuxuuna dadkii badnaa ku yidhi, Waxaa jira lix maalmood oo dadkii leeyihiin inay shaqeeyaan. Maalmahaas haddaba kaalaya, ha laydin bogsiiye. ee ha imanina maalinta sabtida ah. ¹⁵Laakiin Sayidka ayaa u jawaabay oo ku yidhi, Laba-wejilayaal yahow, mid kasta oo idinka mid ah miyaanu sabtida dibigiisa ama dameerkiisa ka soo furin golaha oo u wadin inuu soo waraabiyo? ¹⁶Oo naagtan oo ina Ibraahim ah oo Shayddaanku siddeed iyo toban sannadood xidhay. miyaanay lahayn in maalinta sabtida ah laga fura xidhmaddaas? ¹⁷Goortuu waxaas yidhi cadaawayaashiisii oo dhan way wada ceeboobeen, dadkii oo dhanna ayaa ku rayrreeyey wax walba oo ammaanta lahaa oo uu falay. ¹⁸Haddaba wuxuu yidhi. Boqortooyada Ilaah maxay u eg tahay oo maxaan u ekaysiiyaa?

Masaalka ku saabsan iniin khardal ah iyo masaalka ku saabsan khamiir (Mt 13:31-33; Mk. 4:30-32)

¹⁹Waxay u eg tahay iniin khardal ah, oo nin qaaday oo beertiisii ku riday, oo ay baxday oo geed dheer noqotay, shimbiraha cirkuna laamaheeday ku degeen. ²⁰Haddana wuxuu yidhi, Maxaan boqortooyada Ilaah u ekaysiiyaa? ²¹Waxay u eg tahay khamiir naag intay qaadday ay saddex qiyaasood oo bur ah ku dhex qooshtay ilaa ay wada khamiireen.

Iridda cidhiidhiga ah ee nolosha laga galo (Mt. 7:13-14, 21-23)

²²Oo wuxuu dhex marayay magaalooyin iyo tuulooyin isagoo wax baraya, Yeruusaalemna ayuu ku socday. ²³Mid baa wuxuu ku yidhi, Sayidow. ma yar yihiin kuwa badbaadayaa? ²⁴Wuxuuna ku yidhi, Aad u dadaala inaad iridda cidhiidhsan ka gashaan, waayo, waxaan idinku leeyahay, Qaar badan ayaa dooni doona inay galaan, mana kari doonaan. ²⁵Goortii ninkii guriga lahaa kaco oo albaabka xidho, oo aad bilowdaan inaad dibadda istaagtaan oo aad albaabka garaacdaan, idinkoo leh, Sayidow, naga fur; isaguna waa u jawaabi doonaa oo idinku odhan doonaa, Garan maayo meeshaad ka timaadeen. ²⁶Markaasaad bilaabi doontaan inaad tidhaahdaan, Hortaada ayaannu wax ku cuni jirnay oo ku cabbi jirnay, oo jidadkayaga ayaad wax ku bari jirtay. ²⁷Markaasuu odhan doonaa Waxaan idinku leeyahay, Garan maayo meeshaad ka timaadeen, iga taga kulligiin oo xaq darrada ka shaqeeya. ²⁸Halkaa waxaa jiri doonta baroor iyo ilko jirriqsi goortaad boqortooyada Ilaah ku aragtaan Ibraahim iyo Isxaaq iyo Yacquub iyo nebiyada oo dhan, oo idinkana dibadda laydiin tuuray. ²⁹Waxay ka iman doonaan bari iyo galbeed iyo woqooyi iyo koonfur, waxayna dhex fadhiisan doonaan boqortooyada Ilaah. ³⁰Ogaada. kuwa ugu dambeeya ayaa ugu horrayn doona, kuwa ugu horreeyaana way ugu dambayn doonaan.

Herodos cadownimadiisii

³¹Markaas qudhiisa ayaa waxaa yimid qaar Farrisiin ah iyagoo ku leh, Bax oo ka tag meeshan, waayo, Herodos ayaa doonaya inuu ku dilo. ³²Wuxuu iyaga ku yidhi, Idinku u taga oo dawacaas u sheega, Bal eeg, maanta iyo berriba ayaan jinniyo saarayaa oo dad bogsiinayaa, maalinta saddexaadna ayaan kaamilmayaa. ³³Laakiin waa inaan socdo maanta iyo berri iyo maalinta ku xigtaba, waayo, ma noqon karto nebi inuu ku dhinto Yeruusaalem dibaddeeda.

Ciise waa u ooya! Yeruusaalem (Mt. 23:37-39)

³⁴Yeruusaalemay, Yeruusaalemay. tan nebiyada dishoy, oo kuwa loo soo diray dhagxisoy! Intee baan marar badan jeclaaday inaan carruurtaada u soo ururiyo xataa sida dooradu carruurteeda baalasheeda hoostooda ugu ururiso, laakiin idinku ma aydnaan jeclayn. ³⁵Ogaada, gurigiinnii waa laydiin daayay, isagoo cidla ah. Waxaan idinku leeyahay, Ima arki doontaan ilaa aad tidhaahdaan, Waxaa barakadaysan kan Rabbiga magiciisa ku imanaya.

Cutubka 14

Ninkii uurweynaadka qabay ayaa sabti la bogsiiyey

¹Maalin sabti ah markuu galay mid ka mid ah kuwa Farrisiinta u sarreeya gurigiisa inuu kibis cuno, waxaa dhacay inay fiirinayeen. ²Oo bal eeg, waxaa hortiisa joogay nin uurweynaad qaba. ³Markaasaa Ciise u jawaabay oo kuwii sharciga yiqiin iyo Farrisiintii ku yidhi, isagoo leh, Ma xalaal baa in sabtida wax la bogsiiyo, mise maya? ⁴Laakiin way aamuseen. Isaguse, intuu ninkii qabtay, ayuu bogsiiyey, markaasuu sii daayay. ⁵Wuxuu iyaga ku yidhi, Kiinnee baa leh dameer ama dibi ceel ku dhacay oo aan maalin sabti ah dhaqso uga soo bixinaynin? ⁶Wayna uga jawaabi kari waayeen waxyaalahaas.

Is-hoosaysiinta iyo marti-soo-dhowaynta

⁷Goortuu arkay kuwii loo yeedhay siday kursiyada hore u doorteen, ayuu masaal kula hadlay oo ku yidhi. ⁸Markii nin kuugu yeedho aroos, kursiga hore ha fadhiisan, waaba intaasoo isagu nin kaa murwad weyn ugu yeedho, ⁹oo kii isaga iyo adiga idiin yeedhay uu yimaado oo kugu yidhaahdo, Kan meel sii, oo markaasaad bilaabaysaa inaad meesha dambe ceeb ku fadhiisato. ¹⁰Laakiin goortii laguu yeedho, tag oo meesha u hoosaysa fadhiiso, si kii kuu yeedhay kolkuu yimaado uu kuugu yidhaahdo, Saaxiibow, sare u soco. Markaasaad ammaan ku lahaan doontaa kuwa cuntada kula fadhiya oo dhan hortooda. ¹¹Waayo, mid kasta oo isa sarraysiiya waa la hoosaysiin doonaa; oo kii is-hoosaysiiyana waa la sarraysin doonaa. ¹²Wuxuuna ku yidhi kii u yeedhay, Goortaad qado ama casho samayso, ha u yeedhin saaxiibbadaada ama walaalahaa ama xigaalkaa ama derisyadaada hodanka ah, waaba intaasoo iyaguna ay markooda kuu yeedhaan, oo ay abaalgud kugu noqotaa. ¹³Laakiin goortaad diyaafad samayso waxaad u yeedhaa masaakiinta iyo kuwa laxaadka la' iyo curyaannada iyo indhoolayaasha, ¹⁴oo aad barakadaysnaan doontaa, waayo, iyagu maleh waxa ay kuugu abaahludaan, laakiin waxaa laguu abaalgudi doonaa wakhtiga sarakicidda kuwa xaqa ah.

Masaalka ku saabsan iidda weyn

¹⁵Kuwa cuntada ula fadhiyey midkood, goortuu waxaas maqlay, wuxuu isaga ku yidhi, Waxaa barakadaysan kan kibis ku cuni doona boqortooyada Ilaah. ¹⁶Wuxuuse ku yidhi, Nin baa casho weyn sameeyey, oo dad badan u yeedhay, ¹⁷oo saacaddii cashada ayuu addoonkiisii u diray inuu kuwii loo yeedhay ku yidhaahdo, Kaalaya, waayo, haatan wax waluba waa diyaar. ¹⁸Markaasay kulligood waxay bilaabeen inay fikir keliya ku marmarsiiyoodaan. Kii u horreeyey ayaa ku yidhi, Beer baan iibsaday, oo waa inaan tago oo aan soo arko. Waxaan kaa baryayaa inaad iga raalli ahaato. ¹⁹Mid kale ayaa yidhi, Waxaan iibsaday shan qindi oo dibi ah, oo waan tegayaa inaan intixaamo. Waxaan kaa baryayaa inaad iga raalli ahaato. ²⁰Mid kale ayaa yidhi, Naag baan guursaday, sidaa darteed ma iman karo. ²¹Markaasaa addoonkii yimid, oo waxaas ayuu sayidkiisii u sheegay. Kolkaasaa sayidkii gurigu cadhooday, oo wuxuu addoonkiisii ku yidhi, Dhaqso jidadka iyo surimmada magaalada u bax oo soo kaxee masaakiinta iyo kuwa laxaadka la' iyo indhoolayaasha iyo curyaannada. ²²Kolkaasaa addoonkii ku yidhi, Sayidow, waxaad amartay waa la yeelay. oo weli meel baa bannaan. ²³Markaasaa sayidkii wuxuu addoonkii ku yidhi, Jidadka iyo wadiiqooyinka oodaha u bax. oo dadka ku qasab inay soo galaan, si uu gurigaygu u buuxsamo. ²⁴Waayo. waxaan idinku leeyahay, Nimankaas loo yeedhay midkoodna cashadayda dhadhamin maayo.

Xernimada micneheeda

²⁵Waxaa isaga la socday dad badan. Markaasuu u jeestay, oo wuxuu ku yidhi. ²⁶Haddii qof ii yimaado oo aanu nicin aabbihiis iyo hooyadiis iyo afadiisa iyo carruurtiisa iyo walaalihiis, xataa naftiisana xer iima ahaan karo. ²⁷Ku alla kii aan iskutallaabtiisa soo qaadan oo aan iga daba iman, xer iima ahaan karo. ²⁸Waayo, midkinnee doonaya inuu noobiyad dhiso oo aan kolkii hore fadhiisan inuu xisaabo intay ku kacayso, inuu ogaado inuu haysto wax uu ku dhammeeyo iyo in kale? ²⁹Waaba intaasoo markuu aasaaska dhigo oo uu dhammayn kari waayo, kuwa eegaya oo dhammu ay bilaabaan inay ku qoslaan, ³⁰iyagoo leh, Ninkanu wuxuu bilaabay inuu wax dhiso, waana dhammayn kari waayay. ³¹Ama boqorkee u tegaya inuu boqor kale dagaal u baxo, isagoo aan kolkii hore fadhiisan oo tashan inuu toban kun kala hor tegi karo kan labaatan kun ula imanaya? ³²Ama haddii kale intuu kan kale weli fog yahay, ayuu ergo soo diraa oo uu weydiistaa wax lagu heshiiyo. ³³Sidaa darteed midkiin walba oo aan ka tegin wuxuu leeyahay oo dhan, xer iima ahaan karo. ³⁴Haddaba cusbadu waa wanaagsan tahay. Laakiin haddii cusbadu dhadhan beesho, maxaa lagu cusbaynayaa? ³⁵Uma ay wanaagsana dhulka ama meeshii digada, waase la tuuraa. Kan dhego wax lagu maqlo lahu. ha maqlo.

Cutubka 15

Laxdii hallowday (Mk. 18:12-14)

¹Waxaa Ciise u soo dhowaanayay cashuurqaadayaasha iyo dembiilayaasha oo dhan inay maqlaan. ²Kolkaasay Farrisiintii iyo culimadiiba gunuunaceen, iyagoo leh, Ninkanu dembiilayaashuu soo dhoweeyaa oo wax la cunaa. ³Markaasuu masaalkan kula hadlay, oo ku yidhi, ⁴Ninkiinnee baa tiro ido ah leh, oo middood ka hallowday, aan sagaal iyo sagaashanka cidlada kaga tegin, oo aan tii hallowday ka daba tegin, ilaa uu soo helo? ⁵Oo goortuu soo helo, aan garbihiisa saarin, isagoo faraxsan. ⁶Oo goortuu guriga yimaado, aan isugu yeedhin saaxiibbadiisa iyo derisyadiisa, isagoo ku leh, ila farxa, waayo, waxaan helay laxdaydii iga hallowday? ⁷Waxaan idinku leeyahay, Sidaas oo kale, farxad ayaa jannada kaga jiri doonta dembiile toobad keena in ka badan sagaal iyo sagaashan xaq ah oo aan toobadkeen u baahnayn.

Lacagtii luntay

⁸Ama naagtee baa toban ^[4]daraakmo oo lacag ah leh, oo hadday daraakmo lumiso, aan laambad shidin, oo aan guriga xaaqin, oo aan dadaal ku doonin ilaa ay hesho? ⁹Oo markay hesho, aan saaxiibbadeeda iyo derisyadeeda isugu yeedhin iyadoo ku leh, Ila farxa, waayo, waxaan helay daraakmadii iga luntay. ¹⁰Waxaan idinku leeyahay, Sidaas oo kale markii mid dembi leh toobad keenoba, farxad ayaa kaga jirta malaa'igaha Ilaah hortooda.

Wiilkii wixiisii khasaariyey

¹¹Wuxuuna yidhi, Nin baa laba wiil lahaa. ¹²Kii yaraa ayaa aabbihii ku yidhi, Aabbow. waxaaga qaybtii aan heli lahaa i sii. Markaasuu iyaga u qaybiyey wuxuu ku noolaa. ¹³Maalmo aan badnayn dabadeed wiilkii yaraa waa wada urursaday wax walbaba, oo dhul fog ayuu u safray, halkaas ayuuna wixiisii ku khasaariyey, isagoo iska tumaya. ¹⁴Goortuu wada bixiyey dabadeed ayaa abaar daran dhulkaas ka dhacday, wuuna bilaabay inuu baahdo. ¹⁵Goortaasuu tegey oo isku daray nin dadka dhulkaas ah, kan u diray beerihiisa inuu doofaarro daajiyo. ¹⁶Wuxuu damcay inuu calooshiisa ka buuxiyo buunshihii doofaarradu ay cunayeen, ninnana waxba ma uu siin. ¹⁷Goortuu isgartay ayuu yidhi, Intee baa kuwa aabbahay kiraystay haysata kibis ka badan in ku filan, aniguna macaluul baan halkan ugu bakhtiyayaa. ¹⁸Waan kici oo aan aabbahay u tegi, oo waxaan ku odhan, Aabbow, waxaan ku dembaabay jannada iyo hortaadaba. ¹⁹Kol dambe ma istaahilo in laygu yeedho wiilkaaga, ee iga dhig sida kuwa aad kiraysatay midkood oo kale. ²⁰Markaasuu kacay, oo wuxuu u yimid aabbihii, laakiin intuu weli ka fogaa ayaa aabbihiis arkay, waana u naxariistay, oo ku soo orday oo qoortuu iskaga duubay, oo dhunkaday. ²¹Markaasaa wiilkii ku yidhi, Aabbow, waxaan ku dembaabay jannada iyo hortaadaba; kol dambe ma istaahilo hl laygu yeedho wiilkaaga. ²²Laakiin aabbihii ayaa addoommadiisii ku yidhi, Dhaqso u soo bixiya khamiiska ugu wanaagsan oo u geliya, kaatunna gacanta u geliya, kabona cagaha u geliya. ²³Dibigii yaraa ee la shishleeyey keena oo gowraca, aynu cunno oo faraxno, ²⁴waayo, wiilkaygan wuu dhintay, wuuna soo noolaaday; wuu lumay. waana la helay. Markaasay bilaabeen inay farxaan. ²⁵Laakiin wiilkiisii weynaa beerta buu ku jiray, oo intuu soo socday oo guriga u soo dhowaanayay. wuxuu maqlay muusika iyo cayaar. ²⁶Markaasuu midiidinyada midkood u yeedhay oo weydiiyey, Waa maxay waxaas? ²⁷Markaasuu ku yidhi. Walaalkaa ayaa yimid, aabbahaana dibigii yaraa ee la shishleeyey ayuu u gow racay, waayo, ladnaan buu ku helay. ²⁸Laakiin wuu cadhooday, oo inuu galo ma doonayn, markaasaa aabbihiis soo baxay oo baryay. ²⁹Laakiin wuu u jawaabay, oo wuxuu aabbihiis ku yidhi, Bal eeg, intaas oo sannadood ayaan kuu shaqaynayay, oo weligay amarkaaga kama aan xadgudbin. oo weligaa waxar iima aad siin inaan saaxiibbadayda la farxo. ³⁰Laakiin goortii uu yimid wiilkaagani waxaagii aad ku noolayd dhillooyin la cunay, waxaad u gowracday dibigii yaraa ee la shishleeyey. ³¹Markaasuu ku yidhi, Wiilkaygiiyow, weligaa waad ila joogtaa, oo waxayga oo dhan adigaa leh, ³²laakiin waxaa inoo wanaagsanayd inaynu rayrrayno oo faraxno, waayo, waalaalkaagani waa dhintay, wuuna soo noolaaday; wuu lumay, waana la helay.

Cutubka 16

Wakiilkii aan aaminka ahayn

¹Haddana wuxuu xertii ku yidhi, Waxaa jiri jiray nin hodan ah oo wakiil lahaa, kan loogu ashtakeeyey inuu alaabtiisa khasaarinayay. ²Markaasuu u yeedhay oo ku yidhi, Waa maxay waxan kugu saabsan ee aan maqlayo? I sii xisaabtii wakiilnimadaada, waayo, hadda ka dib wakiil sii ahaan kari maysid. ³Markaasaa wakiilkii isku yidhi, Maxaan sameeyaa, waayo, sayidkayga ayaa wakiilnimadii iga qaadaya? Itaal aan wax ku qodo ma lihi. inaan dawarsadona waan ka xishoonayaa. ⁴Waan garanayaa waxaan samaynayo, in goortii wakiilnimada layga saaro ay dadku guryahooda iigu dhowayn doonaan. ⁵Markaasuu u yeedhay mid walba oo sayidkiisu dayn ku lahaa. Kii hore ayuu ku yidhi, Sayidkaygu immisuu kugu leeyahay? ⁶Wuxuu yidhi. Boqol qiyaasood oo saliid ah. Markaasuu ku yidhi, Wixii laguu qoray soo qaad, oo dhaqso u fadhiiso oo qor, Konton. ⁷Markaasuu wuxuu mid kale ku yidhi, Immisuu kugu leeyahay? Isaguna wuxuu yidhi, Boqol qiyaasood oo sarreen ah. Markaasuu ku yidhi. Wixii laguu qoray soo qaad, oo qor, Siddeetan. ⁸Sayidkiisii ayaa wakiilkii xaqa darnaa faaniyey. waayo, si caqli leh ayuu u sameeyey, waayo, wiilashii wakhtigan waxay wiilasha iftiinka kaga caqli badan yihiin waxa qarnigooda ku saabsan.

Sida qumman oo maalka loo isticmaalo

⁹Oo waxaan idinku leeyahay, Saaxiibbo ku samaysta maalka xaqdarrada in goortuu dhammaado ay idiinku dhoweeyaan degmooyinka weligood ah. ¹⁰Kan waxa u yar aamin ku ah, ayaa weliba wax badan aamin ku ah. Kan waxa u yar ku xaq daran. ayaa waxa badanna ku xaq daran. ¹¹Haddii aydnaan maalka xaq daran aamin ku ahayn, waxa run ah yaa idinku aaminaya? ¹²Haddii aydnaan wixii qof kale leeyahay aamin ku ahayn, yaa idin siinaya wixiinna? ¹³Midiidinna laba sayid uma shaqayn karo, waayo, mid buu nacayaa, kan kalena wuu jeclaanayaa, ama mid buu la jirayaa, kan kalena wuu quudhsanayaa. Uma wada shaqayn kartaan Ilaah iyo maal.

Farrisiintii waa la canaantay

¹⁴Farrisiintii lacagta jeclayd ayaa waxaas oo dhan maqashay, wayna ku qosleen. ¹⁵Markaasuu wuxuu ku yidhi, Idinku waxaad tihiin kuwa dadka hortooda isku soo caddeeya inaad xaq tihiin. Laakiin Ilaah waa garanayaa qalbiyadiinna, waayo, wixii dadka dhexdooda lagu sarraysiiyaa, Ilaah hortiisa waa ka karaahiyo. ¹⁶Sharciga iyo nebiyadu waxay jireen ilaa Yooxanaa; tan iyo wakhtigaas injiilka boqortooyada Ilaah waa lagu wacdiyey. oo mid walbaba xoog buu ku galaa. ¹⁷Laakiin in sharciga dhibic keliya ka dhacdo waxaa ka hawl yar in cirka iyo dhulku ay idlaadaan. ¹⁸Mid walba oo naagtiisa fura oo mid kale guursadaa wuu sinaystaa, oo kii guursadaa mid nin laga furay wuu sinaystaa.

Ninkii hodanka ahaa ivo miskiinkii Laasaros la odhan jiray

¹⁹Waxaa jiri jiray nin hodan ah oo dhar gududan oo jilicsan sidan jiray, maalin walbana barwaaqo aad buu ugu farxi jiray. ²⁰Oo waxaa albaabkiisa la dhigi jiray miskiin Laasaros la odhan jiray, isagoo boogo miidhan leh, ²¹oo doonaya in la siiyo jajabkii miiska ninkii hodanka ahaa ka dhacay. Eeyduna way iman jireen oo boogihiisa leefleefi jireen. ²²Waxaa dhacay inuu miskiinkii dhintay, oo malaa'igahu waxay u qaadeen laabtii Ibraahim. Ninkii hodanka ahaana waa dhintay, waana la aasay. ²³Intuu Haadees ku jiray ayuu indhihiisa kor u qaaday isagoo aad u silcaya; wuxuuna meel fog ka arkay Ibraahim, iyo Laasaros oo laabtiisa ku tiirsan. ²⁴Markaasuu qayliyey oo yidhi, Aabbe Ibraahimow, ii naxariiso, oo Laasaros ii soo dir inuu fartiisa caaradeeda biyo ku tiinbiyo oo carrabkayga ku qabowjiyo, waayo, anigu ololkan ayaan ku silcayaa. ²⁵Laakiin Ibraahim wuxuu ku yidhi. Wiil yahow, xusuuso inaad waxaagii wanaagsanaa heshay intii aad noolayd, si la mid ah ayuu Laasaros waxa xun helay, laakiin haddeer isaga halkan ayaa lagu raaxaysiiyey, adiguse waad silcaysaa. ²⁶Weliba annaga iyo idinka waxaa layna dhex dhigay bohol aad u weyn, si kuwa doonaya inay halkan ka sii tallaabaan inay idiin yimaadaan aanay u karin, oo kuwa xaggaasna ayna noogu soo tallaabin. ²⁷Markaasuu wuxuu ku yidhi, Aabbow, waxaan kaa baryayaa haddaba inaad guriga aabbahay isaga u dirtid, ²⁸waayo, shan walaalo ah baan leeyahay, si uu ugu warramo inaanay iyaguna meeshan silaca leh iman. ²⁹Laakiin Ibraahim wuxuu ku yidhi, Waxay leeyihiin Muuse iyo nebiyada ee ha maqleen. ³⁰Markaasuu wuxuu ku yidhi, Maya, Aabbe Ibraahimow, laakiin haddii qof kuwii dhintay uga tago. way toobad keeni doonaan. ³¹Wuxuuse ku yidhi. Haddii ay maqli waayaan Muuse iyo nebiyada, in kastoo qof kuwii dhintay ka soo sara kaco, la oggolaysiin kari maayo inay rumaystaan.

Cutubka 17

Wuxoogaa hadalkii Ciise ah (Mt. 18:6-7. 21-22; Mk. 9:42)

¹Wuxuu xertiisii ku yidhi, Ma suurtowdo inaan xumaantu iman, laakiin waa u hoog kan ay xumaantu ka timaado. ²In qof yaryarkan midkood xumeeyo, waxaa uga roon in dhagaxshiid luqunta looga lalmiyo oo badda lagu tuuro. ³Iska dhawra. Walaalkaa hadduu dembaabo, canaano; hadduuna toobad keeno, cafi. ⁴Hadduu toddoba goor maalintii kugu dembaabo, oo toddoba goor kuu soo jeesto, isagoo leh, Waa toobad keenay, waa inaad cafido. ⁵Markaasay rasuulladii waxay Rabbiga ku yidhaahdeen, Rumaysad noo kordhi. ⁶Rabbiguna wuxuu ku yidhi, Haddaad leedihiin rumaysad iniin khardal le'eg, waxaad ku odhan lahaydeen geedkan sukamin, Ruq, oo badda ku beeran, wuuna idin addeeci lahaa. ⁷Laakiin kiinnee baa leh addoon dhulka jaraya ama adhi jiraya, oo ku odhan doona goortuu beerta ka yimaado, Dhaqso u kaalay oo cunto u fadhiiso? ⁸Laakiin miyaanu ku odhan doonin, Diyaari waxaan ku casheeyo, oo gunto, oo ii adeeg intaan wax cunayo oo cabbayo, kolkaa dabadeed ayaad wax cuni oo cabbi? ⁹Miyuu addoonkii u mahad naqayaa, waayo, wuxuu sameeyey wixii la amray? ¹⁰Sidaas oo kale idinkuna goortaad samaysaan wixii laydinku amray oo dhan, waxaad tidhaahdaan, Addoommo aan waxtar lahayn baannu nahay; wixii aannu lahayn inaannu samayno ayaannu samaynay

Ciise wuxuu bogsiiyey toban nin oo baras qaba

¹¹Waxaa dhacay intay Yeruusaalem ku sii socdeen inuu Samaariya iyo Galili dhex marayay. ¹²Oo goortuu tuulo galay, waxaa la kulmay toban nin oo baras leh oo meel fog ka istaagay. ¹³Markaasay codka kor u qaadeen iyagoo leh, Ciisow, Macallimow, noo naxariiso. ¹⁴Goortuu arkay, wuxuu ku yidhi, Taga oo istusa wadaaddada. Oo waxaa dhacay, intay sii socdeen, inay daahirsameen. ¹⁵Midkood goortuu arkay inuu bogsaday, ayuu soo jeestay oo cod weyn Ilaah ku ammaanay. ¹⁶Oo wejigiisa ayuu cagihiisa ag dhigay oo u mahad naqay. Wuxuuna ahaa reer Samaariya. ¹⁷Ciisena waa u jawaabay oo ku yidhi, Tobankii miyaanay daahirsamin? Laakiin meeye sagaalkii? ¹⁸Miyaan la arag kuwa u soo noqday inay Ilaah ammaanaan, shisheeyahan maahee'? ¹⁹Markaasuu ku yidhi. Kac oo soco. Rumaysadkaaga ayaa ku bogsiiyey.

Imaatinka boqortooyada

²⁰Farrisiintii goortay weydiiyeen oo ku yidhaahdeen, Goormay boqortooyada Ilaah imanaysaa? wuxuu ugu jawaabay, Boqortooyada Ilaah dhawrid ku iman mayso. ²¹Lamana odhan doono, Waa tan! ama, Waa taas! waayo, bal eega, boqortooyada Ilaah waa idinku dhex jirtaa. ²²Markaasuu xertii ku yidhi. Maalmuhu waa iman doonaan goortaad dooni doontaan inaad aragtaan maalmaha Wiilka Aadanaha middood, mana arki doontaan. ²³Waxaana laydinku odhan doonaa, Waa taas! Waa tan! Ha bixina, hana raacina. ²⁴Waayo. sida hillaacu markuu dhinaca hoose oo cirka ka hillaaco oo ilaa dhinaca kale oo hoose oo cirka u ifiyo, sidaas oo kale ayuu Wiilka Aadanahuna ahaan doonaa maalintiisa. ²⁵Laakiin kolka hore waxay waajib ugu tahay inuu wax badan ku xanuunsado oo uu qarniganu diido isaga. ²⁶Oo sidii wakhtigii Nuux ahaa, sidaas oo kale ayay noqon doontaa maalmaha Wiilka Aadanaha. ²⁷Wax bay cuni jireen oo cabbi jireen, wayna guursan jireen oo guur baa la siin jiray, ilaa maalintii Nuux uu doonnida galay, oo daadkii yimid oo wada baabi'iyey. ²⁸Sidaas oo kale ayay weliba ahayd maalmihii Luut. Wax bay cuni jireen oo cabbi jireen, wax bayna iibsan jireen oo iibin jireen, oo beeran jireen, oo dhisan jireen. ²⁹Laakiin maalintii Luut ka baxay Sodom ayay dab iyo baaruud cirka kaga soo daateen oo wada baabi'iyeen. ³⁰Si la mid ah ayay noqon doontaa maalinta Wiilka Aadanahu soo muuqdo. ³¹Maalintaas kii guriga fuushanu, oo alaabtiisu guriga ku jirto, yaanu u soo degin inuu soo qaato; kii beerta joogaana sidaas oo kale yaanu dib u noqon. ³²Naagtii Luut xusuusta. ³³Kan doona inuu naftiisa badbaadiyo waa lumin doonaa, laakiin kan lumiya ayaa badbaadin doona. ³⁴Waxaan idinku leeyahay, Habeenkaas laba nin ayaa sariir wada joogi doona; mid waa la qaadi doonaa, kan kalena waa laga tegi doonaa. ³⁵Waxaana jiri doona laba naagood oo wax isla shiidi doona, mid waa la qaadi doonaa, tan kalena waa laga tegi doonaa. ³⁶Waxaana beerta ku jiri doona laba nin, mid waa la qaadi doonaa, kan kalena waa laga tegi doonaa. ³⁷Markaasay u jawaabeen oo ku yidhaahdeen, Xaggee, Sayidow? Wuxuuna ku yidhi, Meeshii bakhtigu yaal. halkaas ayaa gorgorraduna isugu ururi doonaan.

Cutubka 18

Masaalka ku saabsan carmalka iyo xaakinka

¹Si Ciise u tuso inay waajib ku tahay iyaga inay mar walba tukadaan oo aanay ka qalbi jabin, wuxuu iyaga kula hadlay masaal isagoo leh, ²Waxaa magaalo joogay xaakin aan Ilaah ka baqi jirin, ninnana aan danayn jirin. ³Waxaana magaaladaas joogtay carmal ninkeedii ka dhintay, marar badanna way u timid, iyadoo ku leh, Cadowgayga iga xaq sii. ⁴Intii wakhti ah ayuu yeeli waayay, laakiin dabadeed wuxuu isku yidhi, In kastoo aanan Ilaah ka baqin, oo aanan ninna danayn, ⁵weliba dhibta ay carmalkan i dhibayso aawadeed, waan xaq siin doonaa, si aanay marar badan iigu soo noqnoqon oo ii daalin. ⁶Markaasaa Rabbigu yidhi, Maqla wixii xaakinkii xaqa darnaa yidhi. ⁷Ilaahna miyaanu xaq siin doonin kuwuu doortay oo habeen iyo maalinba u qayliya: oo miyaanu u dulqaadan doonin? ⁸Waxaan idinku leeyahay, Dhaqsoba wuu u xaq siin doonaa; hase ahaatee goortuu Wiilka Aadanahu yimaado, markaas rumaysad ma ka heli doonaa dhulka?

Farrisigii iyo cashuurqaadihii

⁹Masaalkan ayuu kula hadlay qaar ismoodayay inay xaq yihiin oo kuwa kale quudhsaday. ¹⁰Laba nin ayaa tegey inay macbudka ku tukadaan; mid Farrisi buu ahaa, kan kalena cashuurqaade. ¹¹Farrisigii intuu istaagay ayuu waxyaalahan isugu tukaday, Ilaahow, waxaan kuugu mahad naqayaa inaanan ahayn sida nimanka kale oo wax dulma, iyo kuwa xaqa daran, iyo dhillayaasha ama xataa sida cashuurqaadahan. ¹²Toddobaadkiiba laba kol ayaan soomaa waxaan haysta oo dhanna toban meelood ayaan meel ka bixiyaa. ¹³Laakiin cashuurqaadihii meel fog ayuu ka istaagay, ma uuna doonaynin inuu indhihiisa cirka u qaado, laakiin laabtiisa ayuu garaacay isagoo leh, Ilaahow, ii naxariiso anigoo dembi leh. ¹⁴Waxaan idinku leeyahay, Kan iyo kii kale, kan baa gurigiisa tegey isagoo la caddeeyey inuu xaq yahay; waayo, mid kasta oo isa sarraysiiya waa la hoosaysiin doonaa, oo kii is-hoosaysiiyana waa la sarraysiin doonaa.

Ciise wuxuu u duceeyey carruuryaryar (Mt 19:13-15; Mk. 10:13-16)

¹⁵Ilmo yaryar ayay u keeneen inuu taabto, laakiin goortii xertii aragtay, ayay canaanteen. ¹⁶Laakiin Ciise ayaa u yeedhay oo ku yidhi, Ilmaha yaryar daaya, ha ii yimaadeene. hana diidina, waayo, kuwan oo kale ayaa ka mid ah boqortooyada Ilaah. ¹⁷Runtii waxaan idinku leeyahay, Ku alla kii aan boqortooyada Ilaah u aqbalin sida ilmo yar oo kale, meeshaas ma uu geli doono.

Nolosha weligeed ah; iyo ninkii maalka jeclaa (Mt. 19:16-30; Mk. 10:17-31)

¹⁸Taliye ayaa weydiiyey isagoo leh, Macallin wanaagsanow, maxaan sameeyaa inaan nolosha weligeed ah dhaxlo? ¹⁹Markaasaa Ciise ku yidhi, Maxaad iigu yeedhaysaa wanaagsanow? Mid wanaagsan ma jiro mid maahee, kaasuna waa Ilaah. ²⁰Qaynuunnada waad taqaan, Waa inaanad sinaysan, Waa inaanad qudh gooyn, Waa inaanad wax xadin, Waa inaanad marag been ah furin, Aabbahaa iyo hooyadaana maamuus. ²¹Markaasuu yidhi, Kuwaas oo dhan tan iyo yaraantaydii waan dhawray. ²²Ciise goortuu waxaas maqlay ayuu ku yidhi, Weli wax keliya ayaa kuu dhiman. Waxaad haysatid oo dhan iibi, oo masaakiinta u qaybi, oo waxaad jannada ku lahaan doontaa maal, ee kaalay oo i soo raac. ²³Laakiin goortuu waxaas maqlay ayuu aad uga caloolxumaaday, waayo, aad buu hodan u ahaa. ²⁴Ciise goortuu arkay, wuxuu yidhi, Kuwa hodanka ah waa ku adag tahay inay boqortooyada Ilaah galaan, ²⁵waayo, nin hodan ah inuu boqortooyada Ilaah galo waxaa ka hawl yar in awr irbad daloolkeeda ka duso. ²⁶Markaasaa kuwa maqlay waxay ku yidhaahdeen, Haddaba yaa badbaadi kara? ²⁷Wuxuuse ku yidhi, Waxa aan dadka u suurtoobin, Ilaah waa u suurtoobaan. ²⁸Butros ayaa ku yidhi, Bal eeg, waxayagii ayaannu ka tagnay, waana ku raacnay. ²⁹Wuxuuna ku yidhi, Runtii waxaan idinku leeyahay, Ma jiro nin boqortooyada Ilaah aawadeed uga tegey guri, ama afo, ama walaalo, ama waalid, ama carruur, ³⁰Oo aan haatan helayn labanlaab badan, wakhtiga imanayana nolosha weligeed ah.

Mar saddexaad ayaa Ciise sii sheegay dhimashadiisa (Mk. 20:17-19; Mk. 10:32-34)

³¹Laba-iyo-tobankii ayuu watay oo ku yidhi, Waxaynu ku soconnaa Yeruusaalem, oo wax walba oo nebiyadu qoreen ayaa Wiilka Aadanaha u noqon doona. ³²Waayo, isaga waxaa loo dhiibi doonaa dadka aan Yuhuudda ahayn, waana lagu kajami doonaa, oo la caayi doonaa, oo lagu tufi doonaa, ³³wayna karbaashi doonaan oo dili doonaan, maalinta saddexaadna wuu soo sara kici doonaa. ³⁴Laakiin waxyaalahaas waxba kama ay garan, hadalkaasna waa ka qarsoonaa, mana ay garan wixii la y idhi.

Ciise wuxuu bogsiiyey nin indha la' (Mt. 20:29-34; Mk. 10:46- 52)

³⁵Waxaa noqotay markuu Yerixoo ku soo dhowaaday, in nin indha la jidka ag fadhiyey oo dawarsanayay, ³⁶oo goortuu maqlay dadka badan oo ag maraya ayuu weydiiyey waxaas waxay ahaayeen. ³⁷Waxay u sheegeen in Ciisihii Reer Naasaret ag marayo. ³⁸Markaasuu qayliyey isagoo leh, Ciise, ina Daa'uudow, ii naxariiso. ³⁹Kuwa hor marayay ayaa canaantay si uu u aamuso, laakiin si ka badan ayuu ugu qayliyey, Ina Daa'uudow, ii naxariiso ⁴⁰Markaasaa Ciise joogsaday oo wuxuu ku amray in loo keeno, oo goortuu u soo dhowaaday ayuu weydiiyey, oo ku yidhi, ⁴¹Maxaad doonaysaa inaan kuu sameeyo? Wuxuu ku yidhi, Sayidow, inaan wax arko. ⁴²Markaasaa Ciise ku yidhi, Wax arag; rumaysadkaaga ayaa ku bogsiiyey. ⁴³Kolkiiba ayuu wax arkay, wuuna raacay oo Ilaah ammaanay. Dadkii oo dhanna goortay arkeen, ayay Ilaah ammaaneen.

Cutubka 19

Sakhayos

¹Ciise wuxuu galay oo dhex marayay Yerixoo. ²Oo bal eeg waxaa jiray nin Sakhayos la odhan jiray; kan ahaa madaxda cashuurqaadayaasha, oo hodan buuna ahaa. ³Wuxuuna doonayay inuu Ciise arko cid uu yahay, wuuna kari waayay dadkii badnaa aawadood, waayo, wuu gaabnaa. ⁴Hore buu u orday, oo wuxuu fuulay geed sukomoor inuu isaga arko, waayo, goor dhow jidkaas ayuu soo mari lahaa. ⁵Ciise goortuu meeshii yimid, ayuu kor u eegay, oo wuxuu ku yidhi, Sakhayosow. dhaqso u soo deg, waayo, maanta waa inaan gurigaaga joogo. ⁶Dhaqso ayuu u soo degay, oo farxad ayuu ku soo dhoweeyey. ⁷Dadkii goortay arkeen, kulligood way wada gunuunaceen, iyagoo leh, Nin dembi leh ayuu u marti galay. ⁸Sakhayos waa istaagay oo Rabbiga ku yidhi, Bal eeg, Sayidow, maalkayga badhkiisa ayaan masaakiinta siinayaa, oo haddii aan nin wax ka dulmay, waxaan u celinayaa afar laab. ⁹Ciise wuxuu ku yidhi, Maanta badbaadinta ayaa gurigan timid, waayo, isaguna waa ina Ibraahim. ¹⁰Waayo, Wiilka Aadanahu wuxuu u yimid inuu kii hallaabay doondoono oo badbaadiyo.

Masaalka ku saabsan lacagta la yidhaahdo mina (Mk. 25:14-30)

¹¹Goortay waxaas maqleen, masaal buu ku daray oo ku hadlay, waayo, wuxuu ku dhowaa Yeruusaalem, waxayna u maleeyeen boqortooyada Ilaah inay markiiba soo muuqan doonto. ¹²Sidaa darteed wuxuu yidhi, Nin sharaf leh ayaa dal fog tegey inuu boqortooyo soo helo oo soo noqdo. ¹³Wuxuu u yeedhay tobankiisa addoon, oo wuxuu u dhiibay toban ^[5]mina, oo ku yidhi, Ku baayacmushtara ilaa aan soo noqdo. ¹⁴Laakiin dadkii magaaladiisa ayaa nacay, oo waxay ka daba direen ergo iyagoo leh, Dooni mayno ninkaas inuu boqor noo ahaado. ¹⁵Goortuu soo noqday isagoo boqortooyadii qaatay, wuxuu ku amray in loo yeedho addoommadii uu lacagtii u dhiibay inuu ogaado mid kasta intuu ka faa'iiday baayacmushtarigii. ¹⁶Kii hore ayaa u yimid oo ku yidhi, Sayidow, minahaagii ayaa toban kale laga faa'iiday. ¹⁷Markaasuu ku yidhi, Si wanaagsan baad yeeshay, addoon yahow wanaagsan. Wax yar ayaad aamin ku ahayd, ee toban magaalo u sarree. ¹⁸Markaasaa kii labaad yimid isagoo leh, Sayidow, minahaagii waxaa laga faa iiday shan mina. ¹⁹Kaasna wuxuu ku yidhi, Adna shan magaalo u sarree. ²⁰Kii kalena waa yimid isagoo leh, Sayidow, waa kaa minahaagii aan maro yar ku guntay oo meel dhigay. ²¹Waayo, waan kaa baqay, maxaa yeelay, nin ba'an baad tahay; waxaad qaadataa waxaanad dhigan, oo waxaad gurataa waxaanad beeran. ²²Wuxuu ku yidhi, Waxaa afkaaga ka soo baxay ayaan kugu xukumayaa, addoon yahow sharka leh. Waad ogayd inaan ahay nin ba'an oo qaato wixii aanan dhigan oo gurto wixii aanan beeran. ²³Maxaad haddaba lacagtaydii baangiga u dhigi weyday, si, markaan imaado, aan u soo qaato lacagtaydii iyo faa'iidadeediiba? ²⁴Markaasuu ku yidhi kuwii ag taagnaa, Minaha ka qaada oo u dhiiba kan tobanka mina haya. ²⁵Waxay ku yidhaahdeen, Sayidow, toban mina ayuu hayaa. ²⁶Waxaan idinku leeyahay, Mid walba oo wax haysta waa la siin doonaa, kii aan waxba haysanse waa laga qaadi doonaa xataa wuxuu haysto. ²⁷Laakiin cadowyadaydan oo aan doonin inaan boqor u ahaado halkan keena oo hortayda ku laaya.

Ciise guul buu ku galay Yeruusaalem (Mt. 21:1-11; Mk. 11:1-11; Yoox. 12:12-19)

²⁸Goortuu waxaas ku hadlay ayuu hore u socday oo Yeruusaalem tegey. ²⁹Goortuu Beytfaage iyo Beytaniya ku dhowaaday ilaa buurta Buur Saytuun la yidhaahdo ayuu laba xer ah diray. ³⁰isagoo leh, Tuulada idinka soo hor jeedda taga, tan goortaad gashaan aad ka helaysaan qayl xidhan oo aan ninna weligii fuulin: soo fura oo keena. ³¹Haddii laydin weydiiyo oo laydinku yidhaahdo, Maxaad u furaysaan? waxaad ku tidhaahdaan, Sayidkaa u baahan. ³²Markaasay kuwii la diray tageen oo heleen sidii lagu yidhi. ³³Kolkay qaylka furayeen ayaa kuwii lahaa ku yidhaahdeen, Maxaad qaylka u furaysaan? ³⁴Waxay ku yidhaahdeen. Sayidkaa u baahan. ³⁵Markaasay Ciise u keeneen. oo dharkoodii bay qaylkii dusha ka saareen, oo Ciise ayay fuusheen. ³⁶Oo intuu socday, dharkoodii ayay jidka ku gogleen. ³⁷Goortuu ku soo dhowaanayay xataa meeshii Buur Saytuun laga dego. dadkii oo dhan oo xertii ahaa ayaa bilaabay inay farxaan, oo cod weyn Ilaah ku ammaanaan waxa xoogga leh oo dhan oo ay arkeen aawadood, ³⁸iyagoo leh, Waxaa barakadaysan Boqorka Rabbiga magiciisa ku imanaya. Nabadi jannada ha ku jirto. ammaantuna meelaha ugu sarreeya. ³⁹Farrisiintii qaarkood oo dadkii badnaa ku dhex jiray ayaa ku yidhi, Macallimow, xertaada canaano. ⁴⁰Markaasuu u jawaabay oo ku yidhi. Waxaan idinku leeyahay, Kuwani hadday aammusaan, dhagaxyada ayaa qaylin doona.

Ciise waa u ooyay Yeruusaalem

⁴¹Oo markuu ku soo dhowaaday. ayuu magaalada arkay oo u ooyay, ⁴²isagoo leh, Adigu haddii aad maalintan garan lahayd waxa nabad ah! Laakiin hadda waa laga qariyey indhahaaga. ⁴³Waayo. maalmuhu way kuu iman doonaan markii cadowyadaadu ay xaggaaga dhufays u soo qodan doonaan, oo ay kugu wareegi doonaan oo ay dhinac walba kaa celin doonaan. ⁴⁴Way ku dumin doonaan, adiga iyo carruurtaada kugu jirta, oo kuguma dayn doonaan dhagax dhagax dul saaran, waayo, waad garan weyday wakhtigii booqashadaada.

Ciise macbudkuu nadiifiyey (Mt. 21:12-17; Mk. 11:15-14)

⁴⁵Wuxuu galay macbudka oo bilaabay inuu ka eryo kuwii wax ku iibinayay, ⁴⁶isagoo ku leh. Waa qoran tahay, Gurigaygu wuxuu ahaan doonaa guriga tukashada, laakiin idinku waxaad ka dhigteen god tuugo. ⁴⁷Maalin walba ayuu macbudka ku jiri jiray isagoo wax baraya: laakiin wadaaddada sare iyo culimada iyo madaxda dadku waxay dooneen inay dilaan, ⁴⁸oo ay waayeen waxay ku sameeyaan, waayo, dadka oo dhan ayaa aad u dhegaysanayay.

Cutubka 20

Ciise amarkiisii waa la weydiiyey (Mt. 21:23-27; Mk. 11:27-33)

¹Maalmahaa middood intuu Ciise dadka macbudkii wax ku barayay oo injiilka kaga dhex wacdiyeyey, waxaa dhacay in wadaaddada sare iyo culimada ula yimaadeen waayeellada ²oo la hadleen oo ku yidhaahdeen. Noo sheeg, Amarkee baad waxan ku samaysaa? Oo yuu yahay kan amarkan ku siiyey? ³Markaasuu u jawaabay oo ku yidhi. Aniguna hal baan idin weydiinayaa, iina sheega. ⁴Baabtiiskii Yooxanaa ma wuxuu ka yimid xagga jannada mase dadka? ⁵Dhexdooda ayay iskala hadleen iyagoo leh, Haddaynu nidhaahno, Xagga jannada, wuxuu odhanayaa, Maxaad u rumaysan weydeen? ⁶Laakiin haddii aynu nidhaahno. Xagga dadka, dadka oo dhan ayaa ina dhagxinaya, waayo, waa la aaminsiiyey inuu Yooxanaa nebi ahaa. ⁷Markaasay waxay ugu jawaabeen inaanay garan meeshuu ka yimid. ⁸Ciisena wuxuu ku yidhi, Aniguna idiin sheegi maayo amarka aan waxan ku sameeyo.

Masaalka ku saabsan beerta canabka ah (Mt. 21:33-46; Mk. 12:1-12)

⁹Wuxuu bilaabay inuu masaalkan dadka kula hadlo. Nin baa wuxuu beertay beer canab ah, oo niman beerray ah u kiraystay, markaasuu dal kale tegey, oo wax badan ku maqnaa. ¹⁰Goortii xilligii yimid, ayuu addoon u soo diray beerraydii inay isaga siiyaan midhaha beerta. laakiin beerraydii ayaa garaacday oo wax la'aan ku dirtay. ¹¹Haddana wuxuu diray addoon kale, kaasna way garaaceen, oo ceebeeyeen, oo wax la'aan ku direen. ¹²Haddana mid saddexaad ayuu diray, kaasna way dhaawaceen oo iska tuureen ¹³Markaasaa sayidka beerta wuxuu yidhi, Maxaan sameeyaa? Waxaan dirayaa wiilkaygaan jeclahay. malaha way maamuusi doonaan. ¹⁴Laakiin beerraydii goortay arkeen, waxay isku yidhaahdeen, Kanu waa kii dhaxalka lahaa; aan dilnee, si aynu dhaxalka u lahaanno. ¹⁵Markaasay beertii canabka ahayd dibaddeeda ku tuureen, wayna dileen. Haddaba sayidkii beerta canabka ah muxuu iyaga ku samayn doonaa? ¹⁶Wuu iman doonaa oo beerraydaas dili doonaa, oo dad kalena ayuu beerta canabka ah u dhiibi doonaa. Goortay taas maqleen waxay yidhaahdeen. Yaanay noqon. ¹⁷Laakiin wuu eegay oo ku yidhi. Haddaba muxuu yahay waxan la qoray, Dhagaxii kuwa wax dhisaa ay diideen. Kaasu wuxuu noqday madaxa rukunka? ¹⁸Mid kasta oo dhagaxaas ku dhacaa, wuu jejebi doonaa. laakiin kan uu ku dhoco. wuu burburin doonaa. ¹⁹Saacaddaas qudheeda ayaa culimadii iyo wadaaddadii sare dooneen inay isagii qabtaan; laakiin dadkay ka baqeen; waayo. waxay garteen inuu masaalkan iyaga kaga hadlay.

Wax ku saabsan cashuurta Kaysar la siinayo (Mt. 22:15 -22; Mk. 12:13-17)

²⁰Wayna dayayeen, oo ay u soo direen jaajuusiin iska dhigaya dad xaq ah. si ay hadalkiisa ugu qabtaan. oo ay ugu gacan geliyaan talada iyo amarka taliyaha. ²¹Markaasay weydiiyeen oo ku yidhaahdeen, Macallimow, waxaamlu og nahay inaad si hagaagsan wax u tidhaahdo oo wax u bartid, oo aanad ninna u eexan, laakiin aad jidka Ilaah run ku bartid. ²²Ma xalaal baa inaannu cashuur Kaysar siinno ama inaannan siin? ²³Laakiin khiyaanadooda wuu gartay, oo wuxuu ku yidhi, ²⁴Dinaar i tusa. Yaa leh masawirkan iyo qorniinkan ku yaal? Waxay yidhaahdeen, Kaysar baa leh. ²⁵Markaasuu ku yidhi. Haddaba Kaysar siiya wixii Kaysar leeyahay, Ilaahna siiya wixii Ilaah leeyahay. ²⁶Hadalkiisa way ku qaban kari waayeen dadka hortiisa, wayna ka yaabeen jawaabtiisa, oo way aamuseen.

Sarakicidda kuwii dhintay (Mt. 22:23-33; Mk. 12:18-27)

²⁷Waxaa u yimid qaar Sadukiin ah, kuwii odhan jiray, Sarakicidda kuwii dhintay ma jirto. ²⁸Oo waxay weydiiyeen oo ku yidhaahdeen, Macallimow, Muuse wuxuu noo qoray, Nin walaalkiis hadduu dhinto isagoo naag leh oo aan carruur lahayn. walaalkiis naagtiisa waa inuu dumaalo oo uu carruur walaalkiis u dhalo. ²⁹Haddaba waxaa jiray toddoba walaalo ah. Kii ugu horreeyey naag buu qabay. wuuna dhintay carruur la'aan. ³⁰Kii labaadna wuu guursaday. ³¹oo kii saddexaadna waa dumaalay. Sidaasay toddobadii u wada guursadeen. carruurna kama ay tegin. wayna dhinteen. ³²Kulligood dabadeed naagtiina waa dhimatay. ³³Haddaba wakhtiga sarakicidda kuwii dhintay. iyaga kee bay naagtiisa ahaan doontaa? Waayo. toddobadu way wada guursadeen. ³⁴Ciise wuxuu ku yidhi, Wiilashii wakhtigan waa guursadaan, guurna waa la siiyaa. ³⁵laakiin kuwa loo xisaabay inay istaahilaan inay gaadhaan wakhtigaas iyo ka soo sarakicidda kuwii dhintay ma guursadaan, guurna lama siiyo, ³⁶waayo, kol dambe ma dhiman karaan, maxaa yeelay, waxay yihiin sida malaa'igaha, oo waxay yihiin wiilashii Ilaah iyagoo ah wiilashii sarakicidda. ³⁷Laakiin in kuwii dhintay la sara kiciyo Muuse ayaa tilmaamay xaggii geedka markuu Rabbiga ugu yeedhay llaaha Ibraahim iyo llaaha Isxaaq iyo Ilaaha Yacquub. ³⁸Laakiin isagu ma aha Ilaaha kuwa dhintay. laakiin waa llaaha kuwa nool, waayo, dhammaan isagay u nool yihiin. ³⁹Culimada qaarkood ayaa u jawaabay oo ku yidhi. Macallimow, si wanaagsan ayaad u hadashay. ⁴⁰Kol dambe kuma ay dhicin inay wax weydiiyaan.

Wax Masiixa ku saabsan (Mt. 22:41-46; Mk 12:35-37)

⁴¹Wuxuuna ku yidhi. Sidee bay u yidhaahdaan. Masiixu waa ina Daa'uud? ⁴²Daa'uud qudhiisa ayaa kitaabkii Sabuurrada ku leh, Rabbigu wuxuu Sayidkayga ku yidhi. Midigtayda fadhiiso, ⁴³Ilaa aan cadaawayaashaada cagahaaga hoostooda gel iyo. ⁴⁴Haddaba Daa'uud ayaa ugu yeedhay Sayid, ee sidee buu wiilkiisa u yahay?

Waano Culimada ka gees ah (Mt. 23:1-36; Mk. 12:38-40; Lk.ll:37-54)

⁴⁵Dadkii oo dhan oo maqlaya, ayuu xertiisii ku yidhi, ⁴⁶Iska jira culimada oo doonaya inay khamiisyo dhaadheer ku socdaan, oo jecel salaanta suuqa, iyo kursiyada hore oo sunagogyada, iyo meelaha hore oo diyaafadaha, ⁴⁷kuwa wada laasta guryaha carmallada, oo tukashooyin dhaadheer istusid u tukada. Kuwaas waxay heli doonaan xisaab aad u daran.

Cutubka 21

Sadaqada carmalku macbudka ku bixisay (Mk. 12:41-44)

¹Kor buu u eegay, oo wuxuu arkay kuwa hodanka ah oo hadiyadahoodii khasnadda ku ridaya. ²Wuxuuna arkay carmal miskiin ah oo meeshaas laba lacag ah oo yaryar ku ridaysa. ³Markaasuu yidhi. Runtii waxaan idinku leeyahay, Carmalkan miskiinta ah waxay ku ridday wax ka badan wixii ay dhammaan ku rideen. ⁴Waayo, kuwaas oo dhan waxoodii badnaa ayay wax kaga rideen hadiyadaha, iyaduse miskiinnimadeeda waxay kaga ridday wixii ay ku noolaan lahayd oo dhan.

Ciise wuxuu sii sheegay dumidda macbudka (Mt. 74:1-2; Mk. 13:1-2)

⁵Oo qaar kolkay macbudka ka hadlayeen in dhagaxyo wanaagsan iyo hadiyado lagu qurxiyey, wuxuu yidhi, ⁶Waxaa imanaya maalmo goortii kuwaas aad arkaysaan aan dhagax dhagax kale dushiisa lagu dul dayn doonin oo aan la dumin doon in.

Belaayooyinka imanaya (Mt. 24:3-25; Mk. 13:3-23)

⁷Markaasay weydiiyeen oo ku yidhaahdeen, Macallimow, goormay waxyaalahanu ahaan doonaan, oo calaamadu maxay ahaan doontaa goortii waxyaalahanu ay dhowaan doonaan? ⁸Markaasuu yidhi, Iska eega yaan laydin khiyaanayn, waayo, qaar badan ayaa magacayga ku iman doona, oo waxay odhan doonaan, Anigu waxaan ahay isaga; iyo, Wakhtigu waa soo dhowaaday. Ha raacina. ⁹Oo markaad dagaallo iyo rabshooyin maqashaan ha baqanina, waayo. kolka hore waxyaalahanu waa inay dhacaan, laakiin dhammaadku kolkiiba ma aha. ¹⁰Markaasuu ku yidhi. Quruunba quruun bay ku kici doontaa, boqortooyona boqortooyo. ¹¹Waxaa meelo kala duwan ka dhici doona dhulgariir iyo abaaro iyo cudurro, samadana waxaa laga arki doonaa waxyaalo cabsi leh iyo calaamooyin waaweyn. ¹²Waxyaalahan oo dhan hortood gacmahooday idin saari doonaan oo idin silcin doonaan oo idiin dhiibi doonaan sunagogyada iyo xabsiyada, oo waxaa magacayga aawadiis laydiin hor geeyn doonaa boqorro iyo taliyayaal. ¹³Waxayna idinku noqon doontaa marag. ¹⁴Sidaa darteed qalbiyadiinna geliya inaydnaan hore ugu fikirin waxaad ku jawaabi doontaan. ¹⁵Waayo, waxaan idin siin doonaa af iyo xigmad aanay cadaawayaashiinna oo dhammu ka adkaan karin oo aanay ka gees hadli karin. ¹⁶Laakiin idinka waxaa idin gacan gelin doona waalidkiinna, iyo walaalahiinna, iyo xigaalkiinna, iyo saaxiibbadiinna, qaarkiinnana waa la dili doonaa. ¹⁷Dadka oo dhan ayaa magacayga aawadiis idiin necbaan doona. ¹⁸Tinna madaxiinna kama lumi doono. ¹⁹Waa inaad naftiinna ku haysataan dulqaadashadiinna. ²⁰Laakiin goortaad aragtaan Yeruusaalem oo colal ku wareegsan yihiin, markaas ogaada in hallaynteedu dhow dahay. ²¹Markaas kuwa Yahuudiya joogaa buuraha ha u carareen, kuwa gudaheeda ku jiraana ha ka baxeen, kuwa beeraha joogaana yaanay gelin. ²²Waayo, kuwanu waa maalmo aargudasho in wixii la qoray oo dhammu ay noqdaan. ²³Laakiin waa u hoog kuwa uurka leh iyo kuwa wakhtigaas ilmo nuujinaya, waayo, dhulka dhib weyn ayaa ka dhici doonta, dadkanna cadho. ²⁴Waxayna ku dhici doonaan seef afkeeda, oo waa la qabsan doonaa, oo quruumaha oo dhan la geeyn doonaa; quruumuhuna Yeruusaalem ayay ku tuman doonaan ilaa wakhtiga quruumuhu ka dhammaado.

Wakhtiga dhammaadkiisa (Mt. 24:29-31; Mk. 13:24-27)

²⁵Calaamooyin ayaa laga arki doonaa qorraxda, iyo dayaxa, iyo xiddigaha; dhulkana waxaa ku jiri doona dhib quruumahu ka welwelaan guuxa badda iyo hirarka aawadood. ²⁶Dadkuna waxay la suuxi doonaan baqdin iyo filasho waxa dunida iman doona, waayo, xoogagga cirka ayaa la gariirin doonaa. ²⁷Markaasay arki doonaan Wiilka Aadanaha oo daruur ku imanaya, isagoo leh xoog iyo ammaan weyn. ²⁸Laakiin goortii ay waxaasu bilaabaan inay dhacaan, kor eega, madaxyadiinnana kor u qaada, waayo, madax-furashadiinnu waa dhow dahay.

Soo jeedid baa loo baahan yahay (Mt. 24:32-35; Mk. 13:28-31)

²⁹Markaasuu masaal kula hadlay, Bal eega berdaha iyo dhirta oo dhan; ³⁰goortay caleemo bixiyaan waad arkaysaan oo garanaysaan inuu roobku haddaba dhow yahay. ³¹Sidaas oo kale idinkuna goortaad aragtaan waxaas oo dhacaya, garta in boqortooyadii Ilaah dhow dahay. ³²Runtii waxaan idinku leeyahay, Qarniganu ma idlaan doono intaanay wax walba dhicin. ³³Cirka iyo dhulku waa idlaan doonaan, laakiinse hadalladaydu ma idlaan doonaan. ³⁴Laakiin iska jira, yaan qalbiyadiinnu la cuslaan dhereg badan iyo sakhraannimo iyo ka welwelidda ifkan, oo yaan maalintaasu idiin soo kedin sida dabin oo kale. ³⁵Waayo, sidaas oo kale ayaa ku dhacaysa kulli kuwa dunida oo dhan jooga. ³⁶Laakiin wakhti walbaba soo jeeda, idinkoo Ilaah baryaya inaad xoog yeelataan si aad uga baxsataan waxaas dhici doonaa oo dhan, oo aad Wiilka Aadanaha isu hor taagtaan. ³⁷Maalin walba ayuu macbudka wax ku bari jiray, habeen walbana dibadda ayuu u bixi jiray, oo wuxuu baryi jiray buurta la odhan jiray Buur Saytuun. ³⁸Dadka oo dhammuna aroortii ayay macbudka ugu iman jireen inay dhegaystaan.

Cutubka 22

Yuudas khiyaanadiisa (Mt. 26; I-S. 14-16;Mk. 14:1-2,10-11)

¹Waxaa soo dhowaatay Iiddii Kibistii-aan-khamiirkalahayn oo la yidhaahdo Kormaridda. ²Markaasaa wadaaddadii sare iyo culimadii waxay dooneen si ay u dilaan isaga, waayo, dadka ayay ka baqeen. ³Markaasaa Shayddaanku wuxuu galay Yuudas, kan Iskariyot la odhan jiray, isagoo ka mid ah tirada laba-iyo-tobanka. ⁴Markaasuu tegey, oo wuxuu la hadlay wadaaddada sare iyo madaxdii askarta si uu ugu gacan geliyo. ⁵Goortaasay farxeen oo kula heshiiyeen inay lacag siiyaan, ⁶wuuna oggolaaday, oo wuxuu doonayay goor wanaagsan inuu u soo gacan geliyo intii dadka maqnaayeen.

Diyaargarayskii cashadii ugu dambaysay (Mt. 26:17-19; Mk. 14:12-16)

⁷Waxaa timid maalintii Iidda Kibista-aan-khamiirka-lahayn. tan la leeyahay in neefka Kormaridda la gowraco. ⁸Markaasaa Ciise wuxuu diray Butros iyo Yooxanaa isagoo ku leh, Taga oo Kormaridda inoo soo diyaargareeya aan cunne. ⁹Waxay ku yidhaahdeen, Xaggee baad doonaysaa inaannu ku diyaargarayno? ¹⁰Wuxuu ku yidhi, Bal eega, goortaad magaalada gashaan waxaa idinla kulmi doona nin aashuun biyah sita. Isaga raaca oo ka daba gala guriguu galo. ¹¹Waxaad ninka guriga leh ku tidhaahdaan, Macallinkii wuxuu kugu leeyahay, Meeday qooladdii martidu oo aan xertayda kula cuni doono cashada Iidda Kormaridda? ¹²Wuxuu idin tusayaa qoolad weyn oo sare oo goglan, halkaa ku diyaargareeya. ¹³Markaasay tageen, oo waxay heleen siduu u sheegay, oo cashada Iidda Kormaridda way diyaargareeyeen.

Cashadii ugu dambaysay (Mt. 26:20-30; Mk. 14:22-26;1 Kor. 11:23-25)

¹⁴Goortii saacaddii timid ayuu fadhiistay, isaga iyo rasuulladiiba. ¹⁵Markaasuu wuxuu ku yidhi, Aad baan u doonayay inaan cashadan Iidda Kormaridda idinla cuno intaanan xanuunsan. ¹⁶Waayo, waxaan idinku leeyahay, Mar dambe tan ma cuni doono ilaa ay ku dhammays tiranto boqortooyada Ilaah dhexdeeda. ¹⁷Markaasuu koob qaaday, oo goortuu mahad naqay ayuu yidhi, Kan qaata oo qaybsada, ¹⁸waayo, waxaan idinku leeyahay, Hadda dabadeed anigu midhaha geedka canabka ah kama cabbi doono ilaa ay boqortooyada Ilaah timaado. ¹⁹Kibisna wuu qaaday, oo goortuu mahad naqay, ayuu kala jejebiyey, oo iyaga siiyey, isagoo leh, Tanu waa jidhkaygii laydiin bixiyey. Waxan xusuustayda u sameeya. ²⁰Sidaas oo kale cashada dabadeed koobkuu qaaday isagoo leh, Koobkanu waa axdiga cusub oo dhiiggayga aawadiin loo daadshay, ²¹laakiin eega, gacanta kan i gacan gelinaya miiskay ila saaran tahay, ²²waayo, Wiilka Aadanahu waa baxayaa sidii loo gooyay, laakiin hoog waxaa leh ninkaas gacan gelinaya. ²³Markaasay waxay bilaabeen inay dhexdooda isweydiiyaan midkood waxan yeeli doona.

Weynaanta runta ah

²⁴Dhexdoodana waxaa ku jirtay dood ku saabsanayd midkood lagu tirinaya inuu ugu weyn yahay. ²⁵Markaasuu ku yidhi, Quruumaha boqorradoodu ay u taliyaan iyaga, kuwa xukun ku lehna waxaa la yidhaahdaa, Wanaagfalayaal. ²⁶Idinkuse sidaas ma ahaan doontaan, laakiin kan dhexdiinna ugu weyn, ha noqdo sida kan yar; kan u sarreeyaana, ha noqdo sida kan adeega. ²⁷Waayo, kee baa weyn, ma kan cuntada u fadhiya baa mise waa kan adeega? Miyaanu ahayn kan cuntada u fadhiya? Aniguse sida kan adeega ayaan idiin dhex joogaa. ²⁸Idinku waxaad tihiin kuwa ila sii joogay markii lay jirrabayay. ²⁹Waxaan idiin yeelayaa boqortooyo sida aabbahay iigu yeelay, ³⁰si aad wax uga cuntaan oo uga cabtaan miiskayga oo boqortooyadayda ku jira, oo waxaad ku fadhiisan doontaan carshiyo idinkoo xukumaya laba-iyo-tobanka qolo oo Israa'iil.

Butros dafiriddiisii horaa loo sii sheegay (Mt. 26:31-35; Mk. 14:27-31; Yoox. 13:36-38)

³¹Simoonow, Simoonow, ogow, Shayddaanka ayaa ku doonay inuu kuu haadiyo sida sarreen, ³²laakiin waan kuu baryootamay si aanu rumaysadkaagu u baabi'in, adiguna goortaad hadaysantid walaalaha adkee. ³³Markaasuu wuxuu ku yidhi, Sayidow, diyaar baan u ahay inaan kuu raaco xabsiga iyo dhimashadaba. ³⁴Isaguse wuxuu ku yidhi, Waxaan kuu sheegayaa, Butrosow, maanta diiqu ciyi maayo ilaa aad saddex kol dafirtid inaad i taqaan. ³⁵Wuxuuna ku yidhi, Goortaan idin diray kiishad la aan iyo qandi la'aan iyo kabo la'aan, wax ma u baahnaydeen? Waxay yidhaahdeen, Maya, waxba. ³⁶Markaasuu ku yidhi, Laakiin haddeer kii kiishad qabaa ha qaato, sidaas oo kalena qandi ha qaato. Kii aan midna qabinna, dharkiisa ha iibiyo, oo seef ha iibsado. ³⁷Waayo, waxaan idinku leeyahay, Waa inuu igu dhammaado qorniinkan leh, Waxaa isaga lagu tiriyey sharcilaawayaasha. Waayo, waxa igu saabsani dhammaad bay leeyihiin. ³⁸Markaasay waxay yidhaahdeen, Sayidow, bal eeg, laba seefood ayaa halkan yaal e. Wuxuu ku yidhi. Waa ku filan tahay.

Ciise wuxuu ku tukaday Beer Getsemane (Mt. 26:36-46; Mk. 14:32-42)

³⁹Markaasuu baxay oo Buur Saytuun tegey sidii caadadiisu ahayd, xertiina waa raacday. ⁴⁰Markuu meeshii joogay ayuu ku yidhi, Tukada inaydnaan jirrabaadda gelin. ⁴¹Markaasuu intii dhagax la tuuro ka durkay, wuuna jilba joogsaday oo tukaday, ⁴²isagoo leh, Aabbow, haddaad doonaysid, koobkan iga fogee, hase ahaatee, doonistaydu yaanay noqon, taaduse ha noqoto. ⁴³Markaasaa waxaa samada kaga muuqatay malaa'ig isaga xoogaynaysa. ⁴⁴Isagoo aad u xanuunsan ayuu dadaal ku tukaday, dhididkiisuna wuxuu noqday sida dhibicyo dhiig ah oo dhulka ku dhacaya. ⁴⁵Goortuu tukashadiisii ka soo kacay, ayuu xertii u yimid oo wuxuu arkay iyagoo caloolxumo la hurda. ⁴⁶Markaasuu ku yidhi, Maxaad u huruddaan? Kaca oo tukada inaydnaan jirrabaadda gelin.

Ciise waa la qabtay (Mt. 26:47-56; Mk. 14:43-50; Yoox. 18:2-11)

⁴⁷Intuu weli hadlayay, bal eeg, waxaa yimid dad badan, oo kii Yuudas la odhan jiray oo laba-iyo-tobanka ka mid ahaa ayaa hortooda socday. Wuxuuna u soo dhowaaday Ciise inuu dhunkado. ⁴⁸Laakiin Ciise wuxuu ku yidhi, Yuudasow, ma waxaad Wiilka Aadanaha ku gacan gelinaysaa dhunkasho? ⁴⁹Kuwii ag joogay goortay garteen waxa dhici doona, waxay yidhaahdeen, Sayidow, seef miyaannu ku dhufannaa? ⁵⁰Markaasaa midkood wuxuu ku dhuftay wadaadka sare addoonkiisii, oo dhegta midigta ka gooyay. ⁵¹Laakiin Ciise ayaa u jawaabay oo ku yidhi, Sii daaya. Markaasuu dhegtiisa taabtay oo bogsiiyey. ⁵²Kuwa u yimid, waxa weeye, wadaaddadii sare, iyo madaxdii askarta oo macbudka, iyo waayeelladii, waxaa Ciise ku yidhi, Ma waxaad iila soo baxdeen seefo iyo ulo sidaan tuug ahay? ⁵³Goortaan maalin walba macbudka idinkula jiri jiray, gacmo iguma aydaan soo taagi jirin, laakiin tanu waa saacaddiinna iyo xoogga gudcurka.

Butros waa dafiray Ciise (Mt 26:57-58, 69-75; Mk. 14:57-54. 66-72; Yoox. 18:12-18, 25-27)

⁵⁴Markaasay isagii qabteen oo kaxeeyeen, oo wadaadkii sare gurigiisa ayay geliyeen. Laakiin Butros baa meel fog ka daba socday, ⁵⁵oo goortay barxadda dhexdeeda dab ka shideen, oo ay wada fadhiisteen, ayaa Butros dhexdooda fadhiistay. ⁵⁶Laakiin gabadh baa intay aragtay isagoo dabka iftiinkiisa fadhiya, aad bay u dayday oo tidhi. Kanuna waa la jiray isagii. ⁵⁷Isaguse waa dafiray oo ku yidhi, Naag yahay, anigu garanba maayo isagii. ⁵⁸Wuxoogaa yar dabadeed qof kale ayaa arkay oo yidhi, Adiguna midkood baad tahay. Butros baase yidhi, Nin yahow, anigu ma ihi. ⁵⁹Goortii saacad dhaaftay mid kale ayaa adkeeyey isagoo leh, Run weeye, kanuna waa la jiray, waayo, waa reer Galili. ⁶⁰Laakiin Butros wuxuu ku yidhi, Nin yahow, anigu garan maayo waxaad leedahay. Kolkiiba intuu weli hadlayay, diiqii baa ciyey. ⁶¹Markaasaa Rabbigu soo jeestay oo Butros eegay; Butrosna wuxuu xusuustay hadalkii Rabbiga siduu ku yidhi, Maanta intaanu diiqu ciyin. saddex kol ayaad i dafiri doontaa. ⁶²Markaasuu dibadda u baxay oo aad u ooyay.

Ciise waa lagu kajamay oo garaacay (Mt. 226:67-68; Mk. 14:65)

⁶³Nimankii Ciise qabtay way ku kajameen oo garaaceen. ⁶⁴Oo intay indhaha ka xidheen ayay weydiiyeen oo ku yidhaahdeen, Noo sheeg, yuu yahay kan kugu dhuftay? ⁶⁵Wax badan oo kalena ayay ku lahaayeen iyagoo caayaya.

Ciise oo wadaaddadii sare hor taagan (Mt. 26:59-66; Mk. 14:55-64; Yoox. 18:19-24)

⁶⁶Kolkuu waagii beryay, waxaa ururay waayeelladii dadka oo ahaa wadaaddadii sare iyo culimadiiba, oo waxay isagii geeyeen shirkoodii iyagoo leh, ⁶⁷Haddii aad Masiixa tahay, noo sheeg. Wuxuuse ku yidhi, Haddaan idiin sheego ma rumaysan doontaan. ⁶⁸Haddaan idin weydiiyona, iima jawaabi doontaan. ⁶⁹Laakiin hadda dabadeed Wiilka Aadanahu wuxuu fadhiisan doonaa midigta xoogga Ilaah. ⁷⁰Markaasay waxay wada yidhaahdeen, Haddaba miyaad tahay Wiilka Ilaah? Wuxuu ku yidhi, Waad tidhaahdeen inaan ahay. ⁷¹Markaasay yidhaahdeen, Maxaannu markhaati weli ugu baahan nahay. waayo, qudheenna ayaa afkiisa ka maqalnay.

Cutubka 23

Ciise oo hor taagan Bilaatos oo ahaa taliyaha reer Rooma (Mt. 27:1-2. 11-14; Mk. 15:1-5; Yoox. 18:28-38)

¹Markaasaa dadkoodii oo dhan kacay. oo waxay isagii hor geeyeen Bilaatos. ²Kolkaasay bilaabeen inay ku ashtakeeyaan iyagoo leh. Waxaannu aragnay ninkan oo quruuntayada rogaya, oo diidaya in Kaysar cashuur la siiyo, oo odhanaya inuu qudhiisu yahay Masiix oo boqor ah. ³Bilaatos ayaa weydiiyey, isagoo leh, Ma Boqorka Yuhuudda baad tahay? Wuu u jawaabay oo ku yidhi, Waad tidhi. ⁴Dabadeed Bilaatos wuxuu wadaaddadii sare iyo dadkii ku yidhi. Anigu ninkan eed kuma aan helin. ⁵Laakiin way ku sii adkeeyeen iyagoo leh, Dadkuu kiciyaa, oo dalka Yahuudiya oo dhan ayuu wax baraa; dalka Galili ayuu ka soo bilaabay ilaa halkan.

Ciise oo Herodos hor taagan

⁶Bilaatoos goortuu maqlay, wuxuu weydiiyey inuu ninku reer Galili yahay. ⁷Goortuu ogaaday inuu ka mid ahaa kuwii Herodos xukumo, wuxuu u diray Herodos, kan qudhiisu Yeruusaalem joogay wakhtigaas. ⁸Herodos goortuu Ciise arkay, aad buu u farxay, maxaa yeelay, ilaa wakhti dheer ayuu doonayay inuu arko, waayo, wax buu ka maqlay, oo wuxuu rajaynayay inuu calaamo ka arko. ⁹Markaasuu su'aalo badan weydiiyey, laakiin waxba uma uu jawaabin. ¹⁰Wadaaddadii sare iyo culimadii ayaa istaagay, oo aad iyo aad bay u ashtakeeyeen. ¹¹Herodos ayaa fududaystay oo ku majaajilooday, isaga iyo askartiisiiba, oo intuu dhar dhalaalaya u geliyey ayuu Bilaatos u celiyey. ¹²Maalintaas qudheeda Herodos iyo Bilaatos saaxiibbo bay noqdeen, intii ka horraysayse cadaawe bay isu ahaayeen.

Bilaatos, iyo Baraabbas, iyo Ciise (Mt 27:15-26; Mk. 15:6-15,Yoox. 18:39-19:16)

¹³Bilaatos ayaa isugu yeedhay wadaaddadii sare iyo taliyayaashii iyo dadkii. ¹⁴Markaasuu wuxuu ku yidhi, Ninkan waxaad iigu keenteen sidii mid dadka rogaya. Bal ogaada, hortiinna ayaan wax ku weydiiyey, oo ninkan kuma aan helin eed ku saabsan waxaad ku ashtakaynaysaan. ¹⁵Herodosna kuma uu helin, wuuna noo soo celiyey. oo ma jiro wax dhimasho istaahila oo uu sameeyey. ¹⁶Taas aawadeed waan edbinayaa oo sii daynayaa. ¹⁷Waayo, waajib bay ahayd inuu iidda mid u sii daayo iyaga. ¹⁸Markaasay wada qayliyeen, iyagoo leh, Wad kan, Baraabbas noo sii daa, ¹⁹kan xabsiga loogu riday fallaagaduu magaalada ka riday iyo dilid aawadeed. ²⁰Mar kale Bilaatos ayaa iyaga la hadlay isagoo doonaya inuu Ciise sii daayo. ²¹Laakiin way qayliyeen, iyagoo leh, Iskutallaabta ku qodob, iskutallaabta ku qodob. ²²Markaasuu wuxuu kolkii saddexaad ku yidhi, Waayo? Waa maxay sharka kanu sameeyey? Kuma aan helin sabab lagu dilo. taas aawadeed waan edbinayaa oo sii daynayaa. ²³Laakiin cod weyn ayay ku adkaysteen iyagoo weydiisanaya in iskutallaabta lagu qodbo. oo waxaa xoog batay codadkoodii iyo codadkii wadaaddada sare. ²⁴Markaasaa Bilaatos wuxuu xukumay in loo yeelo waxay weydiisteen. ²⁵Wuuna sii daayay kii fallaagada iyo dilidda xabsiga loogu riday oo ay weydiisteen, laakiin Ciise buu u dhiibay iyaga siday doonayeen.

Ciise waa lagu qodbay iskutallaabta (Mt. 27:32-44; Mk. 15:21-32;Yoox. 19:17-27)

²⁶Kolkay wadeen, waxay qabteen Simoon reer Kuranaya ah isagoo beeraha ka soo socda, waxayna saareen iskutallaabtii inuu Ciise ka daba qaado. ²⁷Waxaana la socday dad badan iyo dumar laabta garaacaya oo barooranaya. ²⁸Laakiin Ciise intuu u soo jeestay, wuxuu ku yidhi, Gabdhaha Yeruusaalemow. ha ii ooyina, laakiin u ooya qudhiinna iyo carruurtiinna, ²⁹waayo, bal eega, wakhtigu waa imanayaa goortay odhan doonaan, Waxaa barakadaysan madhashada iyo uurarka aan weligood dhalin iyo naasaha aan weligood la nuugin. ³⁰Markaasay bilaabi doonaan inay buuraha ku yidhaahdaan, Nagu soo dhaca, oo ay gumburahana ku yidhaahdaan, Na qariya. ³¹Waayo, hadday geedka qoyan waxaas ku sameeyaan. maxaa ku dhici doona kan engegan? ³²Waxaana lala waday laba kale oo xumaanfalayaal ah in lala dilo. ³³Markay yimaadeen meeshii la yidhaahda dhakada, halkaasay iskutallaabo ku qodbeen isaga iyo xumaanfalayaashii, mid midigta, kan kalena bidixda. ³⁴Markaasaa Ciise wuxuu yidhi, Aabbow, iyaga cafi, waayo, garan maayaan waxay samaynayaan. Markaasay dharkiisii qaybsadeen, wayna saami riteen. ³⁵Dadkuna way taagnaayeen iyagoo daawanaya. Taliyayaashuna way ku qosleen iyagoo leh, Kuwa kale ayuu badbaadiyey, kanu ha isbadbaadiyo, hadduu yahay Masiixa Ilaah, kan uu doortay. ³⁶Askartiina waa ku majaajiloodeen, oo intay u yimaadeen, ayay khal siiyeen, ³⁷OO waxay ku yidhaahdeen, Haddii aad tahay boqorka Yuhuudda, isbadbaadi. ³⁸Meel ka korraysay isagana waxaa ku qorraa qorniin leh, KANU WAA BOQORKA YUHUUDDA. ³⁹Xumaanfalayaashii deldelnaa midkood ayaa caayay isagoo leh, Miyaanad ahayn Masiixa? Annaga iyo qudhaadaba badbaadi. ⁴⁰Laakiin kii kale ayaa jawaabay oo canaantay isagoo leh, Miyaanad xataa Ilaah ka baqin, waayo, isku xukun baad tihiin? ⁴¹Waayo, innaga waa inoo xaq, maxaa yeelay, waxaynu helnay abaalkii wixii aynu falnay, ninkanuse wax aan jid ahayn ma uu falin. ⁴²Markaasuu ku yidhi, Ciisow, i xusuuso goortaad boqortooyadaada ku timaado. ⁴³WUXUU ku yidhi, Runtii waxaan kugu leeyahay, Maanta Firdooska ayaad igula jiri doontaa.

Ciise waa dhintay (Mt. 27:45-56; Mk. 15:33-41; Yoox. 19:28-30)

⁴⁴Haddaba waxay ahayd abbaaraha saacaddii lixaad, dhulka oo dhammuna gudcur buu noqday ilaa saacaddii sagaalaad. ⁴⁵Qorraxdu way madoobaatay, daahii macbudkuna dhexda ayuu ka kala dillaacay. ⁴⁶Markaasaa Ciise cod weyn ku dhawaaqay oo yidhi, Aabbow, gacmahaaga ayaan ruuxayga u dhiibayaa. Goortuu waxaas yidhi, ayuu ruuxii bixiyey. ⁴⁷Boqol-u-taliyihii goortuu arkay wixii dhacay, ayuu Ilaah ammaanay oo yidhi, Hubaal ninkanu xaq buu ahaa ⁴⁸Dadkii oo dhan oo daawasho isugu yimid, goortay arkeen wixii dhacay, ayay noqdeen iyagoo laabta garaacaya. ⁴⁹Waxaa meel fogna ka taagnaayeen kuwii Ciise yiqiin oo dhan iyo dumarkii Galili ka soo raacay. iyagoo waxaas dayaya.

Ciise waa la aasay (Mt. 27:57-61; Mk. 15:42-47; Yoox. 19:38-12)

⁵⁰Oo bal eeg, waxaa jiray nin Yuusuf la odhan jiray oo taliye ahaa, wuxuuna ahaa nin wanaagsan oo xaq ah, ⁵¹(isaguna raalli kama ahayn waanidoodii iyo falniinkoodii), wuxuuna ahaa reer Arimataya oo ahayd magaalo Yuhuudda, kan boqortooyada Ilaah sugayay. ⁵²Kanu wuxuu u tegey Bilaatos oo ka baryay Ciise meydkiisii. ⁵³Markaasuu soo dejiyey oo kafan ku duudduubay, oo wuxuu geliyey xabaal dhagax ka qodnayd, meel aan weligeed ninna la dhigin. ⁵⁴Waxay ahayd Maalintii Diyaargarayska, Sabtidiina waa soo dhowaanaysay. ⁵⁵Dumarkii kala yimid Galili ayaa daba socday oo arkay xabaashii iyo sida meydkiisii loo dhigay. ⁵⁶Markaasay noqdeen, oo dhir udgoon iyo cadar soo diyaargareeyeen. Sabtidiina way nasteen sida qaynuunka u ahaa.

Cutubka 24

Ciise waa ka soo sara kacay kuwii dhintay (Mt 28:1-10; Mk. 16:1-8; Yoox. 20:1-10)

¹Maalintii ugu horraysay ee toddobaadka, goortii waagii beryayay, ayay xabaashii yimaadeen, iyagoo wada dhirtii udgoonayd oo ay diyaargareeyeen. ²Oo waxay arkeen dhagixii oo xabaashii laga giringiriyey. ³Markaasay galeen, laakiin kama ay helin meydkii Rabbi Ciise. ⁴Waxaa dhacay, intay waxaas ka sii welwelsanaayeen, in laba nin oo dhar dhalaalaya sitaa ag taagnaayeen. ⁵Dumarkii iyagoo cabsanaya ayay wejigooda hoos ugu foororiyeen dhulka. Markaasay ku yidhaahdeen iyaga, Maxaad kan nool uga dhex doondoonaysaan kuwii dhintay? ⁶Isagu halkan ma joogo, laakiinse waa sara kacay. Xusuusta siduu idiinla hadlay intuu Galili weli joogay, ⁷isagoo leh, Wiilka Aadanaha waa in loo gacan geliyo dembiilayaasha, oo iskutallaabta lagu qodbo, oo maalinta saddexaad uu soo sara kaco. ⁸Markaasay hadalladiisii xusuusteen. ⁹Wayna ka soo noqdeen xabaashii, oo waxaas oo dhan ayay u sheegeen koob-iyo-tobankii iyo kuwii kale oo dhan. ¹⁰Waxay ahaayeen Maryantii reer Magdala, iyo Yo'anna, iyo Maryan oo ahayd Yacquub hooyadii; dumarkii kalena oo la jiray ayaa waxaas rasuulladii u sheegay. ¹¹Hadalladaas waxay la noqdeen wax aan micne lahayn, wayna rumaysan waayeen. ¹²Laakiin Butros ayaa kacay oo xabaashii u orday, markaasuu foororsaday oo wuxuu arkay maryihii keligood oo meel yaal; markaasuu ka tegey oo gurigiis ku noqday isagoo ka wixii dhacay.

Ciise wuxuu u muuqday xertii Emma'us ku socotay (Mk. 16:12-13)

¹³Laba ka mid ah iyaga waxay maalintaas qudheeda ku socdeen tuulo la odhan jiray Emma'us, tan Yeruusaalem u jirtay lixdan^[6]istaadiyon. ¹⁴Waxay ka wada hadlayeen wixii dhacay oo dhan, ¹⁵OO waxay noqotay intay wada hadlayeen oo wax isweyweydiinayeen, in Ciise qudhiisa u soo dhowaaday oo la socday. ¹⁶Laakiin waa la indha saabay si aanay u garanayn. ¹⁷Markaasuu ku yidhi, Maxay yihiin hadalladan aad isku haysaan intaad socotaan? Wayna istaageen iyagoo fool qulubsan. ¹⁸Midkood oo Kale'obas la odhan jiray, ayaa u jawaabay oo ku yidhi, Ma adigoo keliya oo Yeruusaalem deggan oo aan ogayn wixii ayaamahan meeshaas ka dhacay? ¹⁹Wuxuu ku yidhi, Wax maxay ah? Waxay ku yidhaahdeen, Wixii ku saabsanaa Ciisihii Reer Naasaret, kii ahaa nin nebi ah oo xoog u lahaa wax falniin iyo hadal ah Ilaah iyo dadka oo dhan hortooda, ²⁰iyo sidii wadaaddada sare iyo taliyayaasheennii ugu dhiibeen in dhimasho lagu xukumo, oo iskutallaabta ayay ku qodbeen. ²¹Laakiin waxaannu rajaynaynay inuu yahay kan Israa'iil soo furan lahaa, laakiin waxaas oo dhan weliba maanta waa u maalintii saddexaad markii ay waxaas oo dhammi dhaceen. ²²Weliba dumar annaga naga mid ah ayaa naga yaabsiiyey, kuwii aroortii hore xabaashii tegey. ²³Goortii ay meydkiisii waayeen ayay yimaadeen iyagoo leh, Waxaannu weliba aragnay muuqad malaa'igo kuwa yidhi, Wuu nool yahay. ²⁴Qaarkood oo nala joogay ayaa xabaashii tegey, oo waxay arkeen sidii dumarku yidhi, laakiin isagase ma ay arkin. ²⁵Markaasuu ku yidhi, Nacasyo yahow oo qalbigoodu ka raagay inuu rumaysto wixii nebiyada oo dhammi ay ka hadleen. ²⁶Masiixa miyaanay waajib ku ahayn inuu waxaas oo dhan ku silco oo uu ammaantiisa galo? ²⁷Markaasuu ka bilaabay Muuse iyo nebiyada oo dhan, Qorniinka oo dhanna ayuu uga micneeyey wixii isaga qudhiisa ku saabsanaa. ²⁸Goortaasay ku soo dhowaadeen tuuladay ku socdeen, isaguna wuxuu iska dhigay mid sii fogaanaya, ²⁹laakiin way oggolaysiiyeen iyagoo leh, Nala joog, waayo, makhribku waa dhow yahay, maalintiina durba waa dhammaatay. Markaasuu la galay inuu la joogo. ³⁰Waxaa dhacay kolkuu cunto ula fadhiistay inuu kibista qaaday, oo barakadeeyey, oo intuu kala jejebiyey ayuu siiyey. ³¹Markaasaa indhahoodu furmeen, oo isagay garteen, wuuna ka libdhay. ³²Markaasay isku yidhaahdeen, Miyaan qalbigeennu gubanin intuu jidka inagula hadlayay iyo intuu Qorniinkii inoo furayay? ³³Saacaddaas qudheeda ayay kaceen oo Yeruusaalem ku noqdeen, waxayna arkeen koob-iyo-tobankii iyo kuwii la jiray oo isu ururay, ³⁴iyagoo leh, Hubaal Sayidku waa sara kacay, oo wuxuu u muuqday Simoon. ³⁵Iyaguna waxay ka warrameen wixii jidka ka dhacay iyo siday isaga ugu garteen kala jejebintii kibista.

Ciise wuxuu u muuqday rasuulladii (Mt. 28:16-20; Mk. 16:14-18; Yoox. 20:19-23)

³⁶Intay waxyaalahaas ku hadlayeen, isaga qudhiisa ayaa dhexdooda taagnaa, oo wuxuu ku yidhi, Nabadi ha idinla jirto. ³⁷Laakiin way argagexeen oo cabsadeen, waxayna u maleeyeen inay ruuxaan arkeen. ³⁸Markaasuu ku yidhi, Maxaad u naxaysaan? Fikirro maxay qalbigiinna uga kacayaan? ³⁹Gacmahayga iyo cagahayga arka inaan anigu isagii ahay, i taabta oo arka, waayo, ruuxaan jiidh iyo lafo ma leh sidaad igu arkaysaan inaan leeyahay. ⁴⁰Goortuu waxaas yidhi, ayuu tusay gacmihiisa iyo cagihiisa. ⁴¹Intay yaabsanaayeen iyagoo aan weli rumaysan farxad aawadeed, wuxuu ku yidhi, Halkan wax la cuno ma ku haysaan? ⁴²Kolkaasay waxay siiyeen in kalluun duban ah. ⁴³Markaasuu qaaday oo hortooda ku cunay. ⁴⁴Wuxuu ku yidhi, Kuwani waa hadalladaydii aan idinkula hadlay intii aan weli idinla jiray. Waa inay noqdaan wax walba oo sharciga Muuse iyo nebiyadii iyo sabuurrada laygaga qoray oo igu saabsanaa. ⁴⁵Markaasuu garashadooda u furay si ay u gartaan Qorniinka. ⁴⁶Wuxuuna ku yidhi, Sidaasay u qoran tahay, Waa inuu Masiixu silco, oo uu maalinta saddexaad kuwa dhintay ka soo sara kaco, ⁴⁷iyo in toobaddii iyo dembidhaafka magiciisa lagu wacdiyo quruumaha oo dhan oo laga bilaabo Yeruusaalem. ⁴⁸Idinkuna waxyaalahaas ayaad markhaati ka tihiin. ⁴⁹Oo bal eega. waxaan idiin soo dirayaa ballankii Aabbahay, laakiin magaalada jooga ilaa xoog laydinka huwiyo xagga sare.

Ciise kor buu u baxay (Mk. 16:19-70)

⁵⁰Markaasuu iyaga kaxeeyey ilaa meel ku dhow Beytaniya, oo intuu gacmihii kor u qaaday ayuu barakadeeyey. ⁵¹Waxaa dhacay intuu barakadaynayay inuu ka tegey, oo waxaa kor loogu qaaday samada. ⁵²Markaasay isaga caabudeen, oo waxay Yeruusaalem kula noqdeen farxad weyn; ⁵³oo goor walbaba macbudka ayay ku jireen iyagoo Ilaah ammaanaya.

[1] 6:4 kibistii tusniinta = kibis gooni ah oo loo bixiyey Ilaah.

[2] 7:37 alabastar = dhagax cad.

[3] 10:15 Haadees = Meeshii kuwii dhintay.

[4] 15:8 daraakmo = lacag.

[5] 19:13 mina = boqol daraakmo oo lacag ah.

[6] 24:13 istaadiyon = mayl toban meelood oo meel.